SEPANIA 3:12 - BUKUIT NE TILIIL Sireet ne Dutero Kanon

¹² Ago abagachi eng' kwenung'ung' piik che kinyaliili ak ko kibananook, ak komong' icheek kainetap Kamuktaindet ne Toroor.

Bukuit Ne Tilil

¹² Ago abagachi eng' kwenung'ung' piik che kinyaliili ak ko kibananook, ak komong' icheek kainetap Kamuktaindet ne Toroor.

BUKUIT NE TILIL

¹² Ago abagachi eng’ kwenung’ung’ bik che kinyalili ak ko kibananok, ak komang’ ichek kainetab Jehovah.

SEPANIA 3:12 ပူးပေါင်းရင်းမြစ်များ

EZRAH 9:8

Kagiboorwech anyun nguno eng' poroini ming'in myeeindo ne punu Kamuktaindet ne Toroor, Kamuktaindennyo, kot kotuukwech alak kochililso ak kogoonech tigongyot eng' oldanyi ne tiliil, si kokweng'wech konyekyok Kamuktaindennyo ak kogoonech kasoobet ne ming'in eng' ratisyennyo.

TIENWOGIKAL 37:40

Toreti `Kamuktaindet ne Toroor icheek ak kosaru; saru icheek eng' kiptengeginik, ak koeetei, amu kimwechi ineendet.

ISAIAH 14:30

Ak koamis kiboretook che po kibananook, ak koruiyo eng' chametapkei che ma tinyei kiy; ak abare rubeet tigityondeng'ung', ak kebar cheguuk che ng'etu.

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

JEREMIA 17:7

Iberuurot chiito ne imang'u Kamuktaindet ne Toroor, ak ko ne kamang'unennyi Kamuktaindet ne Toroor.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

MIKAH 5:6

Ak kong'em emetap Assyria eng' rotwetap chok, ak kong'em emetap Nimrod eng' ole kibunei kebendi olooto; ak kosarwech ineendet eng' Assyrianindet ye tuun kait emennyo, ye tuun kanyo kotyech oriit eng' kiwotennyo.

NAHUM 1:7

Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

SEKARIA 11:11

Ak kibutok eng' peetuunooto: ak ki nai anyun che nyerootiin che po akweetap keechiirek, che ki epcha iit, kole ki ng'olyootap Kamuktaindet ne Toroor nooto.

SEKARIA 11:7

Ki ayage anyun akweetap keechiirek che kienyei, keechiirek che nyerootiin iman. Ki aip anyun kirokweek aeng'; ki aguure age Myeeindo, aguure age Ratuutik; ak ki ayage akweet.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 12:21

Ak imang'u pororyosyek kainennyi.”

MATAYO 5:3

Poiboen che ponoon eng' muguleldo, amu nenywa pounatetap kipsengwet.

ROMANIK 15:12

Ak kogeny mwaei Isaiah kole, Tuun piitu tigityotap Jesse, Ak ineendet ne tuun ng'eetei koboi Pororyosyek; Kotun imang'u ineendet Pororyosyek.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.