ROMANIK 5:1 - BUKUIT NE TILIIL Sireet ne Dutero Kanon

¹ Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

Bukuit Ne Tilil

¹ Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

BUKUIT NE TILIL

¹ Kitinye kalyet ak Jehovah eng’ Kiptaiyandennyo Jesu Kristo amu kigiityech imanda eng’ kayanet;

ROMANIK 5:1 ပူးပေါင်းရင်းမြစ်များ

Kitabuutap JOB 21:21

Amu igoochin koonnyi ineendet poiboiyo nee ye kagobata ineendet, ye kitil koitetap arawekyik eng' kwenet?

TIENWOGIKAL 122:6

Osoomji kaalyeet Jerusalem: “Nyooru poroteet icheek che chamin.”

ISAIAH 27:5

Anan konam ineendet kimnateennyu, si koyai kaalyeet kobooto; ee, ingoyai ineendet kaalyeet kobooto.”

ISAIAH 32:17

Ak koek poisyetap imanda kaalyeet; ak kobiitune imanda kamuung'et ak kamang'unet koigeny.

ISAIAH 54:13

Ak ineeti Kamuktaindet ne Toroor lagoguk tugul; ak koeet kaalyeetap lagoguk.

ISAIAH 55:12

Amu tuun omandoi eng' poiboiyet, ak kindoiywok eng' kaalyeet: tyendos eng' taing'wong' tuloonook ak tuloonook che mengeechen, ak koraprap eunekwak keetiik tugul che po timiin.

HABAKUK 2:4

Ogeero, kagomen muguleldanyi, ma litit ineendet, ago sabei ne po imanda eng' kayanennyi.

SEKARIA 6:13

ee, ineendet ne teechei Hekaluutap Kamuktaindet ne Toroor; ak konam toroornatet, ak kotebee ng'echerennyi ne po laitornatet, ak kobounis; ak koek tisiindet eng' ng'echerennyi ne po laitornatet, ak kotebee kirwoogetap kaalyeet kwenunnywa icheek tuwai.

LUKA 19:38

koleen, Iberuurot Laitoryat ne nyoonei eng' kainetap Kiptaiyat: kaalyeet eng' kipsengwet, ak liilindo eng' ole toroor miising'.

LUKA 19:42

koleen, Nda kengen eng' peetuuni, agot inyee, tuguuk che po kaalyeet! Ago nguno ko kagoung'ogis eng' konyeguk.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

JOHANA 14:27

Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

JOHANA 20:31

ago ki kisir chu, si kobiit oyan ole Jeso ko Kristo, Weeriitap Kamuktaindet; ak si kobiit ye oyani onyooru saboondo eng' kainennyi.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

POISYONIGAP CHE KIYOKTOI 10:36

Ng'olyoot ne ki iyookyi ineendet piigap Israel, ko koamda ng'aleek che myach che po kaalyeet eng' Jeso Kristo, ineendet ko Kiptaiyat ne po tugul.

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

ROMANIK 1:7

eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

ROMANIK 10:10

Amu iyani chii eng' muguleldo agoi imanda; ak ng'aanyei eng' kutit agoi saruunet.

ROMANIK 10:15

Ak amdoitoi ano, ngo ma kiyookto? Agot ko uu ye siraat kole, “Korooron ne tya keelyegap icheeget che ibu logoiywek che po poiboiyet, che po tuguuk che myach!”

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 15:33

Ingotep Kamuktaindet ne po kaalyeet kobootok okweek tugul. Amen.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

ROMANIK 3:30

ko uu ye agenge Kamuktaindet, ak koiityin imanda eng' kayaneet che ki kimuratan, ak koiityin imanda eng' kayaneet che ma kimuratan.

ROMANIK 4:5

Ago eng' ineendet ne ma poisyei, ago iyani ineendet ne iityin imanda chii ne ya, kiiti kayanennyi keele po imanda.

ROMANIK 5:11

Ak ma uu nooto kityo, ago kiboiboi agacheek eng' Kamuktaindet eng' Kiptaiyandennyo Jeso Kristo, amu ki kenyooru eng' ineendet katuiyet.

ROMANIK 5:18

Nooto anyun, ko uu ye ki nyoonji piik tugul kirwooget agoi kagikyinet eng' pistoetap agenge; ko uu nooto ki nyoonji piik tugul konunet ne kigoitoi puch, agoi kaiityinetap imanda ne po saboondo eng' pistoet agenge ne po imanda.

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

ROMANIK 9:30

Kimwae nee anyun? Kimwae keele kigonor Pororyosyek imanda che ki ma kosubi imanda, nooto ko imanda ne po kayaneet:

GALATYEK 2:16

ago kingen keele ma kiityin chii imanda eng' poisyonigap ng'atuutik, ago eng' kayaneet eng' Jeso Kristo, ki kiyan agacheek eng' Kristo Jeso, si kobiit kiityech imanda eng' kayaneet eng' Kristo, ama eng' poisyonigap Ng'atuutyet: amu ma kiityin chii imanda eng' poisyonigap Ng'atuutyet.

GALATYEK 3:25

Ago nguno anyun, ko kagonyo kayaneet, koma koboiywech kaneetindet.

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

EPESOEK 2:7

si kobiit kobarta eng' kenyiisyek che pwoonei mogornatosyek che siirtoot che po myeeindonyi eng' talasyet ne tokyineigei eng' Kristo Jeso:

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

KOLOSAIK 1:20

si kotuiyechigei tuguuk tugul ineendet, ye kingo kagoyai kaalyeet eng' korotiigap kimurtoiyondennyi; eng' ineendet, ngo tuguuk che mi ng'wony anan tuguuk che mi kipsengwet.

KOLOSAIK 3:15

Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

2 THESSALONIKEK 3:16

Nguno anyun ingogoonok kaalyeet Kiptaiyat ineendet, ne Kiptaiyat ne po kaalyeet, kotugul eng' ui tugul. Ingotep Kiptaiyat kobootok okweek tugul.

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,