SEPANIA 2:9 - BUKUIT NE TILIIL Sireet ne Dutero Kanon

⁹ Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

Bukuit Ne Tilil

⁹ Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

BUKUIT NE TILIL

⁹ Mwaei anyun Jehovah ne bo lugosiek, Kamuktaindetab Israel kole, Ko u ye asobe, koigeitu Moab Sodom, ak koigei lagokab Amon Gomora, bunjin siwek, ak keringonikab munyuk, ak koguber agoi: luulei bikyuk che ng’etu ichek, ak konam bororiennyu ne king’et ichek koek borotenywa.

SEPANIA 2:9 ပူးပေါင်းရင်းမြစ်များ

ISAIAH 11:14

Ak kobookyi tigigoigap Philistiik eng' cherongo, ak koluul icheek tuwai piigap kong'asiis. Chuulei eunekwak kogirinda Edom ak Moab, ak kogas iit icheek lagogap Ammon.

ISAIAH 25:10

Amu imuunyi eutap Kamuktaindet ne Toroor eng' tulwooni, ak ketyekyi ng'wony Moab eng' oldanyi, ko uu ye kityekyin ng'wony mobeek eng' peegap kapng'atat.

ISAIAH 49:18

Ing'eet met ak igeer komoswek tugul: iyumigei chuuto tugul, ak kobwonjin. Mwaei Kamuktaindet ne Toroor kole, ko uu ye asabe, iman, ilaachi tuguuchooto tugul ko uu kiit ne po lelesta, ak igermenegei icheek, ko uu ye kermenigei murereet.

JEREMIA 46:18

Mwaei Laitoryat ne kainennyi ko Kamuktaindet ne Toroor ne po lugoosyek, kole, Ko uu ye asabe, nyoonei iman ineendet ko uu Tabor eng' tuloonook, ak ko uu Karmel eng' ole neegitee nyanjet.

JEREMIA 48:1

Ng'aleegap Moab: Mwaei Kamuktaindet ne Toroor ne po lugoosyek, Kamuktaindetap Israel, kole: Pwo eng' Nebo! Amu kagoek karaatya; kagiteweer Kiriataim, kageluul: kagiteweer Miskap, kagebut.

JEREMIA 49:1

Ng'aleegap lagogap Ammon: Mwaei Kamuktaindet ne Toroor kole: Tos ma tinyei Israel weeriik? Ma tinyei ne namei tuguukyik? Amu nee anyun si konam Malkam Gad kobunji, ak komeny piikyik nganasookyik?

JEREMIA 49:18

Ko uu ye ki kigabui Sodom ak Gomorah ak nganasook che kineegite olooto, mwaei Kamuktaindet ne Toroor, ma menyei chii olooto, ama tebee olooto lakwa ne po chii.

JEREMIA 49:33

Ak koek Hasor ole menyei lelwek, ak koek karaatya koigeny: ma menyei chii olooto, ama tebee olooto lakwa ne po chii.

JEREMIA 50:40

Ko uu ye kigabui Kamuktaindet ne Toroor Sodom ak Gomorah ak nganasook che kineegite olooto, mwaei Kamuktaindet ne Toroor; uu nooto anyun ma menyei chii olooto, ama tebee olooto lakwa ne po chii.

AMOS 1:13

Mwaei Kamuktaindet ne Toroor kole: Maawechi pireet ne abire lagogap Ammon amu pistaosyekyik somok, ee agot ang'wan; amu kogogereer kwonyiik che tamonosyek che po Gilead, kole si kobiit kotes kiwotennywa.

AMOS 2:1

Mwaei Kamuktaindet ne Toroor kole: Ma aweechi pireet ne abire Moab amu pistaosyekyik somok, ee agot ang'wan; amu ki peel kawegap laitoryatap Edom kot koek oreek.

SEPANIA 2:14

Ak koruiye akwotisyek kwenunnyi, tyong'ik tugul che po pororyosyek: ak kotebee chebo kibabaa ak chepswererit metowegap tolochikwak: tyendos eng' tirisyok: tebee kubernateet tugatugik: amu kigong'aany tuguuk che ki kituge taragonik.

SEPANIA 2:7

Ak kobunji ngeguut piik che ki ng'et che po kootap Judah; iyage akwotisyekwak olooto: eng' kooriigap Askelon koskoleny; amu rutochin Kamuktaindet ne Toroor Kamuktaindennywa, ak komut icheek kogeny eng' ole kiga kiluulji.

SEPANIA 3:13

Ma koyaei tengekto piik che ki ng'et che po Israel, ama komwaei lembechek; ama kinyoorchin ng'olyoot ne po ng'aalseet kutusweekwak. Ago tuun amisyei ak koruiyo, ama piitu chii ne imui icheek.

SEKARIA 2:13

Osisye, okweek piik tugul eng' taitap Kamuktaindet ne Toroor; amu kagong'eet eng' meng'ootennyi ne tiliil.

KAITOSYEK 14:21

Ago iman, ko uu ye asabe ak ko uu ye tuun nyiei ng'wony komugul toroorindap Kamuktaindet ne Toroor,

ROMANIK 14:11

Amu ki kisir keele, “Ko uu ye asabe, Mwaei Kiptaiyat, ko tuun kutung'jino kutundo age tugul, ak kolas ng'elyepta age tugul Kamuktaindet.”

NG'ATUTIK 29:22

Yeityo kogeer ibinda ne piitu, lagokwok che piitu let eng' okweek ak toondet ne punu emet ne loo, korotwek che po emonooto ak myanwogik che ki igoochi Kamuktaindet ne Toroor komionso.

NG'ATUTIK 29:23

Keerei kole ki kowalak emet komugul koek tuguuk che laldos ak muunyuk, kot koma kegolei ama koiyei ama kobite suswo. Kergeitu ak ng'emisyetap Sodom ak Gomorah, Adma ak Seboim che king'em `Kamuktaindet ne Toroor kowong' eng' nereegekyik ak eng' nyitatennyi.