ROMANIK 9:20 - BUKUIT NE TILIIL Sireet ne Dutero Kanon

²⁰ Chiichi! Ii ng'oo ne tos iwolji Kamuktaindet kiy? Tos mwachin `kiit ne ki kimimii mimiindet koleenjin, “Amu nee si iyaa ko uu ni?”

Bukuit Ne Tilil

²⁰ Chiichi! Ii ng'oo ne tos iwolji Kamuktaindet kiy? Tos mwachin `kiit ne ki kimimii mimiindet koleenjin, “Amu nee si iyaa ko uu ni?”

BUKUIT NE TILIL

²⁰ Achicha, ago, ee inye chi, i ng’o ne tos iwolji Jehovah kiy? Tos mwachin kit ne kigimimi mimiindet, kolenjin, Amu nee si iyaa ko u noto?

ROMANIK 9:20 ပူးပေါင်းရင်းမြစ်များ

2 SAMUEL 16:10

Koleenji `laitoryat, “Kiting'egei nee ak okweek, weeriigap Zeruiah? Amu chubisyei, Ngot ko amu kamwachi `Kamuktaindet ne Toroor ineendet koleenji, ‘Chup Daudi,’ ko ng'oo anyun ne mwaei kole, ‘Amu nee si iyai ko uu no?’ ”

Kitabuutap JOB 16:3

Tos tinyei ng'aleegap puch ole igeesunegei? Anan nee ne kaiimin kot irang'u ng'al che chaang'?

Kitabuutap JOB 33:13

Amu nee si oborye ineendet? Ago ma tetyin chii ng'aleekyik agot agenge.

Kitabuutap JOB 36:23

Ng'oo ne kigong'at ooreennyi? Anan ng'oo ne imuuchi komwa kole, ‘Keyai ne ma po iman?’

Kitabuutap JOB 40:2

“Tos imache inyee ne imesesi obelegei ak Kamuktaindet Ne po Kamuktaet? Ingowol chuuto ineendet ne tiitos ak Kamuktaindet.”

Kitabuutap JOB 40:5

Ki amwa konyil agenge, ama awolu kogeny; Ee, ki amwa konyil aeng', ago ma atese.”

Kitabuutap JOB 40:8

Tos iwale kirwoogennyu koek puch? Tos irwokwo, si kobiit kiityin imanda?

Kitabuutap JOB 9:32

Amu ineendet koma chii, ko uu anee ne awoljini, kot ketuiye kibagenge eng' kirwooget.

ISAIAH 10:15

“Tos ichaugei aiywet eng' ineendet ne ebisye? Tos ieetegei musumeneet eng' ineendet ne tilisye? Ko uu nda itumdumi kirokto ne namei, anan nda namjin parak kirokto ineendet ne ma keetit!”

ISAIAH 29:16

Ogabui tuguuk! Tos kiroge cheptereniot meneet? Imuuchi komwa kiit ne ki kiyaei agobo ineendet ne kiyaei, kole, “Ki ma koyaa,” anan komwa kiit ne ki kinamdos agobo ineendet ne ki inamdos, kole, “Ma tinyei ineendet kaguiyet”?

ISAIAH 64:8

Nganda uu nooto, ee Kamuktaindet ne Toroor, inyee ko ii kwandanyo. Ki meneet ak inyee ko ii mimiindennyo; ki poisyonigap euneguk acheek tugul.

JEREMIA 18:6

Ee kootap Israel, tos ma muuchi ayaiywok ko uu ye kayai chepterenindoniito? Mwaei Kamuktaindet ne Toroor. Ogeero, ko uu ye mi meneet eutap cheptereniot, omi ak okweek eunnyu, ee kootap Israel.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

MATAYO 20:15

Tos ma nyoljino ayai ne amache eng' tuguukyuk? Anan amin ng'etkong', amu aa ayiep?’ ”

LUKA 12:14

Ago ki leenji ineendet, Chiichi, ng'oo ne kindea aek kirwoogindet anan pcheindet eng' okweek?

ROMANIK 14:4

Ii ng'oo inyee ne irwookyini otwogindetap chiito age? Tononi anan kobuti eng' kiptaiyandennyi. Ee, kinamei kotonon; amu imuuchi Kiptaiyat konam ineendet kotonon.

ROMANIK 2:1

Nooto anyun, metinye lotania, ee, inyee chii age tugul ne irwoochi: amu nooto irwookyine age, irwookyinegei inyeendet; amu inyee ne irwoochi, iyae aginye tuguuchooto.

ROMANIK 2:3

Ee, inyee chii, tos iiti inyee, ile ichilile kirwoogetap Kamuktaindet, inyee ne irwookyini icheek che yaei tuguuk che uu chooto, ak iyae aginye chooto?

ROMANIK 9:21

Anan ma tinyei cheptereniot kimnateet eng' meneet, koyai eng' kebebertap menonooto tereet ne po teegisto, ak age ne ma po teegisto?

ROMANIK 9:22

Tos nee anyun, ngo machei Kamuktaindet kobarta nereeknatennyi, ak kong'aany kimnateennyi, komuita eng' talasyet ne oo agobo tereenik che po nereegek che nyoljin ng'emisyet:

1 KORINTOEK 1:20

Mi ano ne utaat? Mi ano siriindet? Mi ano kiptiyotyot ne po kenyisyechu? Tos ma yai Kamuktaindet ng'omnatetap ng'wonyuni koberberit?

1 KORINTOEK 7:16

Amu inaitoi ano inyee, ee, osotyondoni, ngo tos mesuru manong'otyondeng'ung'? Anan inaitoi ano inyee, ee manong'otyondoni, ngo tos mesaru osotyondeng'ung'?

1 TIMOTEO 6:5

pooryosyegap piik che ki kong'emogis kabwaatutikwak, ak che ki kirebe imanit, koleen kayweet ne kiywei Kamuktaindet ko ooreet ne kibore.

2 TIMOTEO 2:20

Ago eng' koot ne oo koma mi tereenigap thahabu ak fedha kityo, ago che po keetiik ak ng'ung'unyek ak icheek; ak po alage teegisto, koma po alage teegisto.

TITO 2:9

Ingogas iit otwogik kiptainikwak, ak kobaibai icheek komyee eng' tuguuk tugul; amaek che wolu kiy;

JAKOBO 2:20

Ago imache inai, ee, inyee chiito ne ma ii kiy, ile, kayaneet ne ma tinyei poisyonik ko soon?