ROMANIK 2:10 - BUKUIT NE TILIIL Sireet ne Dutero Kanon

¹⁰ ago toroornatet ak teegisto ak kaalyeet eng' chii age tugul ne yaei ne myee, po Yahudyot korook ak Yunanindet agine:

Bukuit Ne Tilil

¹⁰ ago toroornatet ak teegisto ak kaalyeet eng' chii age tugul ne yaei ne myee, po Yahudyot korook ak Yunanindet agine:

BUKUIT NE TILIL

¹⁰ ago torornatet ak teegisto ak kalyet eng’ chi age tugul ne yaei ne mie, bo Yahudiot korok ak Yunanindet agine:

ROMANIK 2:10 ပူးပေါင်းရင်းမြစ်များ

Kitabuutap JOB 22:21

Onaiye anyun ak ineendet ak itebee kaalyeet: Si konyonjin kiit ne myee.

TIENWOGIKAL 15:2

Ineendet ne wendoti eng' lititindo ak koyaei imanda, ak komwaei imanit eng' muguleldanyi;

TIENWOGIKAL 29:11

Igoochin `Kamuktaindet ne Toroor piikyik kimnateet! Ingoberuuri `Kamuktaindet ne Toroor piikyik eng' kaalyeet!

TIENWOGIKAL 37:37

Riip chiito ne ititaat, ak igeer chiito ne po iman; amu kagesunetap chiichooto ko kaalyeet.

KALEWANAIK 11:18

Nyooru kiptengekyot melektap ng'aalseet, ago ineendet ne koolei imanda kotinyei melekto ne po iman.

KALEWANAIK 8:18

Atinye mogornatosyek ak teegisto, mogornatosyek che tebyei ak imanda.

ISAIAH 26:12

Inyee Kamuktaindet ne Toroor ne ing'atwech kaalyeet amu inyee ne ki iyaiywech kogeny poisyonikyok tugul.

ISAIAH 32:17

Ak koek poisyetap imanda kaalyeet; ak kobiitune imanda kamuung'et ak kamang'unet koigeny.

ISAIAH 48:18

Kita myee nda kigegas ng'atuutikyuk! Kita igeitu kalyeng'ung' aineet, ak koigei imandang'ung' peegap nyanjet che mildogei:

ISAIAH 48:22

Mwaei Kamuktaindet ne Toroor kole, ma mi kaalyeet eng' kiptengeginik.

ISAIAH 55:12

Amu tuun omandoi eng' poiboiyet, ak kindoiywok eng' kaalyeet: tyendos eng' taing'wong' tuloonook ak tuloonook che mengeechen, ak koraprap eunekwak keetiik tugul che po timiin.

ISAIAH 57:19

Ayae logoegap kutusweek: Kaalyeet, kaalyeet eng' ineendet ne mi ole loo ak ineendet ne mi ole neegit ak asoop icheek.

JEREMIA 33:6

Ogeero, anyaai ak asoobi, ak asoobi icheek; ak ang'aang'ji icheek chaang'indap kaalyeet ak imanda.

KAITOSYEK 6:26

Ingotokyin Kamuktaindet ne Toroor togeennyi ak kogoonin kaalyeet.’

MATAYO 10:13

Ak ngo nyolu koyooto, ongotebee kalyeng'wong'; ago ngo ma nyolu, ko ingoweekyogei kalyeng'wong'.

LUKA 1:79

si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

LUKA 12:37

Poiboen otwogichooto, che nyooru kiptaiyandanooto koriipsei ye nyo: amwaiwok iman ale, kermenigei ineendet ak chobei pichooto kotep ng'wony eng' ole amisye, ak kwo kobai icheek.

LUKA 19:42

koleen, Nda kengen eng' peetuuni, agot inyee, tuguuk che po kaalyeet! Ago nguno ko kagoung'ogis eng' konyeguk.

LUKA 22:14

Ak ye kingo it sait, kotep ng'wony, kobooto che kiyooktoi.

LUKA 9:48

ak ki leenji icheek, Chii age tugul ne taachei lakwani ming'in eng' kainennyu ko kataacha: ak chii age tugul ne taacha ko kataach ineendet ne ki iyookwo: amu ineendet ne ming'in eng' okweek tugul, ko nooto ne oo.

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 14:27

Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

POISYONIGAP CHE KIYOKTOI 10:35

ago taachaksei eng' ineendet chiito ne iywei ineendet ak koyaei iman eng' pororyet age tugul.

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

ROMANIK 2:9

nyalilda ak pichiindo, eng' saboondap chii age tugul ne yaei yaityo, ne po Yahudyot korook, ak ne po Yunanindet agine;

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 8:6

Amu kererwegap met che po poorto ko meet; ago kererwegap met che po Kabuuset ne Tiliil ko saboondo ak kaalyeet:

ROMANIK 9:21

Anan ma tinyei cheptereniot kimnateet eng' meneet, koyai eng' kebebertap menonooto tereet ne po teegisto, ak age ne ma po teegisto?

ROMANIK 9:23

ak si kobiit kobarta mogornatosyegap toroornatennyi eng' tereenik che po rireenetapkei che kiga sip kochopchi telunateet,

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

PILIPIK 4:7

Ak riibei kaalyeetap Kamuktaindet, ne siirei kaguiyet tugul, mugulelwekwok ak kabwaatutikwok eng' Kristo Jeso.

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

HEBRANIK 2:7

Ki iyai ineendet koming'init kitigin eng' malaikaisyek; Ilaakyini ineendet kuutweetap toroornatet ak teegisto, Ak ki inde koboi poisyonigap euneguk:

JAKOBO 2:22

Igeere ile kibois kayaneet kobooto poisyonikyik, ak ki ek kayaneet ne ititaat eng' poisyonik,

JAKOBO 3:13

Ng'oo ne utaat eng' okweek ak koguitos? Ingobarta poisyonikyik eng' atebeet ne myee eng' kaming'inetapkei ne po ng'omnateet.

1 PETERO 1:7

si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo:

1 PETERO 5:4

Ak ye tuun took Mestowot ne oo, onyooru kuutweet ne po liilindo ne ma petei.

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.