ROMANIK 6:4 - BUKUIT NE TILIIL Sireet ne Dutero Kanon

⁴ Nooto anyun kigetubech kobooto ineendet eng' kabatisanet agoi meet: si ko uu ye ki king'eet Kristo eng' che ki pek eng' toroornatetap Kwanda, ko uu nooto, kibendoti agacheek eng' saboondo ne leel.

Bukuit Ne Tilil

⁴ Nooto anyun kigetubech kobooto ineendet eng' kabatisanet agoi meet: si ko uu ye ki king'eet Kristo eng' che ki pek eng' toroornatetap Kwanda, ko uu nooto, kibendoti agacheek eng' saboondo ne leel.

BUKUIT NE TILIL

⁴ Noto anyun kigetubech koboto inendet eng’ kabatisanet agoi meet: si ko u ye kiging’eet Kristo eng’ che kibek eng’ torornatetab Kwanda, ko u noto, kibendoti agachek eng’ sobondo ne leel.

ROMANIK 6:4 ပူးပေါင်းရင်းမြစ်များ

JOHANA 11:40

Koleenji `Jeso ineendet, “Kama amwaun ale, ngiyani, igeere toroornatetap Kamuktaindet?”

JOHANA 2:11

Taunet niito ne po kaboorunoikyik ne ki yai Jeso eng' Kana ne po Galilaya, ak ki iboortoi toroornatennyi; ak ki iyan ineendet kasubikyik.

POISYONIGAP CHE KIYOKTOI 2:24

Ago ki ing'eet `Kamuktaindet ineendet, ko kagotyach eng' ng'wanindo ne po meet, amu ki ma komuuchi meet konam ineendet.

POISYONIGAP CHE KIYOKTOI 2:32

Ki ing'eet `Kamuktaindet Jeso niito, ne ki paorinikyik acheek tugul.

ROMANIK 6:19

Ang'alaali ko uu piteetap piik amu nyalulet ne po poorwekwok: amu ko uu ye ki ogoite kebeberwegap poorwekwok koek otwogigap murwoonindo ak tengek agoi tengek, ko uu nooto anyun ogoite kebeberwegap poorwekwok koek otwogigap imanda agoi tiliilindo.

ROMANIK 6:3

Anan ma onai ole acheek tugul che ki kibatisanjech Jeso Kristo ko ki kibatisanjech meennyi?

ROMANIK 6:8

Ago ngo kigebegu kobooto Kristo, kiyani kora keele kisoptosi kobooto ineendet;

ROMANIK 6:9

kingen keele ki king'eet Kristo komong' eng' che ki kobek: ma komeei kogeny; ma kotinyei meet pounateet eng' ineendet kogeny.

ROMANIK 7:6

Ago nguno, ko ki kityaachech eng' Ng'atuutyet, ko kagebekyi nooto ne kiga ratech; si kobiit keotisye eng' leelindap Kabuuset ne Tiliil, ma eng' osindap ng'atuutik che siraatiin.

ROMANIK 8:11

Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

1 KORINTOEK 6:14

ak ki ing'eet `Kamuktaindet Kiptaiyat, ak tuun ing'eetech ak acheek eng' kamuktaennyi.

2 KORINTOEK 13:4

amu ki kigartaat eng' nyalulet, ago sabei eng' kamuktaetap Kamuktaindet. Amu kinyalulyotin ak acheek eng' ineendet, ago kisoptosi kobooto ineendet eng' kamuktaetap Kamuktaindet agobo okweek.

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

EPESOEK 4:17

Amwae anyun ni, ak abaoryani eng' Kiptaiyat, ale si mata obendate ko uu ye pendoti Pororyosyek ak icheek, eng' kabwaatutikwak che po puch,

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

KOLOSAIK 3:10

ak koolaach chiito ne leel, ne kiwalei koleelit agoi naet kogergeit ak itoondap ineendet ne ki yai ineendet:

KOLOSAIK 4:1

Kiptainichu, ogoochini otwogikwok nooto ne po imanda ak ne nyolu; ongen ole otinye ak okweek Kiptaiyat eng' kipsengwet.

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;

1 JOHANA 2:6

ineendet ne mwaei kole menyei eng' ineendet konyaaljin agine kowendot ko uu ye kiga wendot ineendet.