ROMANIK 4:11 - BUKUIT NE TILIIL Sireet ne Dutero Kanon

¹¹ kitaach kaboorunetap kamuratanet, ng'ookset ne po imandap kayaneet ne ki tinyei ye kitom kimuratan: si kobiit koek kwandap icheek tugul che kiyani, agot ye kitom kimuratan, si kobiit kiityi icheek imanda;

Bukuit Ne Tilil

¹¹ kitaach kaboorunetap kamuratanet, ng'ookset ne po imandap kayaneet ne ki tinyei ye kitom kimuratan: si kobiit koek kwandap icheek tugul che kiyani, agot ye kitom kimuratan, si kobiit kiityi icheek imanda;

BUKUIT NE TILIL

¹¹ kitaach kaborunetab kamuratanet, ng’okset ne bo imandab kayanet ne kitinyei ye kitom kimuratan: si kobiit koek kwandab ichek tugul che kiyani, agot ye kitom kimuratan, si kobiit kiityi ichek imanda;

ROMANIK 4:11 ပူးပေါင်းရင်းမြစ်များ

TAUNET 17:24

Ki po Abraham kenyiisyek tamanwogik sogool ak sogool, yooto ye ki ngeyatitoi.

TIENWOGIKAL 47:9

Kagoyumgei kirwoogigap piik koek piigap Kamuktaindet ne po Abraham, amu long'osyegap ng'wony ko po Kamuktaindet; itoroorot inee miising'.

KOMONG'U 12:13

Egu anyun korotichooto ko oile tugatugik kaboorunet eng' okweek eng' kooriikwok ole omi. Ye ageer korotiik asiirtoenok ak ma ityinok koroato konyo kong'emak ye abare emetap Misiri,

KOMONG'U 31:13

“Ng'alaalji piigap Israel ileenji, ‘Oriip sabatosyekyuk komyee. Amu niito kaboorunet eng' kwenunnyo anee ak okweek eng' ibinwekwok tugul, si kobiit onai ole aa Kamuktaindet ne Toroor ne atabaanok.

KOMONG'U 31:17

Kaboorunet niito eng' kwenunnyu ak piigap Israel ne po agoi, amu ki yai Kamuktaindet ne Toroor kipsengwet ak ng'wony eng' peetuusyek lo ak eng' peetuut ne po tisap ko ki imuuny kotalbis.

EZEKIEL 20:12

Ki agoochi icheek kogeny sabatosyekyuk ak icheek, koek kaboorunet eng' kwenunnyu, anee ak icheek, si kobiit konai kole aa Kamuktaindet ne Toroor ne atabaani icheek.

EZEKIEL 20:20

ak otabaan sabatosyekyuk; si koek kaboorunet eng' kwenunnyo, anee ak okweek, si kobiit onai ole aa Kamuktaindet ne Toroor Kamuktaindeng'wong'.

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 8:11

Amwaiwok ale tuun pwoonei che chaang' kobun kong'asiis ak cherongo, kobwa kotebi ak Abraham ak Isak ak Jakobo eng' pounatetap kipsengwet,

LUKA 19:9

Ak ki leenji Jeso, Kagonyo yetunet rani kooi, amu weeriitap Abraham agine ineendet.

JOHANA 3:33

Ineendet ne kagotaach paornatennyi ko kagonde ng'ooksennyi, kole po iman Kamuktaindet.

JOHANA 3:36

Tinyei saboondap koigeny ne iyani Weeriit; ama keerei saboondo ne ma kase iit Weeriit, ago tebee nereegegap Kamuktaindet paragunnyi.

JOHANA 6:35

Koleenji `Jeso icheek, “Aa magatyat ne po saboon: ineendet ne nyoonjino koma kasei rubeet agoi, ak ineendet ne iyana koma amei melel agoi.

JOHANA 6:40

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

JOHANA 6:47

Amwaiwok, iman, iman, ale, Ineendet ne iyani, kotinyei saboondap koigeny.

JOHANA 8:33

Kowolji icheek ineendet koleenji, “Ki kesweegap Abraham, ak tomo keegu otwogigap chii age tugul ole kinye kora. Imwaitoi ano anyun ile, ‘Kityaachok?’ ”

ROMANIK 10:11

Amu mwaei sireet kole, “Age tugul ne iyani ineendet koma kigoochin kolilaan.”

ROMANIK 10:4

Amu Kristo kagesunetap Ng'atuutyet agoi imanda eng' age tugul ne iyani.

ROMANIK 10:6

Ago mwaei imanda nooto po kayaneet ko uu ni, “Amemwa eng' muguleldang'ung' ile, ‘Ng'oo ne togostoi kipsengwet?’ (Nooto ko komut Kristo kochoorgei)

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

ROMANIK 3:26

amu kabartaetap imandanyi eng' peetuusyechuuto, si kobiit koek ineendet ne po imanda, ak koek ne iityin imanda ineendet ne tinyei kayaneet eng' Jeso.

ROMANIK 3:30

ko uu ye agenge Kamuktaindet, ak koiityin imanda eng' kayaneet che ki kimuratan, ak koiityin imanda eng' kayaneet che ma kimuratan.

ROMANIK 4:10

Ki kiityindo ano anyun? Ye kiga kimuratan anan ye kitom kimuratan? Ma eng' kamuratanet, ago ye kitom kimuratan:

ROMANIK 9:30

Kimwae nee anyun? Kimwae keele kigonor Pororyosyek imanda che ki ma kosubi imanda, nooto ko imanda ne po kayaneet:

ROMANIK 9:33

ko uu ye siraat kole, Ogeero, andoi Zion koita ne riichei piich ak rwandet ne inachi piich: Ak ne iyani ineendet koma kigoochin kolilaan.

ROMANIK 9:6

Ago ma keele kogoek puch ng'olyootap Kamuktaindet. Amu ma Yahudik icheek tugul, che po Israel:

2 KORINTOEK 1:22

ak king'oochech, ak kogoonech Kabuuset ne Tiliil eng' mugulelwekyok koek tongoaniatap tuguuk che pwoonei.

GALATYEK 3:22

Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

GALATYEK 3:29

Ak ngot oo po Kristo, ko oo kesweegap Abraham anyun che namei tuguuk ko uu eng' arorutyet.

GALATYEK 3:7

Ongen anyun ole icheeget che po kayaneet, ko weeriitap Abraham chooto.

GALATYEK 5:5

Amu kigeni kamang'unet ne po imanda eng' Kabuuset ne Tiliil eng' kayaneet.

GALATYEK 6:16

Ak ingotebee kaalyeet icheek tugul che pendoti eng' ng'atuutyoni, ak rireenetapkei, ak eng' Israel ne po Kamuktaindet.

EPESOEK 1:13

Ki ogas ak okweek eng' ineendet ng'olyootap imanit, logoiywek che myach che po yetuneng'wong' - eng' ineendet, ne kingo kaoyan, ko ki king'oochak eng' Kabuuset ne Tiliil ne po arorutyet,

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

HEBRANIK 11:7

Ki yai Noah moinget eng' kayaneet, kot kosar koonnyi, ye kingo kagiteechi agobo tuguuk che ki tomo kegeer, amu ki iywei Kamuktaindet; ki irwookyine anyun ng'wony nooto, ak ki ek ne ki nam imanda ne piitu eng' kayaneet.

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

NG'ANG'UTYET 9:4

Ki kimwachi icheek keleenji amat kong'em susweegap ng'wony, anan kiy age tugul ne tuon, anan ko keetit age tugul, ago pichooto icheegei che ma tinyei ng'ooksetap Kamuktaindet eng' togoochikwak.