TAUNET 33:9 - BUKUIT NE TILIIL Sireet ne Dutero Kanon

⁹ Ago ki le Esau, “Atinye che yamo tupchennyu; ingobunjin chooto itinye.”

Bukuit Ne Tilil

⁹ Ago ki le Esau, “Atinye che yamo tupchennyu; ingobunjin chooto itinye.”

BUKUIT NE TILIL

⁹ Ak kile Esau, Atinye che yama, tupchennyu; ingobunjin choto itinye.

TAUNET 33:9 ပူးပေါင်းရင်းမြစ်များ

TAUNET 27:39

Ki wolji `Isak kwandanyi ineendet koleenji, “Keero, looitu meng'ooteng'ung' eng' akwaiyetap ng'wony, ak eng' rewootap kipsengwet ne punu parak.

TAUNET 27:40

Isabe rotweng'ung' po chok, ak iote ng'eetap kamenng'ung'. Ye ityagage, ilelekte pounatennyi koistoegei kaating'ung'.”

TAUNET 27:41

Kiwech Esau anyun Jakobo amu perurto ne ki iberuur kwandanyi, ak ki le Esau eng' muguleldanyi, “Kagoriik peetuusyek che keriirchin abba; ye ibata abar tupchennyu Jakobo.”

TAUNET 33:10

Koleenji Jakobo, “Achicha, asaain ale, ngo kaanyooru chameet eng' taing'ung', ko myee itaach chu kagoonin eng' eunnyu; amu kaageer togeng'ung', ko uu ye kigeere togeetap Kamuktaindet, ak ageere anyun ale ibaibai eng' anee.

TAUNET 4:9

koteebee `Kamuktaindet ne Toroor Kain anyun koleenji, “Mi ano tupcheng'ung', Abel?” Kowol Kain kole, “Mangen. Tos aa riibindetap tupchennyu?”

KALEWANAIK 16:7

Ye iboiboi `ortinwegap chii Kamuktaindet ne Toroor, kogoochin kochamyo ak puunikyik.

KALEWANAIK 30:15

Tinyei pinyinyet aarek aeng', che leen, “Koonech, koonech.” Mi tuguuk somogu che ma koi piyo, ee, miitei tuguuk ang'wanu che ma mwaei kole, “Kayamech”:

AMDOINDET 4:8

Mi age ne mi ineegei, ama tinyei ne rubei; ma tinyei weeriit anan ng'eetap kamet; nganda uu nooto, koma mi kagesunet ne po pirtoennyi pogei tugul, ama piyonyi konyekyik mogornatosyek. Leen, “Aboisyechini ng'oo ak arebee saboondanyu kiit ne myee?” Puch niito agine, poisyet ne po nyalilda.

POISYONIGAP CHE KIYOKTOI 21:20

Kingo kas icheek ng'olyoondonooto, kogonyit Kamuktaindet. Koleenji `icheek ineendet, “Igeere anyun, ne kitupche, ole tee eliphuusyek ng'iisyat eng' kwenutap Yahudik che ki koyan; ak tinyei tugul kagiiletapkei agobo Ng'atuutyet.

POISYONIGAP CHE KIYOKTOI 9:17

Ki wo anyun Anania, ak ki wo agoi ko, yeityo kogonoor eunekyik Saulo ak koleenji, “Tupchennyu Saulo, kagiyokwo Kiptaiyat, ineendet Jeso, ne kichunjin eng' ooreet ne ki ibunu, kole igeerte, ak kinyiitun Kabuuset ne Tiliil.”

PILEMON 1:16

ma ko uu otwogin kogeny ago kogosiir otwogin, tupchet ne chamat, miising' ko eng' anee ago siirei ne tya anyun eng' inyee, eng' poorto ak eng' Kiptaiyat.

PILEMON 1:7

Amu ki atinye poiboiyet ne oo ak kagaigaet eng' chamyeng'ung', amu kigonyoor kamuung'et mugulelwegap piik che tiliileen agobo inyee, ne kitupche.

KIRUOGIK 20:23

(Ki togosta piigap Israel koba koriiryo eng' taitap Kamuktaindet ne Toroor agoi koskoleny, ak ki teebe `icheek Kamuktaindet ne Toroor kole, “Awe kogeny ayai lugeet ak lagogap Benjamin tupchennyu?” Ak ki le Kamuktaindet ne Toroor, “Togoste obargei ak ineendet.”)