ROMANIK 2:5 - BUKUIT NE TILIIL Sireet ne Dutero Kanon

⁵ Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

Bukuit Ne Tilil

⁵ Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

BUKUIT NE TILIL

⁵ Ago eng’ uuindang’ung’ ak muguleldang’ung’ ne matinyei sigunet, igonorjinige nereknatet kobunji betutab nereknatet ak ng’ang’utietab kiruoget ne bo imanda ne bo Jehovah;

ROMANIK 2:5 ပူးပေါင်းရင်းမြစ်များ

2 ATEPTAP PEETUUSYEK 30:8

Amoegu anyun che uui kaat, ko uu ye ki uu kwanisyekwok; ago ogoochigei Kamuktaindet ne Toroor, ak obe oldanyi ole-tiliil, ne ki kotabaan kobunji koigeny. Oboisyechi Kamuktaindet ne Toroor Kamuktaindeng'wong', si koistoenogei nereegekyik che koroomen.

2 ATEPTAP PEETUUSYEK 36:13

Ak ki ingelelji kogeny Laitoryat Nebukadnezar, ne ki kabirchi koyasyo eng' Kamuktaindet: ago ki iuit kaatinnyi ak muguleldanyi, ma weekyigei Kamuktaindet ne Toroor, Kamuktaindetap Israel.

Kitabuutap JOB 21:30

Ole, ki kigonorchi chiito ne ya peetuutap pichiindo? Ole, kimuti eng' peetuutap nereegek?

TIENWOGIKAL 110:5

Mi Kiptaiyat eung'ung' ne po tai; tuun tyechatyechi laitorinik eng' peetuutap nereegekyik.

TIENWOGIKAL 95:8

Amat ouiit mugulelwekwok, ko uu eng' Meribah, Ko uu eng' peetuutap Massah eng' surkwen:

KOMONG'U 14:17

Auuiiti aneendet mugulelwegap Misiriik, si koosup icheek ak anyoorunee teegisto Pharaoh, lugeennyi tugul, kariisyekyik ak piikyik che ketei paraisisyek.

KOMONG'U 32:34

Ui anyun nguno, indochi piik koba kot koit ole ki amwaun. Keero, indoun malaikaiyandennyu. Agot nganda uu nooto, ko eng' peetuut ne arwookyini, arwookyini amu tengektonywa.”

KOMONG'U 8:15

Ago kingo keer Pharaoh kole ma komi mororochik, kouiit muguleldanyi ineendet, ak ki ma kas icheek, ko uu ye kiga komwa Kamuktaindet ne Toroor.

KALEWANAIK 1:18

Ribistos chuuto kotumdoi korotiikwak, unyegei kosapchin saboonwekwak.

KALEWANAIK 11:4

Ma tilei kiy mogornatosyek eng' peetuutap nereegek, ago saruunisyei imanda eng' meet.

KALEWANAIK 28:14

Paibai chiito ne iyweisyei kotugul; ago ibutyin yaityet ineendet ne iuuiiti muguleldanyi.

KALEWANAIK 29:1

Ineendet ne iuuiiti kaatinnyi, ko kageger kong' konyil che chaang', ko yaitu eng' chokyinet, ama mi kiy ne kinyae.

AMDOINDET 12:14

Amu ipchin Kamuktaindet poisyet age tugul kapkirwooget, kobooto kiit age tugul ne ung'aat, ngo kiy ne myee anan ngo ne ya.

ISAIAH 48:4

Amu ki anai ale uin met, po karnet kaating'ung', po sugunwet togeng'ung';

JEREMIA 40:3

ak kagoip yaityonooto konyo, ak koyai ko uu ye ki mwa; amu ki oyachi Kamuktaindet ne Toroor tengekto, ama ogas iit kutinnyi, kagonyonjok anyun kiito.

