ROMANIK 6:21 - BUKUIT NE TILIIL Sireet ne Dutero Kanon

²¹ Ki otinye logoek nee eng' peetuusyechooto eng' tuguuk che olilane nguno? Amu kagesunetap tuguuchooto ko meet.

Bukuit Ne Tilil

²¹ Ki otinye logoek nee eng' peetuusyechooto eng' tuguuk che olilane nguno? Amu kagesunetap tuguuchooto ko meet.

BUKUIT NE TILIL

²¹ Kiotinye logoek nee eng’ betusiechoto eng’ tuguk che olilane nguno? Amu kagesunetab tuguchoto ko meet.

ROMANIK 6:21 ပူးပေါင်းရင်းမြစ်များ

1 LAITORINIK 2:26

Ki leenji `laitoryat Abiathar tisiindet, “Ui Anatoth, ole mi mbareeniguk; amu nyoljinin imee. Ago ma parin rani, amu ki ibe moingetap Kiptaiyat Kamuktaindet ne Toroor eng' taitap Daudi abba, ak ki kinyaliilin eng' tuguuk tugul che ki kinyalile abba.”

EZRAH 9:6

ak ale, “Ee Kamuktaindennyu, alilani miising' ak kagowalak togeennyu kot koma muuch anyalin, inyee Kamuktaindennyu, amu kogotesak tengekwogikyok kot ko maluuchech ak ki koeet ng'oogistonyo kot koit kipsengwet.

Kitabuutap JOB 33:27

Tyeni eng' taitap piik ak kole ki ayai tengekto, ak amaas kiit ne ki po iman, ama kelwo kiy.

Kitabuutap JOB 40:4

“Keero, ma aa kiy; awolun nee? Kagonama kuut.

Kitabuutap JOB 42:6

Kasaskei anyun amu nooto, kasigu eng' temburyek ak oreek.”

TIENWOGIKAL 73:17

Agoi among'ji kap Kamuktaindet ole-tiliil, Anai anyun ole poochin kagesunennywa.

KALEWANAIK 1:31

amei anyun logoegap ortinwekwak, ak konyiak ng'aleekwak che yaacheen.

KALEWANAIK 14:12

Mi ooreet ne leen chiito litit, ago kagesunennyi ko ooreet ne tokyingei meet.

KALEWANAIK 16:25

Mi ooreet ne leen chiito litit, ago kagesunennyi ko ortinwegap meet.

ISAIAH 3:10

Omwachi ne po iman oleenji, myeeitu eng' ineendet, amu amei icheek logoegap poisyonikwak.

JEREMIA 12:13

Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 3:3

Kigeger anyun ropta amu nooto, si mata kobiit ropta ne po let, ago itinye togeetap chepkugoniot ak ieesyoi ililan.

JEREMIA 31:19

Ki asigu iman ko ki awelelage; ak ki arabach kubestanyu ko kagineta: Ki alilan, ee ki atoptoben, amu ki aiboti teweernatetap ming'inatennyu.

JEREMIA 8:12

Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Tuun ibutos anyun icheeget kobooto chooto ki ibutyo. Tuun ki wiirtoi icheek eng' peetuut ne kibirei, mwaei Kamuktaindet ne Toroor.”

EZEKIEL 43:11

Ak ngot kolilaanso amu tuguuk tugul che ki koyai, iboorchi kiit ne uu koot, ak itoondanyi, ak ole kibunei kebendi saang', ak ole kibunei kebendi ko, kobooto ole uu tuguuk, ak etanutikyik tugul, ak ole teptoi tugul, ak ng'atuutikyik tugul, ak isir kogeerei: si kobiit koriip ole uu kiit komugul, kobooto etanutikyik tugul, ak koyai.

ROMANIK 1:32

che nganda ingen ng'atuutyetap Kamuktaindet ne leen, nyoljin meet icheeget che yaei tuguuk che uu chuuto, koma yaei kityo che uu chuuto, ago chamyechin kobooto icheeget che yaei tuguuchuuto.

