ROMANIK 8:31 - BUKUIT NE TILIIL Sireet ne Dutero Kanon

³¹ Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

Bukuit Ne Tilil

³¹ Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

BUKUIT NE TILIL

³¹ Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

ROMANIK 8:31 ပူးပေါင်းရင်းမြစ်များ

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

1 LAITORINIK 8:57

Ingotep Kamuktaindet ne Toroor, Kamuktaindennyo kobootech ko uu ye kimi ak kwanisyekyok; amat kobagaaktech anan kometech.

2 LAITORINIK 6:16

Ak ki wol kole, “Meiywei, amu chaang' che mi kobootech kosiir che mi ak icheeget.”

1 ATEPTAP PEETUUSYEK 19:15

Kingo keer lagogap Ammon kole kagomwei piigap Syria, komwei ak icheek eng' taitap Abisai ng'eetap kametap Joab, ak ki pa nganaseet. Ki nyo anyun Joab Jerusalem.

1 ATEPTAP PEETUUSYEK 5:22

ak ki kibar che chaang', amu ki po lugeet Kamuktaindet. Ak kimeng'iis eng' olooto kogeer icheek kot koit peetuut ne ki kiluule.

TIENWOGIKAL 118:6

Mi Kamuktaindet ne Toroor komostanyu; ma yweisyei. Imuuchi koyaiywo nee chii?

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 56:11

Kamuktaindet ne amang'u, ma yweisyei. Tos imuuchi koita nee chii?

TIENWOGIKAL 56:4

Eng' Kamuktaindet, ne alasu ng'olyoondennyi; Kamuktaindet ne amang'u, ma yweisyei. Imuuchi ko itaa nee chii?

TIENWOGIKAL 56:9

Weekyigei let puunikyuk eng' peetuut ne aguursei. Angen niito ale, mi Kamuktaindet komostanyu.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 54:17

Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

ISAIAH 8:10

Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

JEREMIA 1:19

Ibookyin icheek, ago ma iterteerin; amu ami kobooten, si asaruun, mwaei Kamuktaindet ne Toroor.

JEREMIA 20:11

Ago mi Kamuktaindet ne Toroor kobooto ko uu ineendet ne kiim ak komuisei: kinachi anyun usiikyuk, ama iterteerisyei: ililandos kot, amu ma yai eng' ng'omnateet, ak ma koi kiutye teweernatennywa ne po koigeny.

JEREMIA 42:11

Amoiywei laitoryatap Babilon, ne oiywei; amoiywei ineendet, mwaei Kamuktaindet ne Toroor: amu ami kobootok, si asarwok, ak atyachak eng' eunnyi.

KAITOSYEK 14:9

Ago kaigai amongelelji Kamuktaindet ne Toroor anan oiywei piigap emet, amu uu amitwogik icheek eng' acheek. Kigeistoe icheek urwetap toreteet ak mi Kamuktaindet ne Toroor kobootech, amoiywei icheek.”

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

ROMANIK 3:5

Ago ngot kogonyiti atebeennyo ne ma po imanda, imandap Kamuktaindet, kota kemwae nee anyun? Tos ma po imanda Kamuktaindet ne nyoonei eng' nereegek? (Ang'alaali ko uu piik.)

ROMANIK 4:1

Kimwae nee anyun agobo Abraham, kwandanyo, kinyoor nee eng' atebeetap poorto?

NG'ATUTIK 33:29

Ee Israel, igasigei: Ogergei ak ng'oo, pororyet ne ki sar Kamuktaindet ne Toroor? Ineendet ne long'eet ne toretin, ak ko rotweng'ung' po chok, ne po telunateng'ung'! Yaigei puuniguk koigei che kase iit, si ityech oldinwekwak che sutotin.”

JOSHUA 10:42

Ki nam `Joshua laitorinichooto tugul ak emotinwekwak eng' peetuusyechooto, amu ki yai Kamuktaindet ne Toroor, Kamuktaindetap Israel lugeet agobo Israel.

1 JOHANA 4:4

Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.

1 SAMUEL 14:6

Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”