ROMANIK 9:30 - BUKUIT NE TILIIL Sireet ne Dutero Kanon

³⁰ Kimwae nee anyun? Kimwae keele kigonor Pororyosyek imanda che ki ma kosubi imanda, nooto ko imanda ne po kayaneet:

Bukuit Ne Tilil

³⁰ Kimwae nee anyun? Kimwae keele kigonor Pororyosyek imanda che ki ma kosubi imanda, nooto ko imanda ne po kayaneet:

BUKUIT NE TILIL

³⁰ Kimwae nee anyun? Kimwae kele kigonor Bororiosiek imanda che kima kosubi imanda, noto ko imanda ne bo kayanet:

ROMANIK 9:30 ပူးပေါင်းရင်းမြစ်များ

KALEWANAIK 15:9

Wechei `Kamuktaindet ne Toroor ooreetap kiptengekyot, ago chamei ne isubi imanda.

KALEWANAIK 21:21

Ineendet ne isubi imanda ak chamyet, konyooru saboondo, imanda ak teegisto.

ISAIAH 51:1

Oepcha iit, okweek che osubi imanda, okweek che ocheeng'e Kamuktaindet ne Toroor: ogeer rwandet ne ki kimoong'unenok eng' waet, ak ogeer keriinget ne ki kibalunenok.

ROMANIK 10:10

Amu iyani chii eng' muguleldo agoi imanda; ak ng'aanyei eng' kutit agoi saruunet.

ROMANIK 10:20

Ak nyigan miising' Isaiah, ak mwaei kole, “Ki nyoorwo icheek che ki ma cheeng'a; ki ataagu eng' icheek che ma teeba.”

ROMANIK 10:6

Ago mwaei imanda nooto po kayaneet ko uu ni, “Amemwa eng' muguleldang'ung' ile, ‘Ng'oo ne togostoi kipsengwet?’ (Nooto ko komut Kristo kochoorgei)

ROMANIK 3:5

Ago ngot kogonyiti atebeennyo ne ma po imanda, imandap Kamuktaindet, kota kemwae nee anyun? Tos ma po imanda Kamuktaindet ne nyoonei eng' nereegek? (Ang'alaali ko uu piik.)

ROMANIK 4:11

kitaach kaboorunetap kamuratanet, ng'ookset ne po imandap kayaneet ne ki tinyei ye kitom kimuratan: si kobiit koek kwandap icheek tugul che kiyani, agot ye kitom kimuratan, si kobiit kiityi icheek imanda;

ROMANIK 4:13

Amu ki ma kigoochi Abraham ak kesweekyik arorutyet eng' ooreet ne po Ng'atuutyet keele kobunji ng'wony, ago eng' imanda ne po kayaneet.

ROMANIK 4:22

Eng' nooto anyun, ko ki kiityi ineendet imanda.

ROMANIK 4:9

Tos kimwae kaberuroni agobo che ki kimuratan, anan che ma kimuratan ak icheek? Amu kimwae keele, Ki kiityi Abraham kayanennyi kobunji imanda.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 9:14

Kimwae nee anyun? Mi ne ma po imanda eng' Kamuktaindet? Achicha, ma uu nooto.

ROMANIK 9:31

ago Israel, ye kingo sup ng'atuutyetap imanda, koma ityi Ng'atuutyonooto.

GALATYEK 2:16

ago kingen keele ma kiityin chii imanda eng' poisyonigap ng'atuutik, ago eng' kayaneet eng' Jeso Kristo, ki kiyan agacheek eng' Kristo Jeso, si kobiit kiityech imanda eng' kayaneet eng' Kristo, ama eng' poisyonigap Ng'atuutyet: amu ma kiityin chii imanda eng' poisyonigap Ng'atuutyet.

GALATYEK 3:24

Ki ek anyun Ng'atuutyet kaneetindennyo ne imutyinech Kristo, si kobiit kiityech imanda eng' kayaneet.

GALATYEK 3:8

Ak kisip kogeer siruutyet kole iityin Kamuktaindet imanda Pororyosyek eng' kayaneet, kogisip koamji logoiywek che myach Abraham, koleenji, Kiberuuri pororyosyek tugul eng' inyee.

GALATYEK 5:5

Amu kigeni kamang'unet ne po imanda eng' Kabuuset ne Tiliil eng' kayaneet.

EPESOEK 2:12

ole ki omi taban eng' Kristo eng' peetuusyechooto, che ki oo kipsagarek eng' pororyetap Israel, ak ki oo toek eng' kayomisutik che po arorutyet, ki ma otinye kamang'unet ak ki ma otinye Kamuktaindet eng' ng'wonyuni.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

1 TIMOTEO 6:11

Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

HEBRANIK 11:7

Ki yai Noah moinget eng' kayaneet, kot kosar koonnyi, ye kingo kagiteechi agobo tuguuk che ki tomo kegeer, amu ki iywei Kamuktaindet; ki irwookyine anyun ng'wony nooto, ak ki ek ne ki nam imanda ne piitu eng' kayaneet.

1 PETERO 4:3

Amu ki koyam peetuusyek che ki kosiirto kosulda mageetap Pororyosyek, ye ki obendoti eng' maguutik che yaacheen, ak kasetap myat, pogitatet, ak waseetapkei, eiseet ak saaetap kanamonik che etei ng'atuutik: