ROMANIK 8:7 - BUKUIT NE TILIIL Sireet ne Dutero Kanon

⁷ amu kererwegap met che po poorto ko puunyoondit eng' Kamuktaindet; amu ma kase iit Ng'atuutyetap Kamuktaindet, amaimuuchi:

Bukuit Ne Tilil

⁷ amu kererwegap met che po poorto ko puunyoondit eng' Kamuktaindet; amu ma kase iit Ng'atuutyetap Kamuktaindet, amaimuuchi:

BUKUIT NE TILIL

⁷ amu kererwekab met che bo borto ko bunyondit eng’ Jehovah; amu magase it Ng’atutietab Jehovah, amaimuchi:

ROMANIK 8:7 ပူးပေါင်းရင်းမြစ်များ

2 ATEPTAP PEETUUSYEK 19:2

Ki wo Jehu weeriitap Hanani keerindet, kotorookta ineendet ak koleenji Laitoryat Jehoshaphat, “Tos yamin itoret kiptengekyot ak icham che wechei Kamuktaindet ne Toroor? Amu kiito, ko pwonjinin nereegek che punu taitap Kamuktaindet ne Toroor.

Kitabuutap JOB 15:13

kot iwal muguleldong'ung' kongelelji Kamuktaindet, ak icham komang'une kuting'ung' ng'aleek che uu chooto?

TIENWOGIKAL 53:1

Mwaei che perber eng' mugulelwekwak kole, “Ma mi Kamuktaindet.” Ng'emotin icheek, yaei poisyonik che kiwechei; ma mi ne yaei ne myee.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

JEREMIA 13:23

Tos imuuchi kowal Ethiopiaindet iriryondennyi, anan kowal cheplanget simormorindanyi? Ngo uu nooto, omuuchi ak okweek oyai ne myee, che ki onaite oyae yaityet.

EZEKIEL 14:5

si kobiit anam kootap Israel eng' mugulelwekwak icheeget, amu ki kotoiyenagei icheek tugul amu kanamonikwak.

MATAYO 12:34

Lagochu po erenooi, omuktoi ano okweek che oo yaach omwa tuguuk che myach? Ng'alaali kutit che nyiitaat muguleldo.

MATAYO 5:19

Nooto anyun, chii age tugul ne putei ng'atuutyet agenge ne ming'in kot, eng' ng'atuutichu, ak koneeti piik ko uu nooto, keguure ineendet ne ming'in eng' tugul eng' pounatetap kipsengwet: ago chii tugul ne yaei ak koneeti chooto, keguure ineendet ne oo eng' pounatetap kipsengwet.

JOHANA 7:7

Ma imuuchi ng'wony kowechok; ago wecho anee amu abaoryani agobo ng'wony ale yaach poisyonikyik.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

ROMANIK 1:30

che po chemererosyek, che wechei Kamuktaindet, che kolgoleen, che menotik, che ichougei, taunigap tuguuk che yaacheen, che ma kase iit sigiik,

ROMANIK 3:31

Tos ki yai anyun Ng'atuutyet koek ne ma tilei kiy amu kayaneet? Achicha, ma uu nooto: ki kimiti Ng'atuutyet.

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

ROMANIK 7:22

Amu abaibai eng' Ng'atuutyetap Kamuktaindet eng' chiito ne po oriit:

ROMANIK 8:4

si kobiit kosulda kayomisetap Ng'atuutyet eng' acheek, che ma kisubi poorto, ago Kabuuset ne Tiliil.

1 KORINTOEK 2:14

Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

1 KORINTOEK 9:21

eng' icheeget che ma mi eng' Ng'atuutik, ko ki aige agane chii ne ma mi Ng'atuutik, ma keele ma mi eng' Ng'atuutik eng' Kamuktaindet, ago ami eng' Ng'atuutik eng' Kristo, si anyoor icheek che ma mi eng' Ng'atuutik.

KOLOSAIK 1:21

Ak nganda ki oo kipsagarek eng' peetuusyek che ki kosiirto, ak ki oo puunik eng' kabwaatutikwok eng' poisyonikwok che yaacheen, ko kagotuiyok ineendet nguno,

KOLOSAIK 2:18

Amat korebenak chii melektang'wong' eng' ooreet ne machei ineendet, ne po kaming'inetapkei ak kalasunetap malaikaisyek, ak kogimitegei tuguuk che ki kogeer, ak komenee kabwaatutikyik che po poorto,

2 TIMOTEO 3:4

ng'wektoik, ngelelik, che ilasugei, che chamei ureryet kosiir koek che chamei Kamuktaindet;

HEBRANIK 8:10

Amu ni kayomiset ne tuun kiyomisyinige ak kootap Israel. Ye ibata peetuusyechooto, mwaei Kiptaiyat: Andoi ng'atuutikyuk kabwaatutikwak, ak asirchi kogeny mugulelwekwak, ak aegu Kamuktaindet eng' icheek, ak koek piikyuk.

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

2 PETERO 2:14

piik che tinyei koonyek che nyiitootiin ibeetapkei, amaimuuchi kometo tengekto; che ichuuti saboonwek che ma tononiotiin; che tinyei mugulelwek che ki konetkei kasetap myat; lagogap chubeet;