ROMANIK 2:22 - BUKUIT NE TILIIL Sireet ne Dutero Kanon

²² Inyee ne imwae ile amat oipkei, ko tos iyae inyee? Inyee ne iweche kanamonik, ko tos irebe che mi kooriigap kanamonik?

Bukuit Ne Tilil

²² Inyee ne imwae ile amat oipkei, ko tos iyae inyee? Inyee ne iweche kanamonik, ko tos irebe che mi kooriigap kanamonik?

BUKUIT NE TILIL

²² Inye ne imwae ile amat oipgei, ko tos iyae inye? Inye ne iweche kanamonik, ko tos irebe che mi gorikab kanamonik?

ROMANIK 2:22 ပူးပေါင်းရင်းမြစ်များ

TIENWOGIKAL 50:17

Amu inyee ne iweche atep ne myee, ak ituktochini patai ng'aleekyuk.

JEREMIA 5:7

Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

JEREMIA 9:2

Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

EZEKIEL 22:11

Ak ki koyai age kiit ne kiwechei kobooto osotyotap chiitap kokwennyi, koyai age yaityet kong'wanit osotyotap weeriinnyi; ak kigosuup age chepkamet, cheptap kwandanyi, eng' inyee.

MALAKI 1:14

Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

MALAKI 1:8

Ye ogoitoi che koryotiin koek tiseiywek, ko tos ma yaityet nooto? Ak ye ogoitoi che ing'waldos ak che myandos, ko tos ma yaityet nooto? Ye igoochi anyun nooto pounindeng'ung' ko tos paibaitunenen? Anan tos taachin ye keerin? Mwaei Kamuktaindet ne Toroor ne po lugoosyek.

MALAKI 3:8

Tos chorei chii Kamuktaindet? Ago ochoora. Ago oteebe ole, “Ki kichoorten ano?” Ki ochor kebeberwegap taman ak kagoochinoik.

MATAYO 12:39

Ki wolji kole, “Ibinda ne ya ak ne po ibeetapkei kocheeng'ei kabooruno! Ago ma kigoochin kabooruno kobatee kaboorunetap maotyot Jona.

MATAYO 16:4

Cheeng'ei kaboorunet ibinda ne ya, ak ne po ibeetapkei, ago ma kiboorchin kaboorunet kobatee kaboorunetap Jona.” Ki pagaakta icheek ak kwo kowechigei.

MARIKO 11:17

Ak ki ineet icheek koleenji, “Siraat keele, ‘Koonnyu ko kootap saaet ne po pororyosyek tugul!’ Ago kaoyai okweek koek kebeneetap rebiik.”

POISYONIGAP CHE KIYOKTOI 19:37

Amu kaomutu pichu, che ma reenyei hekalutap kamuktaindet ama chubei kamuktaindennyo ne kobogoryo.

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.