ROMANIK 6:14 - BUKUIT NE TILIIL Sireet ne Dutero Kanon

¹⁴ Amu ma tinyei tengek pounateet eng' okweek: amu ma omi eng' Ng'atuutik, ago eng' myeeindo.

Bukuit Ne Tilil

¹⁴ Amu ma tinyei tengek pounateet eng' okweek: amu ma omi eng' Ng'atuutik, ago eng' myeeindo.

BUKUIT NE TILIL

¹⁴ Amu matinyei tengek bounatet eng’ okwek: amu ma omi eng’ Ng’atutik, ago eng’ mieindo.

ROMANIK 6:14 ပူးပေါင်းရင်းမြစ်များ

ATEPTAP LAWIK 25:41

Yeityo anyun komanda eng' oldang'ung', ineendet kobooto lagokyik, ak koweekyigei oldap piigap ooreenywa, koweekyigei ole mi tuguugap kwanisyekyik.

MIKAH 7:19

Tuun weeksei kogeny ak korirenech; tuun istoiwech tengekwogikyok: tuun iwiirchini tugul rirosyegap nyanjet.

MATAYO 1:21

Tuun sichei ineendet weeriit ak iguure kainennyi Jeso, amu ineendet ne tuun saru piikyik eng' tengekwogikwak.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 8:36

Ngo tyachak anyun Weeriit, ko otyagotin iman.

ROMANIK 11:6

Ago ngot ko po myeeindo, koma ko po poisyonik: ngo ma uu nooto, ko mata koek `myeeindo myeeindo.

ROMANIK 4:16

Punu kayaneet amu niito, si kobiit koek ne po myeeindo; si ma walak arorutyet eng' iyoteet tugul; ma chooto po Ng'atuutyet kityo, ago chooto ak icheek che po kayaneetap Abraham, ne kwandanyo acheek tugul

ROMANIK 5:17

Amu ngo kiboi meet eng' pistoetap agenge; ne siirei miising' anyun, kobou eng' saboondo icheek che taachei chaang'indap myeeindo ak konunet ne po imanda eng' agenge, nooto Jeso Kristo.

ROMANIK 5:18

Nooto anyun, ko uu ye ki nyoonji piik tugul kirwooget agoi kagikyinet eng' pistoetap agenge; ko uu nooto ki nyoonji piik tugul konunet ne kigoitoi puch, agoi kaiityinetap imanda ne po saboondo eng' pistoet agenge ne po imanda.

ROMANIK 6:12

Nooto anyun amochamji tengek koboi poorwekwok che pegu, si ogas iit maguutikwak:

ROMANIK 6:15

Nee anyun, ki yai tengek, amu ma kemi eng' Ng'atuutik, ago eng' myeeindo? Achicha, ma uu nooto.

ROMANIK 8:12

Nooto anyun, che kitupche, ki che kiyaachei, ma eng' poorto, si kisubi poorto:

ROMANIK 8:2

Amu kagotyacha ng'atuutyetap Kabuusetap saboon eng' Kristo Jeso amang'une ng'atuutyetap tengek ak meet.

GALATYEK 3:23

Ago ye ki tomo konyo kayaneet, ko ki kiriibech eng' Ng'atuutyet. Kiga kiratech agoi koit kayaneet ne kitun keng'aany eng' let.

GALATYEK 4:21

Omwaiwo, okweek che omache otebee pounatetap ng'atuutik, tos mogase Ng'atuutyet?

GALATYEK 5:18

Ago ngo ndoiywok Kabuuset ne Tiliil, ko momite pounatetap Ng'atuutyet.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 8:10

Amu ni kayomiset ne tuun kiyomisyinige ak kootap Israel. Ye ibata peetuusyechooto, mwaei Kiptaiyat: Andoi ng'atuutikyuk kabwaatutikwak, ak asirchi kogeny mugulelwekwak, ak aegu Kamuktaindet eng' icheek, ak koek piikyuk.