SEPANIA 3:15 - BUKUIT NE TILIIL Sireet ne Dutero Kanon

¹⁵ Kagoisto Kamuktaindet ne Toroor kirwoogutiguk, ki koon punyondeng'ung'. Mi kwenung'ung' laitoryatap Israel, ineendet Kamuktaindet ne Toroor; ma iywei yaityet agoi.

Bukuit Ne Tilil

¹⁵ Kagoisto Kamuktaindet ne Toroor kirwoogutiguk, ki koon punyondeng'ung'. Mi kwenung'ung' laitoryatap Israel, ineendet Kamuktaindet ne Toroor; ma iywei yaityet agoi.

BUKUIT NE TILIL

¹⁵ Kagoisto Jehovah kiruogutiguk, kigoon bunyondeng’ung’: mi kwenung’ung’ laitoriatab Israel, inendet Jehovah: ma iywei yaitiet agoi.

SEPANIA 3:15 ပူးပေါင်းရင်းမြစ်များ

TAUNET 30:23

Ki manach ak kosich weeriit, ak kole, “Kagoistaiwo Kamuktaindet chotisyennyu.”

TIENWOGIKAL 149:2

Ingobaibait Israel eng' yaindennyi; ingogaskei lagogap Zion eng' Laitoryandennywa.

TIENWOGIKAL 19:9

Tiliil kaiyweisyet ne kiywei Kamuktaindet ne Toroor, ak kotebyei koigeny. Po iman kirwoogutigap Kamuktaindet ne Toroor, ak tinyei imanda tugul.

TIENWOGIKAL 85:3

Ki iste nereegeguk tugul: Ki ituktoochi patai koroomnatetap nereegeguk.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 25:8

Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 51:22

Mwaei Kiptaiyandeng'ung' Kamuktaindet ne Toroor, ak ko Kamuktaindeng'ung', ne ng'alaaldochin piikyik, kole, ogeero, kaaip eng' eung'ung' kigombet ne po terteryotet, nooto ko kigombet ne oo ne po nereegekyuk che koroomen. Ma iee agoi.

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 54:14

Ki kimiitin eng' imanda; ilooitu eng' nyalilda, amu meiyweisyei; ilooitu eng' kamuiset, amu mariikyinin.

ISAIAH 60:18

Ma kegasei kogeny koroomnateet eng' emeng'ung', anan kobiit kubernateet ak ng'emisyet eng' kiwotosyeguk; ago tuun iguure irimoiguk Yetunet, ak iguure ormariichoguk Kalasunet.

ISAIAH 65:19

Ak abaibaitune Jerusalem, abaibaitune piikyuk: ama kegasei ne riirei eng' nganasanooto, anan tuugeet ne po riirek.

JEREMIA 8:19

Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

EZEKIEL 35:10

Amu ki imwa ile, Egu chechuuk pororyosyechu aeng'u ak emotinwechu aeng' ak kenam kobunjech; ago ki mi Kamuktaindet ne Toroor olooto:

EZEKIEL 36:15

ama achamun igas kogeny kalilanetap pororyosyek, ama igeseni teweernatetap pororyosyek kogeny, ama inach pororyeng'ung' kogeny, mwaei Kiptaiyat Kamuktaindet ne Toroor.

EZEKIEL 39:29

ama aung'e icheek togeennyu kogeny; amu kaaroong'ji Kabuusennyu kootap Israel, mwaei Kiptaiyat Kamuktaindet ne Toroor.

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

AMOS 9:15

Ak amin icheek eng' emennywa, ama kitutu kogeny eng' emennywa ne ki agoochi, mwaei Kamuktaindet ne Toroor Kamuktaindeng'ung'.

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

HABAKUK 2:17

Amu tuchin koroomnateet ne ki kiyachi Lebanon, kobooto parisyetap tyong'ik, ne ki igoochi icheek koiyweis; amu korotiigap piik, ak koroomnateet ne ki kiyachi emet, kobooto nganaseet ak piik tugul che menyei olooto.

HABAKUK 2:8

Amu ki iluul pororyosyek che chaang', luulin aginye piik tugul che ng'etunotiin; amu korotiigap piik, ak amu koroomnateet ne ki kiyachi emet, ak nganaseet ak piik tugul che menyei olooto.

SEPANIA 3:17

Mi kwenung'ung' Kamuktaindet ne Toroor Kamuktaindeng'ung', ineendet Kiplugotyot ne koonu katerteerisyet. Poiboitunenen eng' poiboiyet, siisei eng' chamyennyi. Poiboitunenen eng' tyendo,

SEPANIA 3:5

Po iman Kamuktaindet ne Toroor ne mi kwenunnyi; ma yaei tengekto; iboortoi kirwoogennyi karonet age tugul, yaei kosulda; ago ma ililandos piik che ma po iman.

SEKARIA 12:3

Ak ayae Jerusalem eng' peetuunooto koek koita ne nyigiis ne iimi piik tugul; nyooru perutik che chaang' icheek che kanabi koyato: ak koyumjigei ineendet pororyosyek tugul che po ng'wony.

SEKARIA 14:11

Ak komeny piik olooto, ama komi chubisyet kogeny; ago meng'iisyei Jerusalem eng' chametapkei.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

JOHANA 12:15

“Meiywei, inyee, ee, cheptap Zion. Keero, nyoonei Laitoryandeng'ung', kobunu moitap sigiryet!”

JOHANA 19:19

Ak kisir anyun Pilato sireet, ak konde kimurtoiyot. Ki kisir keele, “JESO NE PO NASARET, LAITORYAT NE PO YAHUDIK.”

JOHANA 5:30

Ma muuchi ayai kiy aneege: arwoochi ko uu ye agase, ak po iman kirwoogennyu; amu ma cheeng'e ayai magennyu, ago mageetap ineendet ne ki iyookwo.

NG'ANG'UTYET 12:10

Ak ki agas kutit ne oo eng' kipsengwet, kole, “Kagonyo nguno yetunet, ak kamuktaet, ak laitornatetap Kamuktaindet nenyo, ak kimnateetap Kristo nenyi; amu kagetururto kataamindetap che kitupche kwo ng'wony, ne itaami icheek eng' taitap Kamuktaindet nenyo peet ak kemoi.

NG'ANG'UTYET 18:20

“Paibaitu eng' ineendet inyee kipsengwet, ak okweek che oo tiliileen, ak okweek che kiyooktoi, ak okweek maotik; amu kagorwookyi `Kamuktaindet ineendet amu okweek.”

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”

NG'ANG'UTYET 7:15

Mi anyun icheek taitap ng'echereetap laitornatet ne po Kamuktaindet, ak koboisyechin ineendet peet ak kemoi eng' hekalunnyi, ak koiito ineendet ne tebee ng'echereetap laitornatet emainnyi eng' paragunnywa.