ROMANIK 13:11 - BUKUIT NE TILIIL Sireet ne Dutero Kanon

¹¹ Ak anyun, ongen peetuusyek, ole kagoit sait ne kanyool ogosu eng' rwondo: amu kagorikyech nguno yetunet kosiir ye kingi yan eng' tai.

Bukuit Ne Tilil

¹¹ Ak anyun, ongen peetuusyek, ole kagoit sait ne kanyool ogosu eng' rwondo: amu kagorikyech nguno yetunet kosiir ye kingi yan eng' tai.

BUKUIT NE TILIL

¹¹ Ak anyun, ongen betusiek, ole kagoit sait ne kanyol ogosu eng’ ruondo: amu kagorikyech nguno yetunet kosiir ye kingiyan eng’ tai.

ROMANIK 13:11 ပူးပေါင်းရင်းမြစ်များ

AMDOINDET 9:10

Kiit age tugul ne iyae eng' eung'ung', iyai eng' kimnateng'ung', amu ma mi poisyet anan chobutik anan naet anan utaatyet eng' kererit ne iwendi.

JONAH 1:6

Ki wo anyun kiptaiyatap moinget ole mi ineendet ak koleenji, “Ilyon inyee chiichi irue? Ng'eet, kuur Kamuktaindeng'ung', tamangap kobwaatech Kamuktaindet si ma kibegu.”

MATAYO 16:3

ak ngo ek karon omwa ole, ‘Usei ra, amu piriir ak kotulungenot parak.’ Ongen obesye ole teptoi soet parak, ago momuuchi obesye kaboorunoigap peetuusyechu.

LUKA 21:28

Ak ye toi kosulda tuguuchuuto, ogeer parak, ak oyot metowekwok; amu kariik katyageng'wong'.

1 KORINTOEK 10:11

Ki yaak anyun tuguuchuuto eng' icheek si koek kaboorunet; ak ki kisir agobo kateunennyo, acheek che kagonyonjech kagesunetap kenyiisyek.

1 KORINTOEK 15:34

Ogosu eng' imanda, amat oyai tengek; amu ma ingen alak Kamuktaindet: amwae ni si agoonok olilan.

EPESOEK 5:14

Nooto anyun, mwaei ineendet kole, “Kosu, inyee ne irue, ak ing'eet eng' che ki kobek, ak kokwenyin Kristo.”

JAKOBO 5:8

Omuite anyun ak okweek; ogimiit mugulelwekwok: amu kagoneegitit nyonunetap Kiptaiyat.

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet:

2 PETERO 3:11

Amu tuun chotoos tuguuchuuto tugul ko uu niito, ko nyolu oegu piik che uu nee eng' atebeet ne tiliil ak kayweetap Kamuktaindet,

2 PETERO 3:9

Ma igaegei Kiptaiyat eng' arorutyennyi, ko uu ye iiti alak kagaetapkei; ago muitoi agobo okweek, ma machei kolus chii age tugul, ago machei kobwonji tugul siguunet.

1 JOHANA 2:18

Lagochu, ni sait ne po let: ak ko uu ye ki ogas keele tuun nyoonei kirindoindetap Kristo, agot nguno ko kagobiit kirindoigap Kristo che chaang'; kingen eng' nooto keele niito sait ne po let.

NG'ANG'UTYET 1:3

Paibai ineendet ne somani, ak icheek che kasei ng'aleegap maonatoni ak koriibei tuguuk che ki kisir eng' maonatoniito, amu kagoriik peetuut.

NG'ANG'UTYET 22:10

Ak ki leenjo, “Amat ing'ooch ng'aleek che po maonateetap bukuini; amu kagoriik peetuusyek.”

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.

NG'ANG'UTYET 22:20

Mwaei ineendet ne paoryanjin tuguuchu kole, “Ee anyoone achogu.” Amen. Nyoo, Kiptaiyat Jeso!