EZEKIEL 11:19

Ak agoochi icheek muguleldo agenge, ak ande icheek sabeet ne leel; ak aiste muguleldap koita eng' poorwekwak, ak agoochi icheek muguleldo ne po panyeek:

EZEKIEL 3:7

Ago ma kasin kootap Israel; amu ma machei icheek kogasa; amu uueen metowo ago uueen mugulelwok koot tugul ne po Israel.

HOSEA 13:12

Ratat yaityetap Ephraim, konorat tengektanyi.

AMOS 3:10

Mwaei Kamuktaindet ne Toroor kole, ma ingen icheek koyai ne myee, che konori koroomnateet ak rebisyet eng' kooriikwak che po laitoryat.

ROMANIK 1:18

Ki keng'aany nereegegap Kamuktaindet kobun kipsengwet agobo pistoet tugul ak yaityet tugul ne po piik, che kirindoi imanit eng' yaityet;

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

ROMANIK 9:22

Tos nee anyun, ngo machei Kamuktaindet kobarta nereeknatennyi, ak kong'aany kimnateennyi, komuita eng' talasyet ne oo agobo tereenik che po nereegek che nyoljin ng'emisyet:

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

NG'ATUTIK 2:30

“Ago ki ma chamwech Sihon laitoryatap Hesbon kebun oldanyi, amu ki iuit muguleldonyi `Kamuktaindet ne Toroor Kamuktaindeng'ung', kot koma chamdagei si kondeun ineendet eung'ung' ko uu rani.

NG'ATUTIK 32:34

“Tos ma konorotiin eng' oldanyu chuuto, Ki king'ooch kobooto konoraikyuk?

2 THESSALONIKEK 1:5

niito kaboorunet ne tagunoot ne po kirwoogetap imanda ne po Kamuktaindet; si kobiit kiitok keele onyolu eng' laitornatetap Kamuktaindet, ne onyoorunee agine nyalilda:

HEBRANIK 3:13

ago oteechigei peetuut age tugul, eng' ye ta kemwaei keele rani; si ma kiuit chii age tugul eng' okweek amu kenisyetap tengekto:

HEBRANIK 3:15

ye ta kemwaei keele, Ngot ogas kutinnyi rani, Ko matouiit mugulelwekwok, ko uu eng' kaiimset.

HEBRANIK 4:7

kamwa kogeny agobo peetuut age, komwaei eng' Daudi, ko kagobata peetuusyek alak, kole, “Rani,” ko uu ye kisip kemwa keele, “Ngot ogas kutinnyi rani ko mat ouiit mugulelwekwok.”

JAKOBO 5:3

Kagong'emogis thahabusyekwok ak fedhaisyekwok; ak tuun egu ng'emisyennywa paornateet eng' okweek, ak tuun amei poorwekwok ko uu maat. Kaogonorchigei mogornateet eng' peetuusyek che po let.

JOSHUA 11:20

Ki ng'olyootap Kamuktaindet ne Toroor ne ki iuit mugulelwekwak si kobargei ak Israel eng' lugeet, si kong'em icheek kogees, ak ma kiriree icheek, ago si kobiit kong'em icheek kogees ko uu ye ki kang'at `Kamuktaindet ne Toroor Musa.

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.

2 PETERO 3:7

ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.

JUDA 1:6

Ak ki inde malaikaisyek che ki ma riip pounatennywa, ago ki pagaakta meng'ooteet ne ki nenywa, ki inde kotebee ratisyosyek che po koigeny eng' mesundeito kot koit kirwooget eng' Peetuut ne oo.

NG'ANG'UTYET 2:21

Ki agoochi ineendet poroindo ale si kosik; ago ma chamei kosik eng' soksennyi.

NG'ANG'UTYET 6:17

amu kagoit peetuut ne po nereegekwak; ak ng'oo ne imuuchi kotonon?”

1 SAMUEL 6:6

Amu nee anyun si ouiit mugulelwekwok ko uu ye ki iuit Misiriik ak Pharaoh mugulelwekwak? Kingo kagoyai tuguuk eng' kwong'eet eng' kwenunnywa, ko tos ma chamji pichooto koba, ak ki pa?