ROMANIK 2:6 - BUKUIT NE TILIIL Sireet ne Dutero Kanon

⁶ ne tuun igoochin chii tugul ko uu poisyonikyik:

Bukuit Ne Tilil

⁶ ne tuun igoochin chii tugul ko uu poisyonikyik:

BUKUIT NE TILIL

⁶ ne tun igochin chi tugul ko u boisionikyik:

ROMANIK 2:6 ပူးပေါင်းရင်းမြစ်များ

Kitabuutap JOB 34:11

Amu yaakyin chiito ko uu poisyonikyik, ak kogoochi chii age tugul konyoor ko uu ortinwekyik.

TIENWOGIKAL 62:12

Ee Kiptaiyat, neng'ung' rireenet agine; amu inyee ne iyaakyini chii tugul ko uu poisyennyi.

KOMONG'U 32:34

Ui anyun nguno, indochi piik koba kot koit ole ki amwaun. Keero, indoun malaikaiyandennyu. Agot nganda uu nooto, ko eng' peetuut ne arwookyini, arwookyini amu tengektonywa.”

KALEWANAIK 24:12

Ngot imwa ile, “Keero, ma ki nai niito!” Tos ma ibwaati niito ineendet ne keerei mugulelwek eng' karagendoet? Tos ma naei ng'olyoondoniito ineendet ne riibei saboondang'ung'? Ak tos ma igeerchin chii age tugul ko uu poisyennyi?

KALEWANAIK 24:2

amu ineetegei mugulwekwak usiisyet, ak mwaei kutusweekwak che yaacheen.

KALEWANAIK 26:10

Uu mwogindet ne iguoteni tugul, ineendet ne siirei ne perber anan che siirtoi, koboisyechi.

AMDOINDET 3:17

Ki amwa eng' muguleldanyu ale, “Tuun irwookyin `Kamuktaindet piik che po iman ak che yaach. Amu mi peetuut ne po ng'olyoot age tugul, ak ne po poisyet age tugul.”

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 32:19

ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

EZEKIEL 18:20

Meei chiito ne yaei tengekto: ma namei weeriit ng'oogistap kwandanyi, ama namei kwanda ng'oogistap weeriinnyi; tebee chiito ne po iman imandanyi, ak kotebee kiptengekyot tengektanyi.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

EZEKIEL 36:19

ak ki aseerchi icheek pororyosyek, ak ki kiyestoochi emotinwek: ki arwookyi icheek ko uu ortinwekwak ak ko uu poisyonikwak.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

ROMANIK 14:22

Kayaneet ne itinye, itepte inyegei eng' taitap Kamuktaindet. Paibai ineendet ne ma tinyei ne irwookyinegei eng' kioto kagoyanjigei ineegei.

1 KORINTOEK 3:8

Nooto anyun, ineendet ne koolei ak ineendet ne ibisi ko agenge: ago tuun nyooru age tugul melektanyi ineegei ko uu poisyennyi.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 11:15

Ma kiy ne oo anyun ngo walegei otwogikyik koigei kiboitinigap imanda; ne kagesunennywa konamegei ak poisyonikwak.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

2 TIMOTEO 4:14

Ki yaiywo ne ya miising' Aleksanda, kitong'oindet ne po sugunoik: tuun yaakyin Kiptaiyat ko uu poisyonikyik:

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 20:12

Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.