ROMANIK 8:16 - BUKUIT NE TILIIL Sireet ne Dutero Kanon

¹⁶ ko paoryani Kabuuset ne Tiliil ineendet ak mugulelwekyok kole ki lagogap Kamuktaindet;

Bukuit Ne Tilil

¹⁶ ko paoryani Kabuuset ne Tiliil ineendet ak mugulelwekyok kole ki lagogap Kamuktaindet;

BUKUIT NE TILIL

¹⁶ Baoriani Tamirmiriet inendet ak tamirmirikyok kole ki lagokab Jehovah:

ROMANIK 8:16 ပူးပေါင်းရင်းမြစ်များ

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

MATAYO 5:9

Poiboen che yaei kaalyeet, amu kiguure weeriigap Kamuktaindet.

LUKA 20:36

amu ma komuuchi kobek agoi: amu kergeitu ak malaikaisyek; ak icheeget ko weeriigap Kamuktaindet, amu weeriitap ng'eetyeet.

JOHANA 1:12

Ago tugul che kitaach ineendet, ko ki igoochi kamuget koek lagogap Kamuktaindet, icheek che iyani kainennyi,

POISYONIGAP CHE KIYOKTOI 5:32

Ak ki paorinik acheek che po tuguuchu, ak Kabuuset ne Tiliil agine ne Ki kogoochi Kamuktaindet icheek che kase iit ineendet.”

ROMANIK 8:14

Amu tugul che indochin Kabuusetap Kamuktaindet, ko weeriigap Kamuktaindet chooto.

ROMANIK 8:19

Amu igeni miising' ak koganyei yaeet komugul ng'ang'et ne po weeriigap Kamuktaindet.

ROMANIK 8:23

Ak ma uu nooto kityo, ago agot acheek, che ki tinyei tongoanigap Kabuuset ne Tiliil, ketigendosi agacheek eng' oriit, kigeni keyaech keegu lagok, nooto ko katyagetap poorwekyok.

ROMANIK 8:26

Ak toreti ko uu nooto agine Kabuuset ne Tiliil nyalulennyo: amu ma kingen kesaa ko ye nyolu; ago saiywech Kabuuset ne Tiliil ineendet eng' tigenoik che ma kimuuchi kemwa;

ROMANIK 9:26

“Ak eng' olooto ole ki kimwachine, keleenji, ‘Ma oo piikyuk,’ keguure eng' olooto weeriigap Kamuktaindet ne sabei.”

ROMANIK 9:8

Nooto anyun, icheek koma lagogap poorto che lagogap Kamuktaindet; ago lagogap arorutyet che kiiti koek keswoot.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

2 KORINTOEK 1:22

ak king'oochech, ak kogoonech Kabuuset ne Tiliil eng' mugulelwekyok koek tongoaniatap tuguuk che pwoonei.

2 KORINTOEK 5:5

Ara anyun, ne kiyaech agobo niito, ko Kamuktaindet, ne ki koonech Kabuuset ne Tiliil, koek tongoaniatap tuguuk che pwoonei.

2 KORINTOEK 6:18

Ak aegu Kwanda eng' okweek, Ak oegu weeriik ak tiibiik eng' anee, Mwaei Kiptaiyat Ne po Kamuktaet.

GALATYEK 3:26

Amu okweek tugul ko oo weeriigap Kamuktaindet, eng' kayaneet, eng' Kristo Jeso.

GALATYEK 4:6

Ak amu oo weeriik, ko ki iyookyi Kamuktaindet Kabuusetap weeriinnyi mugulelwekyok, ne riirei, kole, “Abba, Kwanda!”

EPESOEK 1:13

Ki ogas ak okweek eng' ineendet ng'olyootap imanit, logoiywek che myach che po yetuneng'wong' - eng' ineendet, ne kingo kaoyan, ko ki king'oochak eng' Kabuuset ne Tiliil ne po arorutyet,

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

NG'ATUTIK 14:1

“Oo lagogap Kamuktaindet ne Toroor Kamuktaindeng'wong': amowat poorwekwok anan amotuumet agobo chii ne kame.

1 JOHANA 3:1

Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.

1 JOHANA 3:10

Ng'ang'aksei lagogap Kamuktaindet eng' niito, ak lagogap chesawil: chii age tugul ne ma yaei imanda koma po Kamuktaindet, anan ineendet ne ma chamei ne tupcho.

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.

1 JOHANA 4:13

kingen eng' niito keele kimenye eng' ineendet ak komenyech ineendet, amu ki kogoonech keyamde kobun Kabuusennyi ne Tiliil.

1 JOHANA 5:10

Ineendet ne iyani Weeriitap Kamuktaindet kotinyei paornatanooto eng' ineendet: ineendet ne ma iyani Kamuktaindet ko kagoyai ineendet koek kiplembechwa; amu ma iyan paornateet ne kibaoryan Kamuktaindet agobo Weeriinnyi.

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.