ROMANIK 2:11 - BUKUIT NE TILIIL Sireet ne Dutero Kanon

¹¹ amu ma tiytiy `Kamuktaindet piik.

Bukuit Ne Tilil

¹¹ amu ma tiytiy `Kamuktaindet piik.

BUKUIT NE TILIL

¹¹ amu matiytii Jehovah bik.

ROMANIK 2:11 ပူးပေါင်းရင်းမြစ်များ

2 ATEPTAP PEETUUSYEK 19:7

Ingotebenok anyun kaiyweisyet ne oiywei Kamuktaindet ne Toroor, oriip ak oyai, amu ma mi tengekto eng' Kamuktaindet ne Toroor, Kamuktaindennyo anan ko tiytiyetap piik, ama taachei konunoik che kigoigoisye.”

Kitabuutap JOB 34:19

Kotam nee anyun eng' ineendet ne ma konyiti pounik, ne ma keerei mogoreek kosiir kibananook? Amu poisyonigap eunekyik icheek tugul.

MATAYO 22:16

Ki iyookto kasubikwak kobooto che po Herodik koba ole mi ineendet, koleenji, “Kaneetindoni, kingen keele ii po iman, ak ineeti ooreetap Kamuktaindet eng' iman, ameiti chii tugul; amu megeere togoochigap piik.

LUKA 20:21

Ak kiteebe ineendet kole, “Kaneetindoni, kingen keele imwae ak ineetisyei eng' iman, ago metiytiy chii, ak ineeti iman ooreetap Kamuktaindet:

POISYONIGAP CHE KIYOKTOI 10:34

Ki ng'aany anyun Petero kutinnyi, kole, “Iman ageere ale ma chamei `Kamuktaindet piik alak kosiir alak:

ROMANIK 9:14

Kimwae nee anyun? Mi ne ma po imanda eng' Kamuktaindet? Achicha, ma uu nooto.

GALATYEK 2:6

Ago icheeget che ki kiiti keele taagunotiin (ngo uu ole teptoi icheek, koma kiy eng' anee: ma tiytiy Kamuktaindet chii) - amwae ale, ma teswa kiy icheeget cho taagunotiin.

EPESOEK 6:9

Ak okweek kiptainichu, oyachi icheek ak okweek ko uu nooto, amorasyini: ongen ole mi kipsengwet Kiptaiyannywa ak ko neng'wong', ama mi eng' ineendet tiytiyet ne po piik.

NG'ATUTIK 10:17

Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

NG'ATUTIK 16:19

Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

KOLOSAIK 3:25

Amu ineendet ne yaei ne ya, ko tuun taachei agine ne po yaityonooto ki yai: ama mi tiytiyet.

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek: