SEPANIA 1:18 - BUKUIT NE TILIIL Sireet ne Dutero Kanon

¹⁸ Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

Bukuit Ne Tilil

¹⁸ Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

BUKUIT NE TILIL

¹⁸ Ama imuchi fedaisiekwak anan tahabusiekwak kosor ichek eng’ betutab neregekab Jehovah; ago kibeelei emet komugul eng’ matab ng’etkondanyi: igesu, ee, igesu eng’ kamuiset, ichek tugul che menyei emet.

SEPANIA 1:18 ပူးပေါင်းရင်းမြစ်များ

TAUNET 6:7

Ak ki mwa Kamuktaindet ne Toroor kole, “Abare awong'u piik che ki ayai eng' ng'wony komugul; kong'etee chii, kiyagiik, che ichuutegei ng'wony agoi toriit alak tugul che po parak; ki mata myee ayai icheek.”

1 LAITORINIK 14:22

Ki yai piigap Judah ne ya eng' taitap Kamuktaindet ne Toroor. Ki igoochi ineendet ng'etkonda eng' tengekwogikwak kosiir tugul che kiga koyai kwanisyekwak.

Kitabuutap JOB 21:30

Ole, ki kigonorchi chiito ne ya peetuutap pichiindo? Ole, kimuti eng' peetuutap nereegek?

Kitabuutap JOB 3:15

anan kobooto pounik che ki tinyei thahabu, che ki inyiit kooriikwak fedha.

TIENWOGIKAL 78:58

Kitach ineendet kot konereech eng' oldinwekwak che sutotin, Ak ki igoochi ineendet ng'etkonda eng' kanamonikwak che ki kiwai.

TIENWOGIKAL 79:5

Ee Kamuktaindet ne Toroor, tyanitu, tos inereechi agoi? Tos lalei ng'etkondang'ung' ko uu maat?

KALEWANAIK 11:4

Ma tilei kiy mogornatosyek eng' peetuutap nereegek, ago saruunisyei imanda eng' meet.

KALEWANAIK 18:11

Mogornateetap mogoryot ko nganasennyi ne kiim, ak uu irimeet ne kooi eng' kabwaatutikyik.

ISAIAH 1:24

Mwaei anyun Kiptaiyat, Kamuktaindet ne Toroor ne po lugoosyek, Ineendet Ne po Kamuktaet ne po Israel, kole haa, aroong'jini nereegekyuk icheek che wecho, ak ayooktochigei mugetuut eng' puunikyuk.

ISAIAH 10:17

Ak koek maat lapkeiyetap Israel, ak koek nenyi Ne Tiliil liplibenetap maat, ak kobeel kowong' katookyik che rutei piich ak che toorei piich peetuunak.

ISAIAH 10:3

Oyae nee anyun eng' peetuut ne ityinok pireeng'wong', ak eng' ng'emisyet ne punu ole loo? Omwechini ng'oo kotoretook? Ak ondoi ano toroornateng'wong'?

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

JEREMIA 7:34

Agoochini anyun kosiis tuugeetap poiboiyet ak ne po kagasetapkei, ne po sandet ak ne po murereet, eng' nganasoogap Judah ak ortinwegap Jerusalem, amu egu emet karaatya.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

EZEKIEL 16:38

Ak arwoogun, ko uu ye kirwookyin kwonyiik che putei kayosyetap katunisyet, ak che tumdoi korotiik; ak aibun korotiigap nereegek che ng'woneen ak ng'etkonda.

EZEKIEL 23:25

Ak atokyin ng'etkondanyu, ak kogerin kong' icheek eng' nereegek che ng'woneen; tilei serung'ung' ak itiiguk; ak kebare rotwetap chok piiguk che ki ng'et: imuti icheek weeriiguk ak tiibiiguk; ak kobeel maat piiguk che ki ng'et.

EZEKIEL 7:11

Kang'eet koroomnateet koek kirokto ne po tengekto; ma mi ne ng'etu eng' icheek, anan ne po chaang'indonywa, anan ne po mogornatennywa: ama piitu kateeiyet eng' kwenunnywa.

EZEKIEL 7:19

Wiirchin fedhaisyekwak ortinwek, ak koigei thahabusyekwak kiit ne murwoon; ma imuuchi kosar icheek fedhaisyekwak ak thahabusyekwak eng' peetuutap nereegegap Kamuktaindet ne Toroor; ma piyong'dos saboonwekwak, anan konyi mootinwekwak: amu kagoek kanagutyetap tengektonywa.

EZEKIEL 7:5

Mwaei Kiptaiyat Kamuktaindet ne Toroor kole: Yaityet, yaityet kityo, keero, nyoonei.

SEPANIA 1:11

Owaach okweek piik che omenye Maktes, amu kabek chemung'arainik tugul: ak ki parei icheek tugul che ki tinyei fedhaisyek ng'iisyat.

SEPANIA 1:15

Egu peetuunooto peetuutap nereegek, peetuutap nyalilda ak ng'wanindo, peetuutap kubernateet ak ng'emisyet, peetuutap imeenindo ak mesundeito, peetuutap poolik ak imeenindo ne oo.

SEPANIA 2:2

kotom kosulda ng'atuutyet, kotom kosiirto peetuut ko uu meteteek, kotom kobwanjok nereegek che koroomen che po Kamuktaindet ne Toroor, kotom konyonjok peetuutap nereegegap Kamuktaindet ne Toroor.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

MATAYO 16:26

Keljino nee ne nyooru chii, ngo nyoor ng'wony komugul, ak kobeet saboondanyi? Anan tos igoito nee chii kowale saboondanyi?

1 KORINTOEK 10:22

Anan kitache Kiptaiyat konyoor ng'etkong'? Tos ki kiimeen kosiir ineendet?

NG'ATUTIK 31:17

Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’