ROMANIK 8:19 - BUKUIT NE TILIIL Sireet ne Dutero Kanon

¹⁹ Amu igeni miising' ak koganyei yaeet komugul ng'ang'et ne po weeriigap Kamuktaindet.

Bukuit Ne Tilil

¹⁹ Amu igeni miising' ak koganyei yaeet komugul ng'ang'et ne po weeriigap Kamuktaindet.

BUKUIT NE TILIL

¹⁹ Amu igeni mising’ ak koganyei yaet komugul ng’ang’et ne bo werikab Jehovah.

ROMANIK 8:19 ပူးပေါင်းရင်းမြစ်များ

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

MATAYO 5:9

Poiboen che yaei kaalyeet, amu kiguure weeriigap Kamuktaindet.

JOHANA 1:12

Ago tugul che kitaach ineendet, ko ki igoochi kamuget koek lagogap Kamuktaindet, icheek che iyani kainennyi,

POISYONIGAP CHE KIYOKTOI 3:21

ne kanyool kotaach kipsengwet agoi peetuusyek che kiwale tuguuk tugul komiagitu, che king'alaalee Kamuktaindet eng' kutuswegap maotikyik che tiliileen che ki mi kobooch taunetap ng'wony.

ROMANIK 8:14

Amu tugul che indochin Kabuusetap Kamuktaindet, ko weeriigap Kamuktaindet chooto.

ROMANIK 8:16

ko paoryani Kabuuset ne Tiliil ineendet ak mugulelwekyok kole ki lagogap Kamuktaindet;

ROMANIK 8:18

Amu aiiti ale nyalilwogik che po peetuusyechu koma nyolu kiroge toroornatet ne tuun king'ang'wech.

ROMANIK 8:23

Ak ma uu nooto kityo, ago agot acheek, che ki tinyei tongoanigap Kabuuset ne Tiliil, ketigendosi agacheek eng' oriit, kigeni keyaech keegu lagok, nooto ko katyagetap poorwekyok.

ROMANIK 9:26

“Ak eng' olooto ole ki kimwachine, keleenji, ‘Ma oo piikyuk,’ keguure eng' olooto weeriigap Kamuktaindet ne sabei.”

1 KORINTOEK 1:7

si moletu eng' konunotyot age tugul; ogeni ng'ang'utyetap Kiptaiyandennyo Jeso Kristo.

1 KORINTOEK 1:8

Ne igimitok agine agoi let, ko motinye kiy ne kirwoogunenok eng' peetuutap Kiptaiyandennyo Jeso Kristo;

2 KORINTOEK 6:18

Ak aegu Kwanda eng' okweek, Ak oegu weeriik ak tiibiik eng' anee, Mwaei Kiptaiyat Ne po Kamuktaet.

GALATYEK 3:26

Amu okweek tugul ko oo weeriigap Kamuktaindet, eng' kayaneet, eng' Kristo Jeso.

PILIPIK 1:20

Ko uu eng' kagenisyennyu ne ageni miising' ak kamang'unennyu, ale ma kigoono alilan eng' kiy age tugul ago eng' nyiganateet tugul, ko uu kotugul, ko uu nooto agine nguno kitoroori Kristo eng' poortanyu, ngo eng' saboondo, anan eng' meet.

KOLOSAIK 3:4

Ye tuun took Kristo, ne ineendet saboondanyo, otaagu anyun ak okweek kobooto ineendet eng' toroornatet.

HEBRANIK 12:27

Ago ng'olyoondoniito, kamwa kole, “Ta konyilei agenge,” kobooru istoetap tuguuk che kimuuchi kitumdum, ko uu eng' tuguuk che ki keyai, si kobiit kong'et tuguuchooto che ma kitumdumi.

1 PETERO 1:13

Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

1 PETERO 1:7

si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo:

1 JOHANA 3:1

Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.