ROMANIK 9:4 - BUKUIT NE TILIIL Sireet ne Dutero Kanon

⁴ che Yahudik; che ki kiyai koek lagok, che neny wo toroornatet, ak kayomisutik, ak kagoitoetap Ng'atuutyet, ak otetap Kamuktaindet, ak arorutik;

Bukuit Ne Tilil

⁴ che Yahudik; che ki kiyai koek lagok, che neny wo toroornatet, ak kayomisutik, ak kagoitoetap Ng'atuutyet, ak otetap Kamuktaindet, ak arorutik;

BUKUIT NE TILIL

⁴ che Isrealik; che kigiyai koek lagok, che nenywa torornatet, ak kayomisutik, ak kagoitoetab Ng’atutiet, ak otetab Jehovah, ak arorutik;

ROMANIK 9:4 ပူးပေါင်းရင်းမြစ်များ

TAUNET 15:18

Eng' peetuunooto, ko ki iyomiskei Kamuktaindet ne Toroor ak Abram, kole, “Kaagoochi iyoteng'ung' emoni, kong'etee aineetap Misiri agoi aineet ne oo, aineetap Yufrets,

TAUNET 17:10

Ni ko kayomisennyu ne kanyool oriip eng' kwenunnyoo, inyee ak anee, ak lagoguk che isiche: kiyatitoi ng'eta age tugul eng' okweek.

TAUNET 17:2

si ayai kayomiset eng' kwenunnyoo, inyee ak anee, ak atesin miising' kot.”

TAUNET 17:7

Ak agimiiti kayomisennyu anee ak inyee, ak iyoteng'ung' ne piitu let ak ibinwekwak tugul, si koek kayomiset ne wendi agoi koigeny, ak aegu Kamuktaindet eng' inyee ak iyoteng'ung'.

TAUNET 32:28

Kowolji koleenji, “Ma keguurenen Jakobo agoi, ago ka kiguurenen Israel, amu kaobelgei ak Kamuktaindet ak piik ak icheek, ak kaiterteer.”

1 LAITORINIK 8:11

kotko mata komuuch tisiik kobois amu pooldet; amu ki nyi kootap Kamuktaindet ne Toroor liilindap toroornatennyi.

NEEMIA 13:29

Ibwaat icheek, ee Kamuktaindennyu, amu ki kong'waniit tiseinateet, ak kayomisutyetap tiseinateet ak ne po Lawiik.

TIENWOGIKAL 147:19

Iboorchin Jakobo ng'olyoondennyi, iboorchin Israel ng'atuutikyik ak kirwoogutikyik.

TIENWOGIKAL 63:2

Ara uu nooto koageerin eng' ole-tiliil, si ageer kimnateng'ung' ak toroornateng'ung'.

TIENWOGIKAL 73:1

Iman, myee Kamuktaindet eng' Israel, eng' icheeget che tiliileen mugulelwek.

TIENWOGIKAL 78:61

Ak ki igoito kimnateennyi keluul, Ak ki inde karaaranindanyi eutap puunyoot.

TIENWOGIKAL 89:3

Ki imwa ile, “Ki kiyomiske ak nenyu ne ki alewen, ki ayosyechi Daudi kiboityondennyu aleenji:

TIENWOGIKAL 89:34

Mabute kayomisennyu, Amawale kiit ne ki mang'une kutinnyu.

TIENWOGIKAL 90:16

Ingotook poisyoniguk eng' kiboitiniguk, Ak telunateng'ung' eng' lagokwak.

KOMONG'U 12:25

Ak ye tuun oit emet ne koonok Kamuktaindet ne Toroor ko uu ye ki koaror oriip anyun igoorito.

KOMONG'U 34:27

Ki leenji `Kamuktaindet ne Toroor Musa, “Sir ng'aleechu, amu kagiyomiske ak inyee kobooto Israel, ko uu ole teptoi ng'aleechu.”

KOMONG'U 4:22

Ileenjini Pharaoh, ‘Kamwa ko uu ni Kamuktaindet ne Toroor, Weeriinnyu Israel ak ko taitanyu,

KOMONG'U 40:34

Ki nyo kotuch anyun pooldet emait ne kituiyechin ak ki nyi emait `liilindap Kamuktaindet ne Toroor.

ISAIAH 41:8

Ago inyee Israel, otwogindennyu, Jakobo ne ki alewen, iyoteetap chorwennyu Abraham;

ISAIAH 46:3

Oepcha iit, ee kootap Jakobo, ak tugul che ng'etunotiin che po kootap Israel, che ki ageseni kobooch ko kagisich, che ki kigeseni kobooch komi moo:

ISAIAH 5:2

Ki pal keriinget koyieme ak koisto koik eng' yooto, ak komiinji keetiik che korooron che po sabibuk, ak koteech teekseet ne kooi eng' kwenut, ak kobal kogeny ole kitue sabibuk eng' yooto. Kileen imuuchi koi sabibuk, ago ki ii sabibuk che po timiin.

