ROMANIK 8:39 - BUKUIT NE TILIIL Sireet ne Dutero Kanon

³⁹ anan toroorindo, anan asurto, anan kiy age tugul ne ki kiyai, eng' chamyetap Kamuktaindet, ne mi eng' Kristo Jeso Kiptaiyandennyo.

Bukuit Ne Tilil

³⁹ anan toroorindo, anan asurto, anan kiy age tugul ne ki kiyai, eng' chamyetap Kamuktaindet, ne mi eng' Kristo Jeso Kiptaiyandennyo.

BUKUIT NE TILIL

³⁹ anan tororindo, anan asurto, anan kiy age tugul ne kigiyai, eng’ chamnyetab Jehovah, ne mi eng’ Kristo Jesu Kiptaiyandennyo.

ROMANIK 8:39 ပူးပေါင်းရင်းမြစ်များ

TIENWOGIKAL 64:6

Cheeng'oti tengekwogik; mwaei icheek kole, “Kogeyai eng' kagiiletapkei kosulda cheeng'sennyo.” Po ung'oot miising', kabwaatetap chiito age tugul, kobooto muguleldanyi!

KALEWANAIK 20:5

Uu rireet kirwooget eng' muguleldap chiito, ago siilei chiito ne tinyei kaguiyet.

TYENDO NE SIIREI TUGUL 3:4

Kinga we ne matya ko kaasiirtoe icheek, anyooru ineendet ne chamei saboondanyu. Ki anam, ak ma achamji kwo, agoi amutu ineendet konyo kootap kamennyu, agoi koot ne po oriit ne po ineendet ne kisicha.

ISAIAH 10:33

Ogeero, tuun ebei Kiptaiyat, Kamuktaindet ne Toroor ne po lugoosyek, mooriik eng' kamuiset; kiluulei che kooen, ak kinyeroti che ieetegei.

ISAIAH 24:21

Ak tuun pirei Kamuktaindet ne Toroor eng' peetuunooto eng' parak lugeetap icheeget che torooreen, ak kobir laitorinigap ng'wony eng' ng'wony.

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

JOHANA 16:27

amu chamok ineendet Kwanda, amu ki ochama, ak ki oyan ole ki abunu Kwanda.

JOHANA 17:26

Ki ang'aang'ji icheek kaineng'ung', ak ta ang'aang'jini; si kobiit kotebee icheek chamyet ne ki ichamena, ak anee eng' icheek.”

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

ROMANIK 1:7

eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

ROMANIK 11:33

Ee tyanitu anyun ooindo ne po mogornatosyegap utaatyet ak naetap Kamuktaindet! Ak kirwoogutikyik che ma isiagaksei, ak ortinwekyik che ma cheeng'oksei!

ROMANIK 5:8

Ago iboorwech acheek Kamuktaindet chamyennyi, amu ye kita ko ki kiptengeginik, kome Kristo agobo acheek.

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

ROMANIK 8:1

Nooto anyun ma komi kirwooget eng' icheek che miitei eng' Kristo Jeso.

ROMANIK 8:35

Ibestoseech ng'oo eng' chamyetap Kristo? Nyalilda, anan pichiindo, anan usiisyet anan rubeet anan aach ngor, anan ng'oiyondit, anan rotwetap chok?

2 KORINTOEK 11:3

Ago aiywei ale, si ma ng'emogis eng' oor age tugul kabwaatutikwok eng' lititindo ak tiliilindo ne tokyingei Kristo ko uu ye ki iberber ereneet Hawa eng' ng'aalseennyi.

2 KORINTOEK 2:11

si ma nyoor Setani kiit ne iterteerenech; amu ma kiberberen, ago kingen chobutikyik.

EPESOEK 1:4

ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet:

PILIPIK 3:12

Ma keele ki anyooru, ama keele ki aegu ne ititaat: ago agiiljinigei tai, si kobiit anam nooto ne ki igoochi Kristo Jeso konamena.

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

PILIPIK 3:8

Ee iman, ak aiiti tuguuk tugul koek tugun che ki kobetyo amu telunateet ne po naetap Kristo Jeso, Kiptaiyandennyu: ki kobetwo tuguuk tugul amu ineendet ak aiiti ale pusagaryek, si kobiit anyoor Kristo,

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

1 JOHANA 4:16

Ak kingen ak ki kiyan chamyet ne ting'enech Kamuktaindet; Kamuktaindet ko chamyet; ineendet ne menyei chamyet komenyei Kamuktaindet, ak komenyei `Kamuktaindet ineendet.

1 JOHANA 4:19

Kichame, amu kisip kochamech ineendet.

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 13:14

Ak ki iberber icheek che menyei ng'wony eng' kaboorunoik che ki kigoochi ineendet koyai eng' taitap tyondo; koleenjin icheek che menyei ng'wony koyachi kanamwet tyondo, ne tinyei perutyetap rotwetap chok, ak kisop tyonyooto.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

NG'ANG'UTYET 2:24

“Ago amwaiwok okweek che oo ng'etunotiin eng' Thyatira, tugul che ma tinyei kaneetisyoni, che ma ingen tuguuk che po oriit che po Setani, ko uu ye mwaei icheek; ale ma andook mileet age.

NG'ANG'UTYET 20:3

ak kowiirchi ineendet keriinget ne ma igoksei, ak koger, ak kong'ooch paragunnyi, si mata koberber pororyosyek kogeny, agoi kogeskei kenyiisyek eliphuut agenge. Ye ibata nooto kityaach ne matya.

NG'ANG'UTYET 20:7

Ye igeskei kenyiisyek eliphuut agenge, kityaach Setani komong' eng' korgorennyi,