ROMANIK 8:34 - BUKUIT NE TILIIL Sireet ne Dutero Kanon

³⁴ ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.

Bukuit Ne Tilil

³⁴ ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.

BUKUIT NE TILIL

³⁴ ng’o inendet ne igikyin? Kristo Jesu ne kime, ee, inendet ne kiging’eet komong’une che kibek, ne mi eutab tai ne bo Jehovah, ne saiywech agine.

ROMANIK 8:34 ပူးပေါင်းရင်းမြစ်များ

Kitabuutap JOB 33:24

koriiree ineendet anyun, ak kole, ‘Saru ineendet si ma rorokyi Keriinget, kaanyooru katyaget.

Kitabuutap JOB 34:29

Ye kasiis ineendet, ko ng'oo anyun ne igikyin ineendet? Ak ye uny togeennyi, ko ng'oo ne imuuchi kogeer? Ngo yachi poror anan ko chii, ko kergei.

TIENWOGIKAL 109:31

Amu tonone eutap tai ne po ineendet ne panani, si kosar ineendet eng' icheek che irwookyin saboondanyi.

TIENWOGIKAL 37:33

Ago ma metochin `Kamuktaindet ne Toroor ineendet eutap kiptengekyot, anan ko kiikyi ye irwookyin.

ISAIAH 50:8

Neegit ineendet ne iityina imanda; kibortosi ak ng'oo? Ngetononse tuwai: ng'oo punyondennyu? Ingonyo koriikyo.

ISAIAH 53:12

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

KAITOSYEK 7:15

kirgit agenge ne neran, mengit agenge, mengit age ne ma siirei kenyiit agenge, kobunji kagoochinet ne kibeelei;

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MARIKO 16:19

Ye kingo kagong'alaal ak icheeget `Kiptaiyat Jeso, kimut anyun ineendet kwo kipsengwet, ak kotebee eutap tai ne po Kamuktaindet.

JOHANA 14:19

Ta komi kitigin, si ma kogeero ng'wony; ago ogeera: amu asabe, osaptosi ak okweek.

JOHANA 16:23

Ama oteebena kiy eng' peetuunooto. Amwaiwok, iman, iman, ale, Ngot osoom Kwanda kiy age tugul, kogoonok eng' kainennyu.

POISYONIGAP CHE KIYOKTOI 2:24

Ago ki ing'eet `Kamuktaindet ineendet, ko kagotyach eng' ng'wanindo ne po meet, amu ki ma komuuchi meet konam ineendet.

ROMANIK 14:13

Nooto anyun, amat kota kirwookyigei kogeny: ago kaigai orwooch ko uu ni keele amat konde chii kanagut ooreetap ne tupcho, anan kiy ne igoochin kobut.

ROMANIK 14:9

Amu kime Kristo agobo niito, ak kisop, si koek Kiptaiyat ne po che ki kobek ak che saptos.

ROMANIK 4:25

ne ki kigoito amu pistautikyok, ak ki king'eet si kobiit kiityech imanda.

ROMANIK 8:1

Nooto anyun ma komi kirwooget eng' icheek che miitei eng' Kristo Jeso.

ROMANIK 8:27

ak ineendet ne isyachi mugulelwek kongen kiit ne ibwaati Kabuuset ne Tiliil, amu saaei agobo piik che tiliileen ko uu mageetap Kamuktaindet.

KOLOSAIK 3:1

Ko uu ye king'eetyee anyun kobooto Kristo, ocheeng' tuguuk che mi parak, ole mi Kristo kotebyei eng' eutap tai ne po Kamuktaindet.

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

HEBRANIK 9:24

Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek:

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.