ROMANIK 3:28 - BUKUIT NE TILIIL Sireet ne Dutero Kanon

²⁸ Ki iti anyun keele kiityin chii imanda eng' kayaneet ama poisyonigap ng'atuutik.

Bukuit Ne Tilil

²⁸ Ki iti anyun keele kiityin chii imanda eng' kayaneet ama poisyonigap ng'atuutik.

BUKUIT NE TILIL

²⁸ Kiiti anyun kele kiityin chi imanda eng’ kayanet ama boisionikab ng’atutik.

ROMANIK 3:28 ပူးပေါင်းရင်းမြစ်များ

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

JOHANA 6:40

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

ROMANIK 3:26

amu kabartaetap imandanyi eng' peetuusyechuuto, si kobiit koek ineendet ne po imanda, ak koek ne iityin imanda ineendet ne tinyei kayaneet eng' Jeso.

ROMANIK 4:5

Ago eng' ineendet ne ma poisyei, ago iyani ineendet ne iityin imanda chii ne ya, kiiti kayanennyi keele po imanda.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

1 KORINTOEK 6:11

Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.

GALATYEK 2:16

ago kingen keele ma kiityin chii imanda eng' poisyonigap ng'atuutik, ago eng' kayaneet eng' Jeso Kristo, ki kiyan agacheek eng' Kristo Jeso, si kobiit kiityech imanda eng' kayaneet eng' Kristo, ama eng' poisyonigap Ng'atuutyet: amu ma kiityin chii imanda eng' poisyonigap Ng'atuutyet.

GALATYEK 3:24

Ki ek anyun Ng'atuutyet kaneetindennyo ne imutyinech Kristo, si kobiit kiityech imanda eng' kayaneet.

GALATYEK 3:8

Ak kisip kogeer siruutyet kole iityin Kamuktaindet imanda Pororyosyek eng' kayaneet, kogisip koamji logoiywek che myach Abraham, koleenji, Kiberuuri pororyosyek tugul eng' inyee.

EPESOEK 2:9

ama po poisyonik, si ma iloskei chii.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

TITO 3:7

si, ye kagiityech imanda eng' myeeindonyi, keyaech keegu che namei tuguuk ko uu kamang'unetap saboondap koigeny.

JAKOBO 2:18

Ago imuuchi komwa chiito kole, “Itinye inyee kayaneet, atinye anee poisyonik.” Iboorwo kayaneng'ung' ne ma tinyei poisyonik, si aboorun poisyonikyuk eng' kayaneet.

JAKOBO 2:20

Ago imache inai, ee, inyee chiito ne ma ii kiy, ile, kayaneet ne ma tinyei poisyonik ko soon?

JAKOBO 2:24

Ogeere ole kiityin chii imanda eng' poisyonik, ma kiityin eng' kayaneet ineegei.