SEPANIA 3:14 - BUKUIT NE TILIIL Sireet ne Dutero Kanon

¹⁴ Tyen, ee cheptap Zion; waach, ee Israel! Igaskei ak ibaibaitu eng' muguleldang'ung' tugul, ee cheptap Jerusalem!

Bukuit Ne Tilil

¹⁴ Tyen, ee cheptap Zion; waach, ee Israel! Igaskei ak ibaibaitu eng' muguleldang'ung' tugul, ee cheptap Jerusalem!

BUKUIT NE TILIL

¹⁴ Tien, ee cheptab Sion; waach, ee Israel; igasge ak ibaibaitu eng’ muguleldang’ung’ tugul, ee cheptab Jerusalem.

SEPANIA 3:14 ပူးပေါင်းရင်းမြစ်များ

NEEMIA 12:43

Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

TIENWOGIKAL 14:7

Kita myee nda kiga pun yetunetap Israel Zion! Ye tuun iweechi `Kamuktaindet ne Toroor piikyik che ki kiluul, kogaskei anyun Jakobo ak koboiboitu Israel.

TIENWOGIKAL 149:2

Ingobaibait Israel eng' yaindennyi; ingogaskei lagogap Zion eng' Laitoryandennywa.

TIENWOGIKAL 97:8

Ki kas Zion, ak ki igaskei, Ak kiboiboitu tiibiigap Judah; Amu kirwoogutiguk, ee Kamuktaindet ne Toroor.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 35:2

Yiei miising', ak kobaibait eng' poiboiyet ak eng' tyendo; kigoochin toroornatetap Lebanon, telunatetap Karmel ak Saron. Keerei icheek toroornatetap Kamuktaindet ne Toroor, telunatetap Kamuktaindennyo.

ISAIAH 37:22

ni ng'olyoot ne kagomwa Kamuktaindet ne Toroor agobo ineendet: Kasasin pergeiyat cheptap Zion, ak kororechin kochotin; kagolelech metinnyi cheptap Jerusalem eng' inyee.

ISAIAH 40:1

Ogaigai, ogaigai piikyuk, mwaei Kamuktaindeng'wong'.

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 54:1

Tyen, ee inyee ne ii soon, ne ma ii; tyen, ak iwaach, inyee ne ma inyooru ng'wanindo agobo sigisyet: amu chaang' lagogap ne mi ineegei kosiir lagogap osotyot, mwaei Kamuktaindet ne Toroor.

JEREMIA 30:19

Ak komang'une olooto kongoi ak kutitap icheeget che igasegei: ak ates icheek, ama kong'ering'itu; atoroori kogeny icheek, ama konyeratitu.

JEREMIA 31:13

Kobaibait anyun pergeiyat eng' ureryet, kobooto murenik ak poisyek ak icheek: amu awale riirekwak koek poiboiyet, ak agaigai icheek, ak agoochi koboiboitu kometo riirekwak.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

JOEL 2:23

Ogaaskei anyun, okweek lagogap Zion, ak oboiboitu eng' Kamuktaindet ne Toroor Kamuktaindeng'wong': amu koonok ropta ne po tai ko uu ye nyolu, ak koonu ropta korobonjok, ropta ne po tai ak ne po let, ko uu eng' tai.

MIKAH 4:8

Nyonjinin ng'olyoondoniito, ee inyee, teekseet ne kooi ne po akweetap keechiirek, tulweetap cheptap Zion; ee, nyoonei pounateng'ung' ni ki po tai, pounatetap cheptap Jerusalem.

MATAYO 21:9

Kimwaoti tuiyosyek che ki indoe ineendet ak che ki isubi eng' kutit ne oo koleen, “Hosanna weeriitap Daudi! Iberuurot ineendet ne nyoonei eng' kainetap Kiptaiyat! Hosanna eng' ole toroor miising'!”