ROMANIK 4:25 - BUKUIT NE TILIIL Sireet ne Dutero Kanon

²⁵ ne ki kigoito amu pistautikyok, ak ki king'eet si kobiit kiityech imanda.

Bukuit Ne Tilil

²⁵ ne ki kigoito amu pistautikyok, ak ki king'eet si kobiit kiityech imanda.

BUKUIT NE TILIL

²⁵ ne kigigoito amu bistautikyok, ak kiging’eet si kobiit kiityech imanda.

ROMANIK 4:25 ပူးပေါင်းရင်းမြစ်များ

ISAIAH 53:4

Ki ip iman ng'waninwekyok, ak kigesen aragenosyekyok: ago ki kiit ineendet keele ki kibir, ki pir Kamuktaindet ak konyaliil.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

ROMANIK 3:25

ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

ROMANIK 5:18

Nooto anyun, ko uu ye ki nyoonji piik tugul kirwooget agoi kagikyinet eng' pistoetap agenge; ko uu nooto ki nyoonji piik tugul konunet ne kigoitoi puch, agoi kaiityinetap imanda ne po saboondo eng' pistoet agenge ne po imanda.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

1 KORINTOEK 15:17

ak ngo ki ma king'eet Kristo, ko puch kayaneng'wong'; kota omi eng' tengekwogikwok.

2 KORINTOEK 5:15

ak ki mechi ineendet tugul, si ma kosaptos agobo kei icheeget che saptos, ago agobo ineendet ne ki mechi ak kong'eet kogeny.

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 1:4

ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

GALATYEK 2:20

Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 8:3

Amu kindoi tisiindet age tugul ne oo si kogoitoi kagoochinoik ak tiseiywek: nooto anyun konyolu kotinyei agine tisiindoni kiit ne igoitoi.

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.