ROMANIK 6:23 - BUKUIT NE TILIIL Sireet ne Dutero Kanon

²³ Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

Bukuit Ne Tilil

²³ Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

BUKUIT NE TILIL

²³ Amu melektab tengek ko meet; ago konunetab chamnyet ne bo Jehovah ko sobondab koigeny eng’ Kristo Jesu Kiptaiyandennyo.

ROMANIK 6:23 ပူးပေါင်းရင်းမြစ်များ

TAUNET 2:17

ago amat iam che po keetit ne po naet ne kinae ne myee ak ne ya. Amu eng' peetuut ne keam che po keetoto, imee ne matiny.”

TAUNET 3:19

Iame amitwogik eng' kaotigap togeng'ung' kot koit iweekyigei ng'wony amu ki kinemunenen yooto; amu ii ng'ung'uny, iweekyinigei ng'ung'unyek.”

KALEWANAIK 11:19

Ineendet ne kimitu eng' imanda ko sabei, ak ineendet ne isubi yaityet ko mee ineegei.

ISAIAH 3:11

Pwo eng' kiptengekyot! Yaitu eng' ineendet; amu kigoochin melektap poisyonigap eunekyik.

ISAIAH 3:9

Paoryanjin icheek togoochikwak; ak komwaitoi tengekwogikwak ko uu Sodom, ma unyei. Pwo eng' saboonwekwak! Amu kagoyaakyigei yaityet.

EZEKIEL 18:20

Meei chiito ne yaei tengekto: ma namei weeriit ng'oogistap kwandanyi, ama namei kwanda ng'oogistap weeriinnyi; tebee chiito ne po iman imandanyi, ak kotebee kiptengekyot tengektanyi.

EZEKIEL 18:4

Ogeero, chechuuk saboonwegap piik tugul; ko uu ye nenyu saboondap kwanda, ko nenyu agine saboondap weeriit: meei saboondap chiito ne yaei tengekto.

MATAYO 25:46

Ak pendi chu ole mi nyalilda ne po koigeny; ago pendi che po imanda ole mi saboondap koigeny.”

JOHANA 10:28

Agoochini icheek saboondap koigeny; ak ma koi lusyo, ama rebena chii icheek eng' eunnyu.

JOHANA 17:2

ko uu ye ki igoochi ineendet kimnateet koboi piik tugul, si kobiit kogoochi saboondap koigeny tugul che ki igoochi ineendet.

JOHANA 3:36

Tinyei saboondap koigeny ne iyani Weeriit; ama keerei saboondo ne ma kase iit Weeriit, ago tebee nereegegap Kamuktaindet paragunnyi.

JOHANA 4:14

ago age tugul ne eei peek che agoochini koma koamei melel agoi; ago egu peek che agoochini kondap peek eng' ineendet, che kuutu agoi saboondap koigeny.”

JOHANA 4:36

Ineendet ne kesei kotaachei melekto, ak koyumi logoek che po saboondap koigeny; si koboiboitu tuwai ne koolei ak ne kesei.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

JOHANA 6:27

Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

JOHANA 6:40

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

JOHANA 6:68

Kowolji anyun Simion Petero, koleenji, “Kiptaiyat, kibendi ole mi ng'oo? Itinye ng'aleek che po saboondap koigeny.

ROMANIK 1:32

che nganda ingen ng'atuutyetap Kamuktaindet ne leen, nyoljin meet icheeget che yaei tuguuk che uu chuuto, koma yaei kityo che uu chuuto, ago chamyechin kobooto icheeget che yaei tuguuchuuto.

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

ROMANIK 5:12

Nooto anyun, ko uu ye ki mong'ji ng'wony tengek eng' chiito agenge, ak meet amu tengek; koityi anyun meet piik tugul, amu ki yai tugul tengek

ROMANIK 5:17

Amu ngo kiboi meet eng' pistoetap agenge; ne siirei miising' anyun, kobou eng' saboondo icheek che taachei chaang'indap myeeindo ak konunet ne po imanda eng' agenge, nooto Jeso Kristo.

ROMANIK 5:21

si, ko uu ye kiboi tengekto eng' meet, ko uu nooto pou myeeindo eng' imanda agoi saboondap koigeny eng' Jeso Kristo Kiptaiyandennyo.

ROMANIK 6:16

Mongen ole, ineendet ne ogoochinigei oegu otwogik agoi kasetap iit, ko oo otwogigap ineendet ne ogase iit; ngo po tengekto agoi meet, anan ngo po kasetap iit agoi imanda?

ROMANIK 6:21

Ki otinye logoek nee eng' peetuusyechooto eng' tuguuk che olilane nguno? Amu kagesunetap tuguuchooto ko meet.

ROMANIK 8:13

amu ngo subi poorto, obegu matiny; ago ngo par eng' Kabuuset ne Tiliil poisyonigap poorto, osaptosi.

ROMANIK 8:38

Amu angen komyee ale ma imuuchi kobesyech meet, anan saboondo, anan malaikaisyek, anan pounatosyek, anan tuguuk che miitei, anan tuguuk che pwoonei, anan kimnatosyek,

ROMANIK 8:39

anan toroorindo, anan asurto, anan kiy age tugul ne ki kiyai, eng' chamyetap Kamuktaindet, ne mi eng' Kristo Jeso Kiptaiyandennyo.

ROMANIK 8:6

Amu kererwegap met che po poorto ko meet; ago kererwegap met che po Kabuuset ne Tiliil ko saboondo ak kaalyeet:

GALATYEK 3:10

Amu tugul che mi eng' poisyonigap Ng'atuutyet, komiitei eng' chubeet: amu ki kisir keele, Chuboot chii age tugul ne ma tebyei eng' tuguuk tugul che ki kisir eng' bukuitap Ng'atuutyet, keele koyai chooto.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

JAKOBO 1:15

ak ye kagomanach mageet ne ya, koii tengekto; ak ye kagoeet tengekto, koii meet.

1 JOHANA 2:25

Ak ni arorutyet ne ki iarorwech ineendet, nooto ko saboondap koigeny.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”