ROMANIK 3:27 - BUKUIT NE TILIIL Sireet ne Dutero Kanon

²⁷ Mi ano anyun kachaunetapkei? Kigegerchi saang'. Eng' ng'atuutyet ne uu nee? Ne po poisyonik? Achicha: ago eng' ng'atuutyetap kayaneet.

Bukuit Ne Tilil

²⁷ Mi ano anyun kachaunetapkei? Kigegerchi saang'. Eng' ng'atuutyet ne uu nee? Ne po poisyonik? Achicha: ago eng' ng'atuutyetap kayaneet.

BUKUIT NE TILIL

²⁷ Mi ano anyun kachaunetab ge? Kigegerji sang’. Eng’ ng’atutiet ne u nee? Ne bo boisionik? Achicha: ago eng’ ng’atutietab kayanet.

ROMANIK 3:27 ပူးပေါင်းရင်းမြစ်များ

SEPANIA 3:11

Ma tuun ililani eng' peetuunooto amu poisyoniguk tugul che ki iyaiywo eng' pistoet. Tuun aistoi komong' eng' kwenung'ung' menotik ak che itoroorigei, si ma ichaugei kogeny eng' tulweennyu ne tiliil.

MARIKO 16:16

Ineendet ne iyani ak kibatisan kesaru; ago ineendet ne ma iyani ko tuun kirwookyin.

JOHANA 3:36

Tinyei saboondap koigeny ne iyani Weeriit; ama keerei saboondo ne ma kase iit Weeriit, ago tebee nereegegap Kamuktaindet paragunnyi.

ROMANIK 10:5

Amu sirei Musa kole chii ne yaei imanda, ne punu Ng'atuutyet, kosabei eng' nooto.

ROMANIK 11:6

Ago ngot ko po myeeindo, koma ko po poisyonik: ngo ma uu nooto, ko mata koek `myeeindo myeeindo.

ROMANIK 2:17

Ago ngeguurenen Yahudyot, ak itiegei Ng'atuutyet, ak ichouge eng' Kamuktaindet,

ROMANIK 2:23

Inyee ne ichouge eng' Ng'atuutyet, ko tos iteweeri Kamuktaindet eng' pistoeng'ung' ne ibistoe Ng'atuutyet?

ROMANIK 3:19

Ak kingen keele tuguuk alak tugul che mwaei Ng'atuutyet, komwachin icheek che miitei eng' pounatetap Ng'atuutyet; si kobiit keger kutit age tugul, ak si ki mutyi ng'wony komugul kirwoogetap Kamuktaindet:

ROMANIK 3:26

amu kabartaetap imandanyi eng' peetuusyechuuto, si kobiit koek ineendet ne po imanda, ak koek ne iityin imanda ineendet ne tinyei kayaneet eng' Jeso.

ROMANIK 4:2

Amu nda kiga kiityi Abraham imanda eng' poisyonik, kotinyei ineendet ne ilasunegei; ago ma eng' taitap Kamuktaindet.

ROMANIK 7:21

Ageere anyun ng'atuutyet, ale, eng' anee, ne kata ayae ne myee, komiitei yaityet kobooto.

ROMANIK 7:23

ago ageere ng'atuutyet ne teer eng' kebeberwegap poortanyu, kobortos ak ng'atuutyetap ng'omnatennyu, koyaa aek luulenetap ng'atuutyet ne po tengekto ne miitei kebeberwegap poortanyu.

ROMANIK 7:25

Amwachini Kamuktaindet kongoi eng' Jeso Kristo Kiptaiyandennyo. Nooto anyun, aoote eng' ng'omnatennyu ng'atuutyetap Kamuktaindet, ago eng' poorto aoote ng'atuutigap tengekto.

ROMANIK 8:2

Amu kagotyacha ng'atuutyetap Kabuusetap saboon eng' Kristo Jeso amang'une ng'atuutyetap tengek ak meet.

ROMANIK 9:11

amu ye ki tomo kesich lagok, koyai kiy age tugul ne myee anan ne ya, si kobiit kotonon mageetap Kamuktaindet ko uu lewenet, ama po poisyonik, ago po ineendet ne kuursei,

ROMANIK 9:31

ago Israel, ye kingo sup ng'atuutyetap imanda, koma ityi Ng'atuutyonooto.

ROMANIK 9:32

Amu nee? Amu ki ma cheeng' eng' kayaneet, ago ko uu eng' poisyonik. Ki riich icheek koita ne riichei piich;

1 KORINTOEK 4:7

Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

GALATYEK 2:16

ago kingen keele ma kiityin chii imanda eng' poisyonigap ng'atuutik, ago eng' kayaneet eng' Jeso Kristo, ki kiyan agacheek eng' Kristo Jeso, si kobiit kiityech imanda eng' kayaneet eng' Kristo, ama eng' poisyonigap Ng'atuutyet: amu ma kiityin chii imanda eng' poisyonigap Ng'atuutyet.

GALATYEK 3:22

Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.