ISAIAH 60:19

Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 31:9

Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.

EZEKIEL 1:28

Ko uu ole teptoi itoondap chepkuinobor eng' poolik eng' peetuutap ropta, ko ki uu nooto itoondap kakweng'et eng' komoswek tugul. Ki niito itoondap kergeindo ne po liilindap Kamuktaindet ne Toroor. Ak kinga keer, abut kot kotiiny togeet, ak ki agas kutitap ineendet ne ki ng'alaali.

HOSEA 11:1

Ki achame Israel kota ko ming'in, ak ki aguur weeriinnyu komong' eng' Misiri.

KAITOSYEK 7:89

Ye kingwo Musa emait ne kituiyechin kwo kong'alaal ak Kamuktaindet ne Toroor, kogas anyun kutit kong'alaaljin ineendet komang'une paragutap kerwetap rireenet ne ki miitei moingetap paornateet; ki mang'une kwenutap kerubisyechooto aeng', ak ki ng'alaalji ineendet.

MATAYO 21:33

“Ogas kalewenet age: ki mi chiito age ne ki tinyei koot, ne kiminji sabibuk mbareet, ak kong'oot, ak kobal keriinget ole kiruruung'e logoek, ak koteech koot ne kooi. Kimanakyi meek ak kwo emet age.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 1:47

Kingo keer `Jeso Nathanael konyonei ole mi ineendet, ak komwa agobo ineendet kole, “Ogeero, Yahudyot iman, ne ma tinyei ng'aalseet!”

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

ROMANIK 3:2

Oo eng' ooreet age tugul: ne po tai, ko amu ki kigoochi Yahudik kotononji ng'aleegap Kamuktaindet.

ROMANIK 8:15

Amu ki ma otaach kogeny muguleldap otwoknot ne koonok oiyweisye; ago ki otaach Kabuuset ne Tiliil ne ki kiyaenak oegu lagogap Kamuktaindet. Eng' nooto anyun ye kiriire keele, Abba, Kwanda

ROMANIK 9:6

Ago ma keele kogoek puch ng'olyootap Kamuktaindet. Amu ma Yahudik icheek tugul, che po Israel:

2 KORINTOEK 11:22

Tos Yahudik icheek? Aa uu nooto agane. Tos Israelik icheek? Aa uu nooto agane. Tos kesweegap Abraham icheek? Auu nooto agine.

GALATYEK 3:16

Ki kimwachi anyun Abraham arorutichooto, ak keswondennyi. Ma mwaei kole, “Igoochin kesweekyik,” ko uu ye kachang'a; ago ko uu agenge, kole, “Ak eng' keswondeng'ung',” nooto ko Kristo.

EPESOEK 2:12

ole ki omi taban eng' Kristo eng' peetuusyechooto, che ki oo kipsagarek eng' pororyetap Israel, ak ki oo toek eng' kayomisutik che po arorutyet, ki ma otinye kamang'unet ak ki ma otinye Kamuktaindet eng' ng'wonyuni.

NG'ATUTIK 14:1

“Oo lagogap Kamuktaindet ne Toroor Kamuktaindeng'wong': amowat poorwekwok anan amotuumet agobo chii ne kame.

NG'ATUTIK 29:1

Chu ng'aleegap kayomiset ne ki ng'at `Kamuktaindet ne Toroor Musa koyai kobooto piigap Israel eng' emetap Moabik, kotese kayomiset ne ki iyomiskei ak icheek eng' Horeb.

NG'ATUTIK 29:14

Ma yamisok okweegei eng' kayomisoni ak kayasyoni,

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

NG'ATUTIK 4:13

Kimwaiwok anyun kayomisennyi ne king'ataak oyai, ng'atuutichu taman che ki sirchi koik aeng' che lebeleen.

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

HEBRANIK 9:1

Nooto anyun, agot arorutyet ne po tai ko ki tinyei ng'atuutigap saaet, ak komostanyi ole-tiliil, ne po ng'wonyuni.

HEBRANIK 9:10

amu (kobooto amitwogik ak che kieei ak kaunsosyek che teerchiin) chooto ko ng'atuutik che po poorto kityo, che ki king'at agoi peetuusyek che po kalititet.

HEBRANIK 9:3

Ak ki ngesiir angeet ne po aeng', ne ki kioiye koot, ko ki mi emait ne kiguure ole-tiliil Kosiir Tugul;

HEBRANIK 9:5

ak ki mi paragunnyi kerubisyegap liilindo che ki iuuri kerwetap rireenet; tuguuk che ma kimuuchi keng'alaale nguno agenge agenge.

HEBRANIK 9:6

Ak kingo kagechop anyun tuguuchuuto ko uu nooto, koba tisiik kotugul emait ne po tai, koyaei poisyosyegap saaet;