ROMANIK 3:25 - BUKUIT NE TILIIL Sireet ne Dutero Kanon

²⁵ ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

Bukuit Ne Tilil

²⁵ ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

BUKUIT NE TILIL

²⁵ ne kiinde Jehovah koek kaptisisio eng’ kayanet, eng’ korotikyik, si kobarta imandanyi, amu kachundaetab tengekwogik che kigisib keyai, eng’ muitaetab Jehovah;

ROMANIK 3:25 ပူးပေါင်းရင်းမြစ်များ

TIENWOGIKAL 119:142

Imandang'ung' ko imanda ne wendi agoi koigeny; ak imanda ng'atuutyeng'ung'.

TIENWOGIKAL 22:31

pwoonei kobartoi imandanyi eng' piik che tuun kisichei, keele, ineendet ne ki yai.

TIENWOGIKAL 40:10

Ki ma uny imandang'ung' eng' muguleldanyu; ki abarte imandang'ung' ak yetuneng'ung'; ki ma uny chamyeng'ung' ne tala ak imaning'ung' eng' tuiyet ne oo.

TIENWOGIKAL 50:6

Mwaitoi kipsengwet imandanyi; amu Kamuktaindet ineendet ko kirwoogindet.

TIENWOGIKAL 97:6

Iboortoi kipsengwet imandanyi, Ak ki kogeer piik tugul toroornatennyi.

TIENWOGIKAL 98:2

Kigobarta Kamuktaindet ne Toroor yetunennyi: Kigong'aany imandanyi eng' taitap pororyosyek.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ATEPTAP LAWIK 16:10

Ago kwesta ne kagobutyi parbaryat ne po Asasel, kinde taitap Kamuktaindet ne Toroor kosabei, si keyai kagaigaet agobo ineendet, si keonda kwo surkwen kobunji Asasel.

ATEPTAP LAWIK 16:15

“Yeityo koeny kwesta ne po kagoochinetap tengekto, ne po piik, ak koip korotiigap kweata koba koot ne po oriit ne ki kioiye angeet, ak koyachi korotichooto kiit ne koyachi korotiik che po kirgit, ak koisee kerwetap rireenet, ak taitap kerwetap rireenet.

JOHANA 6:47

Amwaiwok, iman, iman, ale, Ineendet ne iyani, kotinyei saboondap koigeny.

POISYONIGAP CHE KIYOKTOI 14:16

Ki pagaakyi `ineendet pororyosyek tugul eng' ibinwek che ki kosiirto kobendat eng' ortinwekwak.

POISYONIGAP CHE KIYOKTOI 15:18

Mwaei Kiptaiyat, ne yaei tuguuchu si konaak kobooch taunetap ng'wony.’

POISYONIGAP CHE KIYOKTOI 17:30

Ki ma mage kiy anyun Kamuktaindet peetuusyek che ki ma komi naet; ago kang'at anyun nguno kole kosik piik tugul eng' komosta age tugul.

POISYONIGAP CHE KIYOKTOI 2:23

Ineendet ne ki igoito Kamuktaindet eng' pegechinetap ng'olyoondennyi ak naet ne kiga kechop eng' tai, ki ogartaat okweek ineendet ak obar eng' eunegap piik che pistoe ng'atuutik.

POISYONIGAP CHE KIYOKTOI 3:18

Ago tuguuk che kiga koboor Kamuktaindet eng' tai eng' kutuswegap maotik tugul, kole tuun nyalili Kristo nenyi, ko kagoyai nooto kosulda.

POISYONIGAP CHE KIYOKTOI 4:28

si koyai kiit age tugul ne kisip kong'at eung'ung' ak ng'omnateng'ung' kole kosulda.

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

ROMANIK 3:26

amu kabartaetap imandanyi eng' peetuusyechuuto, si kobiit koek ineendet ne po imanda, ak koek ne iityin imanda ineendet ne tinyei kayaneet eng' Jeso.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 5:11

Ak ma uu nooto kityo, ago kiboiboi agacheek eng' Kamuktaindet eng' Kiptaiyandennyo Jeso Kristo, amu ki kenyooru eng' ineendet katuiyet.

ROMANIK 5:18

Nooto anyun, ko uu ye ki nyoonji piik tugul kirwooget agoi kagikyinet eng' pistoetap agenge; ko uu nooto ki nyoonji piik tugul konunet ne kigoitoi puch, agoi kaiityinetap imanda ne po saboondo eng' pistoet agenge ne po imanda.

ROMANIK 5:9

Ak ne siirei miising' anyun, ko kagiityech imanda eng' korotiikyik, kesarwech eng' nereegegap Kamuktaindet eng' ineendet.

1 KORINTOEK 5:7

Ounde mermereek che po keny, si kobiit oegu kererutyet ne leel, ko uu ye ma mi mermereek eng' okweek. Amu kigeeny agine arwennyo ne po Paska, nooto ko Kristo:

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 2:13

Ago nguno eng' Kristo Jeso okweek che ki oo looen eng' peetuusyek alak, ko kagegoonok ooriigu eng' korotiigap Kristo.

1 TIMOTEO 1:15

Po iman ng'olyoondoni, ak nyolu koyanak inne, ne mwaei kole ki nyo Kristo Jeso ng'wony kosar kiptengeginik; aa ne po tai eng' chooto;

HEBRANIK 10:4

Amu ma imugaksei eng' korotiigap kiruugik ak kwesik konem tengekwogik.

HEBRANIK 11:14

Amu icheek che mwaei tuguuk che uu chooto kobooru kole cheeng'ei emet ne nenywa.

HEBRANIK 11:17

Kingo kagetyem Abraham, kogoito Isak eng' kayaneet: ee, ki igoitoi nenyi ne ki kisich ineegei, ineendet ne kiga taach arorutik eng' poiboiyet;

HEBRANIK 11:7

Ki yai Noah moinget eng' kayaneet, kot kosar koonnyi, ye kingo kagiteechi agobo tuguuk che ki tomo kegeer, amu ki iywei Kamuktaindet; ki irwookyine anyun ng'wony nooto, ak ki ek ne ki nam imanda ne piitu eng' kayaneet.

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

HEBRANIK 9:5

ak ki mi paragunnyi kerubisyegap liilindo che ki iuuri kerwetap rireenet; tuguuk che ma kimuuchi keng'alaale nguno agenge agenge.

1 JOHANA 1:10

Ngot kemwa keele tomo keyai tengek, ko kagiyai ineendet koek kiplembechwa, ama miitei ng'olyoondennyi eng' acheek.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

1 JOHANA 4:10

Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.