ROMANIK 5:12

Nooto anyun, ko uu ye ki mong'ji ng'wony tengek eng' chiito agenge, ak meet amu tengek; koityi anyun meet piik tugul, amu ki yai tugul tengek

ROMANIK 6:16

Mongen ole, ineendet ne ogoochinigei oegu otwogik agoi kasetap iit, ko oo otwogigap ineendet ne ogase iit; ngo po tengekto agoi meet, anan ngo po kasetap iit agoi imanda?

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

ROMANIK 7:5

Amu ye kingota kemi eng' poorto ko ki poisyei maguutik che po tengek eng' kebeberwegap poorwekyok, che kimi amu Ng'atuutyet, si koiiyo logoek che ityin meet.

ROMANIK 8:13

amu ngo subi poorto, obegu matiny; ago ngo par eng' Kabuuset ne Tiliil poisyonigap poorto, osaptosi.

ROMANIK 8:6

Amu kererwegap met che po poorto ko meet; ago kererwegap met che po Kabuuset ne Tiliil ko saboondo ak kaalyeet:

2 KORINTOEK 4:2

ago kigeeesye tuguuk che ung'ootiin che po kalilanet, ama kibendoti eng' ng'aalseet, anan keboisyee ng'olyootap Kamuktaindet eng' kaberberisyet; ago eng' kabartaetap imanit, kiboorchinigei kabwaatetap chii age tugul eng' taitap Kamuktaindet.

2 KORINTOEK 7:11

Amu ogeero, ng'olyoondoniito ne ki koonok arageneet ne tokyingei Kamuktaindet, kogiyai kagiilet ne uu nee eng' okweek; ee, saruunetapkei, ee, nereeknateet; ee, kaiyweisyet; ee, emosto; ee, kagiiletapkei; ee, yaaktaetap mugetuut! Eng' kiy age tugul ko ki obartegei ole oo tiliileen eng' ng'olyoondoniito.

NG'ATUTIK 17:6

Kibarei chiichooto eng' ng'aleegap paorinik aeng' anan ko somok ama ki parei eng' paornateetap chiito agenge.

NG'ATUTIK 21:22

“Ngo yai chii tengekto ne nyoljin meet ak kebar ak isonginin eng' keetit,

PILIPIK 3:19

ne kagesunennywa ko luseet, ne kamuktaindennywa ko moet, ne kalasunennywa ko teweernatennywa, che ibwaati tuguugap ng'wony.

HEBRANIK 10:29

obwaatitoi ano okweek, ng'wanitu ne tya pireet ne tuun nyoljin kirwookyine ineendet ne ki kotyech Weeriitap Kamuktaindet, ak koiit korotiigap kayomiset, che ki kitiliile ineendet, koek tuguuk che ma tiliileen, ak kosas Kabuusetap myeeindo?

HEBRANIK 6:8

ago ngo iiyo katook che toorei piich ak che rutei piich, keesyoi ak ko neegitee chubeet; ne kagesunennyi ko kebeel.

JAKOBO 1:15

ak ye kagomanach mageet ne ya, koii tengekto; ak ye kagoeet tengekto, koii meet.

JAKOBO 5:20

ko ingonai kole ineendet ne walei kiptengekyot kobagaakta mastaetap ooreennyi kosaru saboondo eng' meet, ak kotuchei tengekwogik che chaang'.

1 PETERO 4:17

Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?

1 JOHANA 2:28

Ak nguno anyun, lagochu mengech, omeny ineendet; si ye tuun kaging'aany ineendet, kesich nyiganateet, ama kililani eng' tainnyi eng' nyonunennyi.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”

NG'ANG'UTYET 20:14

Ak ki kiwiirchi meet ak ye mi che ki kobek, araraitap maat. Niito ko meet ne po aeng', araraitap maat.