SEPANIA 3:11 - BUKUIT NE TILIIL Sireet ne Dutero Kanon

¹¹ Ma tuun ililani eng' peetuunooto amu poisyoniguk tugul che ki iyaiywo eng' pistoet. Tuun aistoi komong' eng' kwenung'ung' menotik ak che itoroorigei, si ma ichaugei kogeny eng' tulweennyu ne tiliil.

Bukuit Ne Tilil

¹¹ Ma tuun ililani eng' peetuunooto amu poisyoniguk tugul che ki iyaiywo eng' pistoet. Tuun aistoi komong' eng' kwenung'ung' menotik ak che itoroorigei, si ma ichaugei kogeny eng' tulweennyu ne tiliil.

BUKUIT NE TILIL

¹¹ Matun ililani eng’ betunoto eng’ boisioniguk tugul, che kiiyaiywa ibistoe: amu tun aistoi komong’ eng’ kwenung’ung’ menotiguk che itororigei, si ma ichauge kogeny eng’ tulwennyu ne tilil.

SEPANIA 3:11 ပူးပေါင်းရင်းမြစ်များ

TIENWOGIKAL 131:1

Kamuktaindet ne Toroor, ma meenei muguleldanyu; ama mi katorooretapkei eng' konyekyuk; ama yae tuguuk che eecheen. Ma alosyige tuguuk che eechen anan che kikwong'ee miising'.

TIENWOGIKAL 49:5

Amu nee si aiyweis eng' peetuusyegap kaimutik, ye yiema tengekto ne po puunikyuk?

TIENWOGIKAL 59:12

Ingenam icheek eng' menatennywa, amu tengektap kutusweekwak, ak ng'aleegap ng'elyebwekwak, amu chubisyet ak lembechek che mwaei.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 2:12

Amu tuun piitu peetuutap Kamuktaindet ne Toroor ne po lugoosyek, eng' icheek tugul che mendos ak che ieetigei; ak eng' icheek tugul che itoroorigei, ak kiming'ini tugul;

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

ISAIAH 5:15

Kinyeroti chiito ne nyeraat, ak kiming'ini chiito ne oo, ak ki abuchi konyegap icheeget che ieetegei.

ISAIAH 54:4

Meiywei, amu melilani; anan itoptoben; amu ma kiteweerin, amu iutye teweernatetap ming'inateng'ung', ama ibwaati chotisyetap mosoknateng'ung'.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 61:7

Onyooru konyil aeng' agobo kalilaneng'wong'; ak koboiboitu eng' kebebertanywa kogeere toiyet: nyabani anyun icheek konyil aeng' eng' emennywa: punjin icheek poiboiyet ne po koigeny.

JEREMIA 13:9

“Mwaei Kamuktaindet ne Toroor kole, ang'eme menoteetap Judah ko uu niito kobooto menoteet ne oo ne po Jerusalem.

JEREMIA 7:4

Amomang'u ng'aleechu po lembech ak ole: “Hekaluutap Kamuktaindet ne Toroor, Hekaluutap Kamuktaindet ne Toroor, Hekaluutap Kamuktaindet ne Toroor chuuto!”

EZEKIEL 20:40

Amu tuun ota koot komugul ne po Israel eng' tulweennyu ne tiliil, eng' tulweet ne kooi ne po Israel, ota icheek tugul eng' emet, mwaei Kiptaiyat Kamuktaindet ne Toroor: ataache icheek eng' olooto, ak amagenak eng' olooto kagoochinoikwok, ak tongoanigap kagoochinoikwok, kobooto tuguukwok tugul che tiliileen.

EZEKIEL 24:21

Ng'alaalji kootap Israel, ileenji, mwaei Kiptaiyat Kamuktaindet ne Toroor kole: Ogeero, amurwoni oldanyu ne tiliil, menoteetap kimnateeng'wong', ne iboiboi konyekwok, ne riiree saboonwekwok; ak kebare rotwetap chok weeriikwok ak tiibiikwok che ki obagaakte.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

KAITOSYEK 16:3

Ki iyumgei icheegei si kobiit kotil let Musa ak Aron, ak koleenji icheek, “Otoroorigei kot kotyanit! Tuiyoni komugul ko tiliil, ak chii age tugul ko tiliil, ak mi Kamuktaindet ne Toroor kwenunnywa. Amu nee anyun si otoroorgei osiir tuiyetap Kamuktaindet ne Toroor?”

MATAYO 3:9

Amat obwaat ole, ‘Ki tinyei kwandanyo Abraham,’ amu amwaiwok ale, imuuchi Kamuktaindet kong'eetyi Abraham lagok eng' koichu.

ROMANIK 2:17

Ago ngeguurenen Yahudyot, ak itiegei Ng'atuutyet, ak ichouge eng' Kamuktaindet,

ROMANIK 9:33

ko uu ye siraat kole, Ogeero, andoi Zion koita ne riichei piich ak rwandet ne inachi piich: Ak ne iyani ineendet koma kigoochin kolilaan.

1 PETERO 2:6

Amu mi eng' sireet kole, Ogeero, kande Zion koita, koita ne po luuita ne lewenot ak ne chamat miising': Ak ineendet ne iyani, koma ililani.