ROMANIK 2:7 - BUKUIT NE TILIIL Sireet ne Dutero Kanon

⁷ igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

Bukuit Ne Tilil

⁷ igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

BUKUIT NE TILIL

⁷ igochin sobondab koigeny ichek che cheng’ei eng’ muitaet ak eng’ boisionik che miach, torornatet ak teegisto ak che ma ng’emaksei;

ROMANIK 2:7 ပူးပေါင်းရင်းမြစ်များ

Kitabuutap JOB 17:9

Agot ngo uu nooto kowendi ne po iman eng' ooreennyi, ak ineendet ne tinyei eunek che tiliileen kotesaksei kogimitu kosiir.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

TIENWOGIKAL 37:3

Imang'u Kamuktaindet ne Toroor ak iyai ne myee; meng'iisye eng' emet, ak isup imanda.

TIENWOGIKAL 37:34

Igen Kamuktaindet ne Toroor, ak isup ooreennyi, ak koeetin inam emet; ye kiwong'u kiptengeginik igeere.

EZEKIEL 18:17

ne kigoisto eunnyi si ma twa kibananiat, ne tomo kotaach kelunet ne siirtoot anan che tesatiin, ne ki koyai kirwoogutikyuk, ne ki kowendote ng'atuutikyuk; koma meei chiichooto amu ng'oogistap kwandanyi, sabei iman.

MATAYO 25:46

Ak pendi chu ole mi nyalilda ne po koigeny; ago pendi che po imanda ole mi saboondap koigeny.”

LUKA 21:19

Ak eng' muitaeng'wong' onyooru saboonwekwok.

LUKA 8:15

Ak che mi ng'ung'unyek che myach, ko icheeget, che ye kagogas ng'olyoot, konam komyee, eng' mugulelwek che po telunateet ak ko myachen, ak koiiyo logoek eng' kagiiletapkei.

JOHANA 4:36

Ineendet ne kesei kotaachei melekto, ak koyumi logoek che po saboondap koigeny; si koboiboitu tuwai ne koolei ak ne kesei.

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

ROMANIK 2:10

ago toroornatet ak teegisto ak kaalyeet eng' chii age tugul ne yaei ne myee, po Yahudyot korook ak Yunanindet agine:

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

ROMANIK 8:18

Amu aiiti ale nyalilwogik che po peetuusyechu koma nyolu kiroge toroornatet ne tuun king'ang'wech.

ROMANIK 9:23

ak si kobiit kobarta mogornatosyegap toroornatennyi eng' tereenik che po rireenetapkei che kiga sip kochopchi telunateet,

1 KORINTOEK 15:42

Ko uu nooto agine ng'eetyeetap che pegu. Ki kolei eng' ng'emisyet; king'eeti koma komi ng'emisyet:

1 KORINTOEK 15:50

Amwae ni anyun, tupchosyechu, ale ma imuuchi panyeek ak korotiik konyoor laitornatetap Kamuktaindet; amaimuuchi ne nunei konyoor ne manunei.

1 KORINTOEK 15:58

Nooto anyun, che kitupche che achame, ogimegitu, among' king'eak, oyae otese kotugul poisyetap Kiptaiyat, amu ongen ole ma po puch poisyeng'wong' ne uui eng' Kiptaiyat.

GALATYEK 6:9

Among' keng'etye ye kiyae poisyonik che myach: amu tuun kigese ko kait peetuunnyi ngo ma kitanuise.

EPESOEK 6:24

Ingotep myeeindo kobooto icheek tugul che chamei Kiptaiyandennyo Jeso Kristo eng' atepto ne ma ng'emaksei.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

2 TIMOTEO 1:10

ago kagotook nguno eng' tagunetap Yetindennyo Kristo Jeso, ne ki kobar meet, ak kong'aany saboondo ak ng'emisyet ne ma komi, eng' logoiywek che myach,

HEBRANIK 2:7

Ki iyai ineendet koming'init kitigin eng' malaikaisyek; Ilaakyini ineendet kuutweetap toroornatet ak teegisto, Ak ki inde koboi poisyonigap euneguk:

HEBRANIK 6:12

si mouuegitu, ago oyaniegei icheek che nyooru arorutik eng' kayaneet ak muitaet.

HEBRANIK 6:15

Ak uu nooto, kingo kagomuita, konyoor arorutyet.

1 JOHANA 2:25

Ak ni arorutyet ne ki iarorwech ineendet, nooto ko saboondap koigeny.