ROMANIK 2:29 - BUKUIT NE TILIIL Sireet ne Dutero Kanon

²⁹ ago Yahudyot ineendet ne Yahudyot eng' oriit; ak kamuratanet ko nooto po muguleldo, eng' saboondo, ma eng' sireet; ne kalasunennyi koma po piik, ago po Kamuktaindet.

Bukuit Ne Tilil

²⁹ ago Yahudyot ineendet ne Yahudyot eng' oriit; ak kamuratanet ko nooto po muguleldo, eng' saboondo, ma eng' sireet; ne kalasunennyi koma po piik, ago po Kamuktaindet.

BUKUIT NE TILIL

²⁹ ago Yahudiot inendet ne Yahudiot eng’ orit; ak kamuratanet ko noto bo muguleldo, eng’ tamirmiriet, ma eng’ siret; ne kalosunennyi ko ma bo bik, ago bo Jehovah.

ROMANIK 2:29 ပူးပေါင်းရင်းမြစ်များ

1 ATEPTAP PEETUUSYEK 29:17

Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

TIENWOGIKAL 45:13

Tinyei cheptap laitoryat teegisto miising' eng' ko; ki kinapchi ngoroikyik thahabu.

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

JEREMIA 9:25

Mwaei Kamuktaindet ne Toroor kole, “Pwoonei peetuusyek, che tuun abire tugul che ki kimuratan eng' kamuratanennywa ne ma kamuratanet, chooto abire ko:

LUKA 11:39

Koleenji `Kiptaiyat, Okweek Pharisaik, ouni parak kigombet ak sanit; ago nyiitaat oriing'wong' rebisyet ak yaityet.

LUKA 17:21

ama kimwaei keele, Ogeero, mi oli! Anan mi oliin! Amu, ogeero, mi laitornatetap Kamuktaindet kwenung'wong'.”

JOHANA 12:43

amu ki chamei kalasunetap piik kosiir kalasunetap Kamuktaindet.

JOHANA 4:23

Ago nyoonei sait, ak kagoit nguno, ye saaei Kwanda saaik che po iman eng' Kabuuset ne Tiliil ak imanit: amu cheeng'oti Kwanda che uu chooto koek che saaei ineendet.

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 2:27

Ak tos ma tuun irwogun ineendet ne ma kimuratan eng' atebeennyi, ngot koyai Ng'atuutyet kosulda, inyeendet ne ii putindetap Ng'atuutyet ak itinye ng'atuutik che siraatiin ak kamuratanet?

ROMANIK 3:1

Tinyei porot nee anyun Yahudyot? Anan nee toreteet ne po kamuratanet?

ROMANIK 7:6

Ago nguno, ko ki kityaachech eng' Ng'atuutyet, ko kagebekyi nooto ne kiga ratech; si kobiit keotisye eng' leelindap Kabuuset ne Tiliil, ma eng' osindap ng'atuutik che siraatiin.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

1 KORINTOEK 7:19

Ma kiy kamuratanet, ak ngo ma kimuratan koma kiy; ago keriip ng'atuutigap Kamuktaindet.

2 KORINTOEK 10:18

Amu ma ineendet ne ilasugei ne kiyani, ago ineendet ne ilasu Kiptaiyat.

2 KORINTOEK 3:6

ne kiyaech keegu che yamei, kiboitiinik che po arorutyet ne leel; ma che po ng'atuutyet, ago po Kabuuset ne Tiliil; amu parisyei ng'atuutyet, ago Kabuuset ne Tiliil ne igoitoi saboondo.

NG'ATUTIK 10:16

Omuratan mugulelwekwok anyun, amoegu piich che uueen metowoi.

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

1 THESSALONIKEK 2:4

ago ko uu ye ki koyanwech Kamuktaindet keegu che tononjin logoiywek che myach, keng'alaali ko uu nooto; ma ko uu che iboiboiti piik, ago Kamuktaindet ne tyemei mugulelwekyok.

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”