ROMANIK 8:17 - BUKUIT NE TILIIL Sireet ne Dutero Kanon

¹⁷ ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

Bukuit Ne Tilil

¹⁷ ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

BUKUIT NE TILIL

¹⁷ ak ngo ki lagok, ko ki che bunjinech tuguk; che bunjinech tugukab Jehovah, ak che bunjinech tuguk koboto Kristo; ngot kenyalildosi koboto inendet, si kitororech koboto inendet.

ROMANIK 8:17 ပူးပေါင်းရင်းမြစ်များ

MATAYO 16:24

Kingo pata koleenji Jeso kasubikyik, “Ngo machei chii kosubwo, ko nyolu koeesyogei, ak kosut koip kimurtoiyondennyi, ak kosubwo.

MATAYO 25:21

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

LUKA 24:26

Ki ma nyoljin Kristo konyalil eng' tuguuchu, si komong'ji toroornatennyi?”

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

ROMANIK 5:17

Amu ngo kiboi meet eng' pistoetap agenge; ne siirei miising' anyun, kobou eng' saboondo icheek che taachei chaang'indap myeeindo ak konunet ne po imanda eng' agenge, nooto Jeso Kristo.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

1 KORINTOEK 2:9

ago ko uu ye ki kisir keele, “Ma mi kong' ne ki kogeer, anan it ne ki kogas, anan muguleldap chii ne kigoguiyo, tuguuk tugul che kichopchi `Kamuktaindet icheeget che chamei ineendet.”

2 KORINTOEK 1:5

Ko uu ye katesak eng' acheek nyalilwogik che po Kristo, ko uu nooto katesak kagaigaennyo eng' Kristo.

2 KORINTOEK 1:7

ak lumdaat kamang'unennyo agobo okweek; kingen keele, ko uu ye oo yamdoik che po nyalilwogik, ko uu nooto oo yamdoik che po kagaigaet.

GALATYEK 3:29

Ak ngot oo po Kristo, ko oo kesweegap Abraham anyun che namei tuguuk ko uu eng' arorutyet.

GALATYEK 4:7

Eng' nooto anyun ma ko ii otwogindet kogeny, ago ii weeriit; ak ngo ii weeriit ko ii namindet ne po tuguuk eng' Kamuktaindet.

EPESOEK 3:6

keele, Pororyosyek ko yamdoigap nametap tuguuk, ak yamdoigap kebeberwegap poorto, ak yamdoigap arorutyet eng' Kristo Jeso eng' logoiywek che myach,

PILIPIK 1:29

amu ki kigoonok agobo Kristo, ma oyan ineendet kityo, ago onyalilye agobo ineendet:

PILIPIK 3:10

si kobiit anai ineendet ak kamuktaet ne po ng'eetyeennyi, ak yamdaet ne po nyalilwogikyik, kirogendoena meennyi;

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

TITO 3:7

si, ye kagiityech imanda eng' myeeindonyi, keyaech keegu che namei tuguuk ko uu kamang'unetap saboondap koigeny.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 1:2

ko ne kagong'alaalwech eng' peetuusyechu po let eng' Weeriinnyi, ne kigonde koek ne namei tuguuk tugul, ak ki yai ineendet ng'wony agine eng' ineendet;

HEBRANIK 6:17

Eng' ng'olyoondonooto ye kingo mach Kamuktaindet miising' koboorchi icheek che nyooru arorutyet ole uu rarennyi ne ma walaksei, konde kayasyoet kwenut:

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 1:4

ketaach poroteet ne ma ng'emaksei, ama tinyei murwoonindo, ama petei, ne ki kigonorwok eng' kipsengwet,

1 PETERO 4:13

ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.