ROMANIK 8:1 - BUKUIT NE TILIIL Sireet ne Dutero Kanon

¹ Nooto anyun ma komi kirwooget eng' icheek che miitei eng' Kristo Jeso.

Bukuit Ne Tilil

¹ Nooto anyun ma komi kirwooget eng' icheek che miitei eng' Kristo Jeso.

BUKUIT NE TILIL

¹ Noto anyun ma komi kiruoget eng’ ichek che mitei eng’ Kristo Jesu.

ROMANIK 8:1 ပူးပေါင်းရင်းမြစ်များ

ISAIAH 54:17

Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

EZEKIEL 18:9

ne ki kowendote ng'atuutikyuk, ak koriip kirwoogutikyuk, si koyai iman, po iman chiichooto, sabei ineendet iman, mwaei Kiptaiyat Kamuktaindet ne Toroor.

JOHANA 14:20

Eng' peetuunooto onai ole ami eng' Abba, ak okweek eng' anee, ak anee eng' okweek.

JOHANA 15:4

Omenya, ak amenyok. Ko uu ye ma imuuchi temeet koi logoek ineegei, ngot koma menyei keetit; ko momuuchi ak okweek, ngot ko momenya.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

ROMANIK 16:3

Ogat Priska ak Aquila che ki kiboitiinik tugul eng' Kristo Jeso,

ROMANIK 16:7

Ogat Androniko ak Junia, che po ornyo, ak che kimonjororinik kobooto, che taagunotiin eng' che kiyooktoi, che ki mi eng' Kristo kotom ayan.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 5:16

Ak ma kergei kiit ne pitunee konunet ak kiit ne pitunee tengektap chiito agenge: amu ki nyo kirwooget eng' agenge agoi kagikyinet, ago ki nyo konunetap chamyet eng' pistautik che chaang' agoi kaiityinetap imanda.

ROMANIK 7:17

Nguno anyun koma ko anee ne ayae, ago tengekto ne menya.

ROMANIK 7:20

Ago ngot ayae ne ma mache, koma ko anee ne yaei, ago tengekto ne menya.

ROMANIK 8:11

Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

ROMANIK 8:14

Amu tugul che indochin Kabuusetap Kamuktaindet, ko weeriigap Kamuktaindet chooto.

ROMANIK 8:2

Amu kagotyacha ng'atuutyetap Kabuusetap saboon eng' Kristo Jeso amang'une ng'atuutyetap tengek ak meet.

ROMANIK 8:34

ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.

ROMANIK 8:39

anan toroorindo, anan asurto, anan kiy age tugul ne ki kiyai, eng' chamyetap Kamuktaindet, ne mi eng' Kristo Jeso Kiptaiyandennyo.

ROMANIK 8:4

si kobiit kosulda kayomisetap Ng'atuutyet eng' acheek, che ma kisubi poorto, ago Kabuuset ne Tiliil.

ROMANIK 8:9

Ago ma omi eng' poorto ago eng' Kabuuset ne Tiliil, ngo menyok Kabuusetap Kamuktaindet. Ago ngo ma tinyei chii Kabuusetap Kristo koma nenyi.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 15:22

Amu ko uu ye pegu tugul eng' Adam, ko uu nooto tuun kisoobi tugul eng' Kristo.

2 KORINTOEK 12:2

Angen chiito eng' Kristo, kobooch nguno ko kenyiisyek taman ak ang'wan (ngo ki mi eng' poorto, ko mangen; anan ngo kiga komanda eng' poorto, ko mangen; ingen Kamuktaindet), ale ki kimut ineendet kotogosta agoi kipsengwet ne po somok.

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

GALATYEK 3:26

Amu okweek tugul ko oo weeriigap Kamuktaindet, eng' kayaneet, eng' Kristo Jeso.

GALATYEK 3:28

Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.

GALATYEK 5:16

Amu amwae anyun ale, Obendoti eng' Kabuuset ne Tiliil, si moyai mageetap poorto.

GALATYEK 5:25

Ngot kesaptosi eng' Kabuuset ne Tiliil, ko ongebendoti anyun eng' Kabuuset ne Tiliil.

EPESOEK 1:1

Paulo, kayooktoindet ne po Kristo Jeso eng' mageetap Kamuktaindet, asirchini piik che tiliileen che mi Epheso, kobooto che po kayaneet eng' Kristo Jeso:

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet: