ROMANIK 3:29 - BUKUIT NE TILIIL Sireet ne Dutero Kanon

²⁹ Anan Kamuktaindet ko Kamuktaindet ne po Yahudik kityo? Ama Kamuktaindet ne po Pororyosyek ak icheek? Ee, po Pororyosyek ak icheek:

Bukuit Ne Tilil

²⁹ Anan Kamuktaindet ko Kamuktaindet ne po Yahudik kityo? Ama Kamuktaindet ne po Pororyosyek ak icheek? Ee, po Pororyosyek ak icheek:

BUKUIT NE TILIL

²⁹ Anan Jehovah ko Jehovah ne bo Yahudik kityo? Ama Jehovah ne bo Bororiosiek agichek? Ee, bo Bororiosiek agichek:

ROMANIK 3:29 ပူးပေါင်းရင်းမြစ်များ

TAUNET 17:18

Koleenji `Abraham Kamuktaindet, “Kata myee kosap Ishmael eng' taing'ung'.”

TIENWOGIKAL 22:7

Rorechino tugul che keera; ak kochota eng' kutit, kolelechi metowek, koleen,

TIENWOGIKAL 67:2

si konaak oreng'ung' eng' ng'wony, ak yetuneng'ung' eng' pororyosyek tugul.

TIENWOGIKAL 72:17

Tebyei kainennyi koigeny; Tebyei kainennyi kota komi asiista: Ak kiberuuri piik eng' ineendet; Ak kuure pororyosyek tugul ne paibai.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

SEKARIA 2:11

Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MATAYO 22:32

‘Aa Kamuktaindet ne po Abraham, ne po Kamuktaindet Isak ak Kamuktaindet ne po Jakobo?’ Ineendet ko Kamuktaindet ma ne po che ki kobek, ago che saptos.”

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

POISYONIGAP CHE KIYOKTOI 10:34

Ki ng'aany anyun Petero kutinnyi, kole, “Iman ageere ale ma chamei `Kamuktaindet piik alak kosiir alak:

POISYONIGAP CHE KIYOKTOI 22:21

Ak ki leenjo ineendet, ‘Ui, amu ayooktoin iwe ole loo agoi ye mi Pororyosyek.’ ”

POISYONIGAP CHE KIYOKTOI 26:17

asaruun eng' piik, ak eng' Pororyosyek, ole tuun ayooktoin iwe,

POISYONIGAP CHE KIYOKTOI 9:15

Ago ki leenji Kiptaiyat, “Ui inyee, amu kinnyu ineendet ne aboisyee ne ki alewen, si koip kainennyu taitap Pororyosyek ak laitorinik, ak piigap Israel:

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

ROMANIK 10:12

Amu ma mi kabesyet eng' Yahudyot ak Yunanindet; amu Kiptaiyandanooto ko Kiptaiyatap tugul ak aiyeep eng' icheek tugul che kuurei ineendet.

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

GALATYEK 3:14

si kobiit konyonji Pororyosyek kaberuretap Abraham eng' Kristo Jeso; si kobiit ketaach arorutyetap Kabuuset ne Tiliil eng' kayaneet.

EPESOEK 3:6

keele, Pororyosyek ko yamdoigap nametap tuguuk, ak yamdoigap kebeberwegap poorto, ak yamdoigap arorutyet eng' Kristo Jeso eng' logoiywek che myach,

KOLOSAIK 3:11

ole ma ting'e poroindo Yunanindet ak Yahudyot, ne imuratanat ak ne ma imuratanat, punootyo, Sitiaindet, ne otwogin, ne ityagat: ago Kristo ko tugul ak eng' tugul.