ROMANIK 14:17 - BUKUIT NE TILIIL Sireet ne Dutero Kanon

¹⁷ amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

Bukuit Ne Tilil

¹⁷ amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

BUKUIT NE TILIL

¹⁷ amu bounatetab Jehovah ko ma amisiet ak eeiset, ago imanda ak kalyet ak boiboiyet eng’ Tamirmiriet ne Tilil.

ROMANIK 14:17 ပူးပေါင်းရင်းမြစ်များ

ISAIAH 32:17

Ak koek poisyetap imanda kaalyeet; ak kobiitune imanda kamuung'et ak kamang'unet koigeny.

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 55:12

Amu tuun omandoi eng' poiboiyet, ak kindoiywok eng' kaalyeet: tyendos eng' taing'wong' tuloonook ak tuloonook che mengeechen, ak koraprap eunekwak keetiik tugul che po timiin.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

MATAYO 3:2

koleen, “Osigu, amu kagoriik pounatetap kipsengwet.”

MATAYO 6:33

Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

LUKA 14:15

Ak kingo kas tuguuchuuto chiito age ne ki mi kobooto ineendet eng' amisyet, koleenji, “Paibai ineendet ne tuun amisyei eng' pounatetap Kamuktaindet.”

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

JOHANA 3:3

Kowolji Jeso koleenji, “Amwaun, iman, iman, ale, ngot koma ki sich chii eng' sigeet ne leel, koma koi imuuch kogeer laitornatetap Kamuktaindet.”

JOHANA 3:5

Kowolji Jeso koleenji, “Amwaun, iman, iman ale, ngot koma ki sich chii eng' peek ak Kabuuset ne Tiliil, koma koi imuuch komong'ji laitornatetap Kamuktaindet.

POISYONIGAP CHE KIYOKTOI 13:52

Ak ki nyi kasubik poiboiyet ak Kabuuset ne Tiliil.

POISYONIGAP CHE KIYOKTOI 9:31

Konyoor anyun kamuung'et kaniset eng' emet komugul ne po Judea, Galilaya ak Samaria ak koteegak. Ak ye kibendoti eng' kayweetap Kiptaiyat ak eng' kagaigaet ne po Kabuuset ne Tiliil, kotesak.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 8:6

Amu kererwegap met che po poorto ko meet; ago kererwegap met che po Kabuuset ne Tiliil ko saboondo ak kaalyeet:

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 4:20

Amu laitornatetap Kamuktaindet koma eng' ng'olyoot, ago eng' kamuget.

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

1 KORINTOEK 8:8

Ago amitwogik koma kiit ne imutech keriikyi Kamuktaindet: anan ngo ma ki amisye, ko mararwech kiy; anan, ngeamisye, ko matesak kiy.

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

PILIPIK 2:1

Ngo miitei anyun kagaigaet age tugul eng' Kristo, ngo mi saisaet age tugul ne po chamyet, ngo mi yamdaet age tugul ne po Kabuuset ne Tiliil, ngo mi rireenosyek ak riirge,

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.

PILIPIK 4:7

Ak riibei kaalyeetap Kamuktaindet, ne siirei kaguiyet tugul, mugulelwekwok ak kabwaatutikwok eng' Kristo Jeso.

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

1 THESSALONIKEK 1:6

Ak ki oegu kasubikyok, ak che po Kiptaiyat, ko kaotaach ng'olyoot eng' usiisyet ne oo, kobooto poiboiyet ne po Kabuuset ne Tiliil;

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

HEBRANIK 13:9

Amatata ongobeetook kaneetisyosyek che pesyotin che teer: amu myee kolumdaak muguleldo eng' myeeindo; ma eng' amitwogik, che ki ma keljine kiy icheek che kiga pendate chooto.

1 PETERO 1:8

ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet:

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo: