ROMANIK 2:4 - BUKUIT NE TILIIL Sireet ne Dutero Kanon

⁴ Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

Bukuit Ne Tilil

⁴ Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

BUKUIT NE TILIL

⁴ Anan isase magornatosiek che bo mieindanyi ak muitaennyi ak talasiennyi ama inai ile imutyinin sigunet mieindab Jehovah?

ROMANIK 2:4 ပူးပေါင်းရင်းမြစ်များ

TIENWOGIKAL 10:11

Leen eng' muguleldanyi, “Ko koutye Kamuktaindet; unyei togeennyi, ma keerei agoi.”

TIENWOGIKAL 104:24

Ee Kamuktaindet ne Toroor, chaang' ne tya poisyoniguk! Ki iyai tugul eng' utaatyet; nyiitaat ng'wony mogornatosyeguk.

TIENWOGIKAL 31:19

Ee, oo ne tya myeeindong'ung', ne ki igonorchi icheek che iywein! Ne ki iyachi icheek che imang'un eng' taitap weeriigap piik!

TIENWOGIKAL 78:38

Ago kinyochi kaat tengektonywa amu ki nyiitaat ineendet rireenetapkei, ak ki ma par icheek: Ee, kiweekta nereegekyik konyil che chaang', Ama ing'eet nereegekyik tugul.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

KOMONG'U 34:6

Ki pun Kamuktaindet ne Toroor tainnyi ak komwaita kole, “Kamuktaindet ne Toroor, Kamuktaindet ne Toroor, Kamuktaindet ne nyiitaat rireenet ak myeeindo, ma sip konereechi ak nyiitaat talasyet ak imanit,

AMDOINDET 8:11

Amu ma sip kirwookyin poisyet ne ya, konyooru anyun mugulelwegap piik mageet koyai yaityet.

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

JEREMIA 7:10

yeityo obwa otonone tainnyu eng' koi, ne kimwaitoe kainennyu ak ole, “Kagesarwech,” si kobiit oyai tuguuchuuto tugul kiwechei?

EZEKIEL 11:19

Ak agoochi icheek muguleldo agenge, ak ande icheek sabeet ne leel; ak aiste muguleldap koita eng' poorwekwak, ak agoochi icheek muguleldo ne po panyeek:

EZEKIEL 16:63

si kobiit ibwaat, ak itoptoben, ametwegu kogeny, amu kalilaneng'ung'; ye kanyoun kaat tuguuk tugul che ki iyai, mwaei Kiptaiyat Kamuktaindet ne Toroor.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

KAITOSYEK 14:18

‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

ROMANIK 10:12

Amu ma mi kabesyet eng' Yahudyot ak Yunanindet; amu Kiptaiyandanooto ko Kiptaiyatap tugul ak aiyeep eng' icheek tugul che kuurei ineendet.

ROMANIK 11:22

Keer anyuno myeeindo ak koroomnatetap Kamuktaindet: eng' icheek che kibutyo, ko koroomnateet; ago eng' inyee, ko myeeindap Kamuktaindet, ngitebi eng' myeeindonyi: ngo ma uu nooto ketilin aginye.

ROMANIK 11:33

Ee tyanitu anyun ooindo ne po mogornatosyegap utaatyet ak naetap Kamuktaindet! Ak kirwoogutikyik che ma isiagaksei, ak ortinwekyik che ma cheeng'oksei!

ROMANIK 3:25

ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

ROMANIK 6:1

Kimwae nee anyun? Ki testai ketebi eng' tengek, si kobiit kotesak myeeindo?

ROMANIK 6:15

Nee anyun, ki yai tengek, amu ma kemi eng' Ng'atuutik, ago eng' myeeindo? Achicha, ma uu nooto.

2 KORINTOEK 8:2

ale ye ki ngetyem icheek eng' nyalilda ne oo, ko kitesak poiboindanywa ne siirtoot ak panandanywa ne oo kot kotesyi icheek mogornateetap aiyebindonywa.

EPESOEK 1:18

ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 2:4

ago Kamuktaindet, ne mogoryot eng' rireenetapkei, eng' chamyennyi ne oo ne ki chamenech,

EPESOEK 2:7

si kobiit kobarta eng' kenyiisyek che pwoonei mogornatosyek che siirtoot che po myeeindonyi eng' talasyet ne tokyineigei eng' Kristo Jeso:

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

PILIPIK 4:19

Ago inyiitwok Kamuktaindet nenyu kiit age tugul ne obononi ko uu mogornatosyekyik eng' toroornatet eng' Kristo Jeso.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

1 TIMOTEO 1:16

ago ki anyooru rireenetapkei amu ng'olyoondoni, si kobiit kobarta Jeso Kristo muitaennyi tugul eng' anee, ne aa ne po tai, koek kaboorunet eng' icheek che tuun iyani ineendet agoi saboondap koigeny.

1 TIMOTEO 6:17

Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;

1 PETERO 3:20

che ki ma kogase iit eng' tai, ye kiganyei muitaetap Kamuktaindet eng' peetuusyegap Noah, ye ki ngeyaei moinget, ne ki kisaruunee che ng'ering' eng' peek, chooto ko ki piik sisiit:

2 PETERO 1:11

Amu ki koonok ko uu nooto eng' chaang'indo ochut laitornatetap koigeny ne po Kiptaiyandennyo ak ko Yetindet Jeso Kristo.

2 PETERO 3:15

Ak oiit ole muitaetap Kiptaiyandennyo ko yetunet; ko uu ye kisirwak agine Paulo, tupchennyo ne kechame, ko uu utaatyet ne ki kigoochi;

2 PETERO 3:3

korook, ongen ole tuun pwoonei chombilik ak chombilisyet eng' peetuusyek che po let, che isubi maguutikwak,

2 PETERO 3:9

Ma igaegei Kiptaiyat eng' arorutyennyi, ko uu ye iiti alak kagaetapkei; ago muitoi agobo okweek, ma machei kolus chii age tugul, ago machei kobwonji tugul siguunet.

NG'ANG'UTYET 2:21

Ki agoochi ineendet poroindo ale si kosik; ago ma chamei kosik eng' soksennyi.

NG'ANG'UTYET 3:20

Keero, atononi eng' kurgeet ak agongonyi; ngo kas chii kutinnyu ak koyaat kurgeet, awendi ole mi ineendet ak aamisye kobooto ineendet, ak koamis ineendet kobooto.