ROMANIK 9:22 - BUKUIT NE TILIIL Sireet ne Dutero Kanon

²² Tos nee anyun, ngo machei Kamuktaindet kobarta nereeknatennyi, ak kong'aany kimnateennyi, komuita eng' talasyet ne oo agobo tereenik che po nereegek che nyoljin ng'emisyet:

Bukuit Ne Tilil

²² Tos nee anyun, ngo machei Kamuktaindet kobarta nereeknatennyi, ak kong'aany kimnateennyi, komuita eng' talasyet ne oo agobo tereenik che po nereegek che nyoljin ng'emisyet:

BUKUIT NE TILIL

²² Tos nee anyun, ngo machei Jehovah kobarta nereknatennyi, ak kong’any kimnatennyi, komuita eng’ talasiet ne o agobo terenik che bo neregek che nyoljin ng’emisiet:

ROMANIK 9:22 ပူးပေါင်းရင်းမြစ်များ

TAUNET 15:16

Tuun ko weeksei yu ibinda ne po ang'wan, amu tomo konender kot koam piik tugul yaityetap Amorik.”

TIENWOGIKAL 90:11

Ng'oo ne ingen kimnateetap nereegeguk, Ak nereegeguk che ng'woneen, ko uu ye nyoljin kiywein?

KOMONG'U 9:16

ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

KALEWANAIK 16:4

Ki yai Kamuktaindet ne Toroor tuguuk tugul ko uu ye kimakyin, ee agot che yaach ko ki yai agobo peetuut ne ya.

RIREKAB JEREMIA 3:22

Ki rireenosyegap Kamuktaindet ne Toroor kityo si ma kigeswech, amu mararu rireenosyekyik.

KAITOSYEK 14:11

Ak kiteebe `Kamuktaindet ne Toroor Musa koleenji, “Renya pichu kot kotyanit? Ma iyana agoi au, agot nganda ki ayai kaboorunoichooto tugul eng' kwenunnywa?

KAITOSYEK 14:18

‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

ROMANIK 1:18

Ki keng'aany nereegegap Kamuktaindet kobun kipsengwet agobo pistoet tugul ak yaityet tugul ne po piik, che kirindoi imanit eng' yaityet;

ROMANIK 9:17

Amu mwachin sireet Pharaoh koleenjin, “Kang'eetin amu ng'olyoondoniito ale, abartaenen kamuktaennyu, si keamdaat kainennyu eng' ng'wony komugul.”

ROMANIK 9:20

Chiichi! Ii ng'oo ne tos iwolji Kamuktaindet kiy? Tos mwachin `kiit ne ki kimimii mimiindet koleenjin, “Amu nee si iyaa ko uu ni?”

ROMANIK 9:21

Anan ma tinyei cheptereniot kimnateet eng' meneet, koyai eng' kebebertap menonooto tereet ne po teegisto, ak age ne ma po teegisto?

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.

1 THESSALONIKEK 5:9

Amu ki ma lewenjech Kamuktaindet nereeknateet, ago nyoorunetap yetunet eng' Kiptaiyandennyo Jeso Kristo,

2 TIMOTEO 2:20

Ago eng' koot ne oo koma mi tereenigap thahabu ak fedha kityo, ago che po keetiik ak ng'ung'unyek ak icheek; ak po alage teegisto, koma po alage teegisto.

1 PETERO 2:8

ak ko, koita ne inachi piich, ak ko rwandet ne riichei piich; amu kinachi icheek eng' ng'olyoot, amu ma kase iit: ki kinde icheek agobo nooto.

1 PETERO 3:20

che ki ma kogase iit eng' tai, ye kiganyei muitaetap Kamuktaindet eng' peetuusyegap Noah, ye ki ngeyaei moinget, ne ki kisaruunee che ng'ering' eng' peek, chooto ko ki piik sisiit:

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.

2 PETERO 3:15

Ak oiit ole muitaetap Kiptaiyandennyo ko yetunet; ko uu ye kisirwak agine Paulo, tupchennyo ne kechame, ko uu utaatyet ne ki kigoochi;

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.