ROMANIK 2:28 - BUKUIT NE TILIIL Sireet ne Dutero Kanon

²⁸ Amu ma Yahudyot ineendet ne Yahudyot eng' poorto parak, ama kamuratanet nooto po poorto parak;

Bukuit Ne Tilil

²⁸ Amu ma Yahudyot ineendet ne Yahudyot eng' poorto parak, ama kamuratanet nooto po poorto parak;

BUKUIT NE TILIL

²⁸ Amu ma Yahudiot inendet ne Yahudiot eng’ borto barak, ama kamuratanet noto bo borto barak:

ROMANIK 2:28 ပူးပေါင်းရင်းမြစ်များ

TIENWOGIKAL 73:1

Iman, myee Kamuktaindet eng' Israel, eng' icheeget che tiliileen mugulelwek.

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

JEREMIA 9:25

Mwaei Kamuktaindet ne Toroor kole, “Pwoonei peetuusyek, che tuun abire tugul che ki kimuratan eng' kamuratanennywa ne ma kamuratanet, chooto abire ko:

JEREMIA 9:26

Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

MATAYO 3:9

Amat obwaat ole, ‘Ki tinyei kwandanyo Abraham,’ amu amwaiwok ale, imuuchi Kamuktaindet kong'eetyi Abraham lagok eng' koichu.

JOHANA 1:47

Kingo keer `Jeso Nathanael konyonei ole mi ineendet, ak komwa agobo ineendet kole, “Ogeero, Yahudyot iman, ne ma tinyei ng'aalseet!”

ROMANIK 2:17

Ago ngeguurenen Yahudyot, ak itiegei Ng'atuutyet, ak ichouge eng' Kamuktaindet,

GALATYEK 6:15

Amu ma kiy kamuratanet, anan ngo ma kimuratan, ago yautyet ne leel.

EPESOEK 2:11

Nooto anyun obwaat, ole okweek, che ki oo Pororyosyek eng' poorto atkinye, che kigurenok “che Ma Kimuratan” eng' icheek che kiguure “kamuratanet”, nooto kamuratanet eng' poorto ne ki kiyae eunek;

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;

NG'ANG'UTYET 2:9

“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.