TAUNET 31:24 - BUKUIT NE TILIIL Sireet ne Dutero Kanon

²⁴ Ki nyoonji `Kamuktaindet Laban Syrianindet kemoi eng' karwotitoet koleenji, “Riipkei, amemwachi Jakobo ng'olyoo, ne myee anan ne ya.”

Bukuit Ne Tilil

²⁴ Ki nyoonji `Kamuktaindet Laban Syrianindet kemoi eng' karwotitoet koleenji, “Riipkei, amemwachi Jakobo ng'olyoo, ne myee anan ne ya.”

BUKUIT NE TILIL

²⁴ Kinyonji Kamuktaindet Laban Suriaindet kemoi eng’ karuotitoet, kolenji, Ripge, amemwachi Jakobo ng’olyo ne mie anan ne ya.

TAUNET 31:24 ပူးပေါင်းရင်းမြစ်များ

TAUNET 20:3

Ago ki nyoonji `Kamuktaindet Abimelek eng' karwotitoet kemoi koleenji, “Keero, kaimei isabe, kwondo ne kaimutyigei ko kwondap chii.”

TAUNET 20:6

Ak ki mwachi anyun `Kamuktaindet ineendet eng' karwotitoet, koleenji, “Wei, angen ale ki iyai ko uu ni eng' muguleldo ne po iman. Agot anee ko ki aeetenen si meyaiywo tengek. Nooto anyun amu nee si ma achamun itwaa ineendet.

TAUNET 24:50

Kowolji Laban ak Bethuel anyun, koleenji, “Punu Kamuktaindet ne Toroor ng'olyoondoni; ma kimuuchi kemwaun ng'olyoot ne ya anan ne myee.

TAUNET 28:5

Ki iyookto anyun `Isak Jakobo kwo, ak ki wo anyun agoi Padan-aram kap Laban, weeriitap Bethuel Syriaindet, ng'eetap kametap Rebeka, kametap Jakobo ak Esau.

TAUNET 31:10

Ak ye kingo machei korisyo neego, ageer eng' karwotitoet kwesik che laanyei neego ak ki keronen, ak che ibisyonen ak che mologonen.

TAUNET 31:11

Ki kuura malaikaiyatap Kamuktaindet eng' karwotitoet, kole, ‘Jakobo,’ ak ki ale, ‘Ami yu.’

TAUNET 31:23

komut tupchosyekyik, koba kobooto ineendet koosup, ak eng' peetuutap tisap konyoorchi tulweetap Gilead.

TAUNET 31:25

Ki it anyun Laban ole mi Jakobo. Kiga teech Jakobo emainnyi eng' tulweet. Ki nyo koteech Laban ak tupchosyekyik ak icheek tulweetap Gilead.

TAUNET 31:29

Atinye kimnateet ayaiywok ne ya; ago kong'alaalwo Kamuktaindetap kwandang'wong' lagat koleenjo, ‘Riipkei, si memwachi Jakobo kiy ne myee anan ne ya.’

TAUNET 31:42

Nda ki ma komi kobooto Kamuktaindet ne po abba, Kamuktaindetap Abraham, ak Ineendet ne iywei Isak, ko kiteona awo puch. Kogogeer Kamuktaindet nyalildanyu ak poisyetap eunekyuk, ak kogerin kong' lagat anyun amu nooto.”

TAUNET 31:7

Nga ki koberbera kwandang'wong' ak ki kowal melektanyu konyil taman, koma chamji Kamuktaindet koyaiywo ne ya.

TAUNET 40:5

Ki irwotyi tuwai karwotitoet, chii tugul karwotitoennyi eng' kemout agenge, age tugul ko uu weeksetap karwotitoennyi, riibindetap tuguuk che kieei, ak riibindetap kwang'set ne po laitoryatap Misiri, che kiga kiratyi korgoreet.

TAUNET 41:1

Ye kingo keskei kenyiisyek aeng'u, korwotyi Pharaoh kotononi eng' ye neegitee aineet.

2 SAMUEL 13:22

Ma mwachi `Absalom Amnon kiy ne myee anan ko ne ya. Ki sas `Absalom Amnon, amu kiga suup chepkamennyi Tamar.

1 LAITORINIK 3:5

Kimong'ji `Kamuktaindet ne Toroor Solomon eng' Gibeon eng' karwotitoet kemoi. Ki le Kamuktaindet, “Soom kiit ne imache agoonin.”

Kitabuutap JOB 33:25

Ng'arng'aritu poortanyi kosiir ne po lakweet, ak koweekyingei peetuusyegap ming'inatennyi.’

ISAIAH 37:29

Amu nereegeguk che koroomen agobo anee, ak amu kogoit itiikyuk loseng'ung' pogei, andoi anyun kombet serung'ung', ak ande karnennyu kuting'ung', ak aweechin ibun ooreet ne kebunu.

HOSEA 12:12

Ak kimwechi Jakobo emetap Aram, ak ki otis Israel agobo osotyot, ak ki iyagis si kobiit konyoor osotyot.

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

KAITOSYEK 22:20

Ki nyoonji `Kamuktaindet Balaam kemoi, konyo koleenji, “Ngo kabwa pichu koguurin, ing'eet ak obe tugul, ago iyae kityo ng'olyoot ne amwaun.”

KAITOSYEK 22:26

Ki inakta malakaiyatap Kamuktaindet ne Toroor kwo tai, ak kitonone ye mariich, ye ki ma kimuuchi keeweekyigei komostap tai anan kaataam.

KAITOSYEK 24:13

‘Agot ngo koono Balak fedha ak thahabu che nyiei koonnyi, koma muuchi asiir ye pooch ng'olyootap Kamuktaindet ne Toroor, ayai ne myee anan ayai ne ya eng' magennyu; ne mwaei Kamuktaindet ne Toroor ko nooto ne amwae?’

MATAYO 1:20

Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.

MATAYO 2:12

Ak ko uu ye kiga kiteechi eng' karwotitoet keleenji amoweekyigei Herod, konam panda koosup ooreet age koba emennywa.

MATAYO 27:19

Ye kingo ta kotononjin kirwooget, koyookyi osotyonnyi ng'olyoo kole, “Ameite kiy chiichoo ma tinyei leluut, amu kaanyooru nyalilwogik che chaang' rani eng' karwotitoet agobo ineendet.”

NG'ATUTIK 26:5

Ak iwolu eng' taitap Kamuktaindet ne Toroor Kamuktaindeng'ung' ile, ‘Ki Syrianindet abba ne kiuoti ne kichoortagei kwo Misiri ak komeny olooto ak ye kimatyanit koek ineendet pororyet ne oo eng' olooto, kochang'a ak kogimegiitu miising'.