SEPANIA 2:7 - BUKUIT NE TILIIL Sireet ne Dutero Kanon

⁷ Ak kobunji ngeguut piik che ki ng'et che po kootap Judah; iyage akwotisyekwak olooto: eng' kooriigap Askelon koskoleny; amu rutochin Kamuktaindet ne Toroor Kamuktaindennywa, ak komut icheek kogeny eng' ole kiga kiluulji.

Bukuit Ne Tilil

⁷ Ak kobunji ngeguut piik che ki ng'et che po kootap Judah; iyage akwotisyekwak olooto: eng' kooriigap Askelon koskoleny; amu rutochin Kamuktaindet ne Toroor Kamuktaindennywa, ak komut icheek kogeny eng' ole kiga kiluulji.

BUKUIT NE TILIL

⁷ Ak kobunji ngegut bik che king’et che bo gotab Juda; iyage akwotisiekwak oloto: ruitos eng’ gorikab Askelon koskoleny; amu rutochin Jehovah Kamuktaindenywa, ak komut ichek kogeny eng’ ole kiga kiluulji.

SEPANIA 2:7 ပူးပေါင်းရင်းမြစ်များ

TAUNET 50:24

Ak ki leenji Joseph tupchosyekyik, “Neegit ame; ago rutochinok iman Kamuktaindet, ak komaandak otogoste eng' emoni obe emet ne ki iyasyechi Abraham, Isak ak Jakobo.”

TIENWOGIKAL 80:14

Kisaain, acheek ee Kamuktaindet ne po lugoosyek, keele, iweege: Keer oli eng' kipsengwet, ak igeer, ak irutoochi sabibuniito,

TIENWOGIKAL 85:1

Ki iriree emeng'ung', inyee Kamuktaindet ne Toroor; ki iweegu Jakobo konyo eng' ole kiga luul ineendet.

KOMONG'U 4:31

ak ki iyan piik. Ak ye kingo kas kole kagonyonji `Kamuktaindet ne Toroor piigap Israel, ak kogogeer nyalilwogikwak, kong'uruukso kosa anyun.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 11:14

Ak kobookyi tigigoigap Philistiik eng' cherongo, ak koluul icheek tuwai piigap kong'asiis. Chuulei eunekwak kogirinda Edom ak Moab, ak kogas iit icheek lagogap Ammon.

ISAIAH 11:16

Ak kobiit ooreet ne oo ne po piikyik che tuun ng'etu eng' Assyria, ko uu ye kimi agobo Israel eng' peetuut ne kitogosu komang'une emetap Misiri.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 32:14

Amu kibagaaktoi kootap laitoryat; kiue nganaseet ne mi piik che chaang'; tulweet ak teekseet ne kooi ne kitabendoe, ko egu kebenonik koigeny ole poiboitune sigirok che po timiin, koek ole agete keechiirek;

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 29:10

Amu mwaei Kamuktaindet ne Toroor kole, ye ibata kenyiisyek tamanwogik tisabu omi Babilon, arutochok, ak asuldawok ng'olyoondennyu ne myee, amutwok obwa olito.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 3:18

Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 31:7

Amu mwaei Kamuktaindet ne Toroor kole: Otyenji Jakobo eng' kaagaasetapkei, ak owaach agobo ne oo eng' pororyosyek; omwaite, olasu ole, Ee Kamuktaindet ne Toroor, saru piiguk, che ki ng'et che po Israel.

JEREMIA 32:44

Alei piik mbareenik eng' fedhaisyek, ak kosiir paronogap kayanjinet, ak kong'ooch, ak koguur paorinik, eng' emetap Benjamin, ak eng' komoswek che mi ole neegitee Jerusalem, ak eng' nganasoogap Judah, ak eng' nganasook che mi emetap tuloonook, ak eng' nganasook che mi emet ne soi, ak eng' nganasook che mi murot tai: amu agoochini koweek eng' ole ki kiluulji, mwaei Kamuktaindet ne Toroor.

