ROMANIK 8:11 - BUKUIT NE TILIIL Sireet ne Dutero Kanon

¹¹ Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

Bukuit Ne Tilil

¹¹ Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

BUKUIT NE TILIL

¹¹ Ago ngo menyok Tamirmirietab inendet ne kiing’eet Jesu komong’une che kibek, kosoobi borwekwok che begu inendet ne kiing’eet Kristo Jesu komong’une che kibek, eng’ Tamirmiriennyi ne menyei eng’ okwek.

ROMANIK 8:11 ပူးပေါင်းရင်းမြစ်များ

ISAIAH 26:19

Tuun saptos cheguuk che ki kobek; ng'eetos muuswekyuk. Ong'eetyee ak otyen, okweek che omenye ng'ung'unyek! Amu uu rewondeng'ung' rewootap ingweek, ak koonu ng'wony che ki kobek.

EZEKIEL 37:14

Ak andeok Kabuusennyu, si osapche, ak andeok emeng'wong' si kobiit onai ole anee Kamuktaindet ne Toroor ne kamwae ng'olyoondoniito, ak ayai, mwaei Kamuktaindet ne Toroor.

JOHANA 14:17

nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

JOHANA 5:21

Amu ko uu ye ing'eeti Kwanda che ki kobek ak kosoobi, isoobi Weeriit ko uu nooto agine che machei.

POISYONIGAP CHE KIYOKTOI 2:24

Ago ki ing'eet `Kamuktaindet ineendet, ko kagotyach eng' ng'wanindo ne po meet, amu ki ma komuuchi meet konam ineendet.

ROMANIK 16:10

Ogat Apele ne chamat eng' Kristo. Ogat icheek che po kootap Aristobulo.

ROMANIK 16:3

Ogat Priska ak Aquila che ki kiboitiinik tugul eng' Kristo Jeso,

ROMANIK 16:7

Ogat Androniko ak Junia, che po ornyo, ak che kimonjororinik kobooto, che taagunotiin eng' che kiyooktoi, che ki mi eng' Kristo kotom ayan.

ROMANIK 16:9

Ogat Urbano kiboityondennyu ne kiboisyei tugul eng' Kristo, ak Stako ne achame.

ROMANIK 6:12

Nooto anyun amochamji tengek koboi poorwekwok che pegu, si ogas iit maguutikwak:

ROMANIK 8:1

Nooto anyun ma komi kirwooget eng' icheek che miitei eng' Kristo Jeso.

ROMANIK 8:12

Nooto anyun, che kitupche, ki che kiyaachei, ma eng' poorto, si kisubi poorto:

ROMANIK 8:2

Amu kagotyacha ng'atuutyetap Kabuusetap saboon eng' Kristo Jeso amang'une ng'atuutyetap tengek ak meet.

ROMANIK 8:9

Ago ma omi eng' poorto ago eng' Kabuuset ne Tiliil, ngo menyok Kabuusetap Kamuktaindet. Ago ngo ma tinyei chii Kabuusetap Kristo koma nenyi.

1 KORINTOEK 15:16

Amu ngot koma king'eeti che pegu, kogimaging'eet Kristo agine:

1 KORINTOEK 6:14

ak ki ing'eet `Kamuktaindet Kiptaiyat, ak tuun ing'eetech ak acheek eng' kamuktaennyi.

2 KORINTOEK 4:11

Amu acheeget che kisoptosi kimutyinech meet kotugul amu Jeso, si kobiit kong'ang'ak agine saboondap Jeso eng' poorwekyok che pegu.

2 KORINTOEK 4:14

kingen keele ineendet ne ki ing'eet Kiptaiyat Jeso ko tuun ing'eetech agacheek kobooto Jeso, ak kobartech kobootok.

2 KORINTOEK 5:4

Iman, acheek che ki mi eng' porito, ketigendosi, ketinye laiset; ma keele kimache keregunenech, ago kimache kilaakwech, si kobiit kolugui saboondo nooto meei.

GALATYEK 6:8

Amu ineendet ne koljin poortanyi kotun kesei eng' poorto ng'emisyet; ago ineendet ne koljin Kabuuset ne Tiliil kotun kesei eng' Kabuuset ne Tiliil saboondo ne po koigeny.

EPESOEK 2:5

agot ye ki kibegunotin eng' yaitwogikyok, ko ki isaabech kobooto Kristo (kigesorwok eng' myeeindo),

PILIPIK 3:21

ne tuun walei kileelit poortanyo ne po nyeraatyet, si kobiit kogergeit ak poortanyi ne po liilindo, eng' kamugonooto imuuchi koyai tuguuk tugul kogas iit ineendet.

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 11:11

Ak ye kingo pata peetuusyechooto somogu ak kebeberta kochut icheek kabuusetap saboondo ne punu Kamuktaindet, ak kotononio eng' keelyekwak; ak konam kaiyweisyet ne oo icheek che ki keer.