JEREMIA 33:12

Mwaei Kamuktaindet ne Toroor ne po lugoosyek kole: Ta kobiitu kogeny eng' olito ole karaatya, ama mi chii, ama mi tyony, ak eng' nganasookyik tugul, meng'ootetap mestoweek ak ole kerchin akwotisyek che po keechiirek.

JEREMIA 33:7

Ak agoochi Judah ak Israel koweek eng' ole kiga kiluulji, ak ateech icheek ko uu eng' tai.

JEREMIA 47:5

Kanyonji Gaza poosto; kagiges Askelon, che ki ng'et che po atebweetap Mediterenian: iriire ak itei kot kotyanit?

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

HOSEA 6:11

Ee Judah, mi kogeny kesisyet ne kigeng'atun, ye tuun amutu kogeny piikyuk che kigeluul.

OBADIA 1:19

Ak konam icheek che po murot tai tulweetap Esau kobunji; ak konam icheek che menyei emet ne soi ne po Philistiik; ak konam emetap Ephraim ak emetap Samaria kobunji, ak konam Benjamin emetap Gilead kobunji.

MIKAH 2:12

Ee Jakobo, ayumok iman okweek tugul; ayumi iman che ki ng'et che po Israel; ayumi icheek ko uu keechiiregap Bosra: ko uu akweetap keechiirek eng' kwenutap ole agete, poldos kot amu chaang'indap piik.

MIKAH 4:10

Ingonamin ng'wanindo, ak igimu, ee cheptap Zion, ko uu kwondo ne machei kosigiis: amu imandoi anyun nguno eng' nganaseet ak imeny mbar, ak iwe agoi Babilon; kisaruun eng' olooto; ityaachin Kamuktaindet ne Toroor eng' olooto eng' eutap puuniguk.

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

SEPANIA 2:9

Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

SEPANIA 3:13

Ma koyaei tengekto piik che ki ng'et che po Israel, ama komwaei lembechek; ama kinyoorchin ng'olyoot ne po ng'aalseet kutusweekwak. Ago tuun amisyei ak koruiyo, ama piitu chii ne imui icheek.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.

HAGGAI 1:12

Ki kas iit anyun Zerubabel weeriitap Shealtiel, ak Joshua weeriitap Jehosadak tisiindet ne oo kobooto piik tugul che ki ng'et; ki kas iit `icheek Kamuktaindet ne Toroor Kamuktaindennywa ak ng'aleegap maotyot Haggai, ko uu ye kiga koyook `Kamuktaindet ne Toroor Kamuktaindennywa ineendet. Ki iywei anyun `piik Kamuktaindet ne Toroor.

HAGGAI 2:2

“Ng'alaalji Zerubabel weeriitap Shealtiel, pounindetap Judah, ak Joshua weeriitap Jehosadak tisiindet ne oo, kobooto piik che ki ng'et, ileenji:

LUKA 1:68

“Iberuurot Kiptaiyat, Kamuktaindet ne po Israel; amu kagorutoochi piikyik ak koyachi katyaget icheek,

LUKA 7:16

Ak ki iyweis tugul: ak kolas Kamuktaindet kole, “Kagong'eet eng' kwenunnyo maotyot ne oo: ak, Kagorutoochi `Kamuktaindet piikyik.”

POISYONIGAP CHE KIYOKTOI 8:26

Ki mwachi malaikaiyatap Kiptaiyat anyun Philipu koleenji, “Ng'eet ak iwe murot tai agoi ooreet ne choortogei kong'etee Jerusalem ne wendi agoi Gaza” (punei oranooto ole melewet).

POISYONIGAP CHE KIYOKTOI 8:40

Ak ki took Philipu eng' Azoto. Ye kisiirtoi kobune emonooto, ko ki amjinoti logoiywek che myach nganasook tugul agoi koit Caesarea.

ROMANIK 11:5

Agot ko uu nooto anyun agine eng' peetuusyechu, miitei che ng'etunotiin ko uu lewenet ne po myeeindo.

RUTH 1:6

Ki ng'eet ineendet anyun kobooto kwonyiigap weeriikyik komachei koweektagei eng' emetap Moab, amu kiga kogas komi emetap Moab kole ki korutoochi `Kamuktaindet ne Toroor piikyik ak kogoochi amitwogik.