ROMANIK 12:7 - BUKUIT NE TILIIL Sireet ne Dutero Kanon

⁷ anan poisyet, ongigoochigei poisyennyo; anan ineendet ne ineetisyei, kochuljigei kaneetisyennyi;

Bukuit Ne Tilil

⁷ anan poisyet, ongigoochigei poisyennyo; anan ineendet ne ineetisyei, kochuljigei kaneetisyennyi;

BUKUIT NE TILIL

⁷ anan boisiet, ongigochige boisiennyo; anan inendet ne inetisiei, kochuljigei konetisiennyi;

ROMANIK 12:7 ပူးပေါင်းရင်းမြစ်များ

TIENWOGIKAL 34:11

Obwa lagochu, ogasa, si aneetaak kaiyweisyet ne oiywei Kamuktaindet ne Toroor.

TIENWOGIKAL 51:13

Yeityo aneet anyun pistoik ortinweguk; ak koweekyingei kiptengeginik.

AMDOINDET 12:9

Ago, amu ki utaat Amdoindet, kita koneeti piik naet; ko ki ibwaat, kocheeng' ak kotet kalewenaik che chaang'.

ISAIAH 21:8

Yeityo kowaach ineendet ko uu ng'etundo kole, “Ee Kiptaiyat, atononi kotugul eng' teekseet ne kooi ne kiriipse peet, ak kindea ole ariipsee kemousyek tugul.

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

JOHANA 3:2

ki nyo chiichooto ole mi ineendet kemoi, ak koleenji, “Rabbi, kingen keele ii kaneetindet ne punu Kamuktaindet: amu ma mi chii ne imuuchi koyai kaboorunoichu iyae inyee, ngo ma mi Kamuktaindet kobooto ineendet.”

POISYONIGAP CHE KIYOKTOI 13:1

Eng' kaniset ne ki mi Antiok ko ki mi maotik ak kaneetik: Barnaba, Simion ne ki kiguure Niger, Lukio ne po Kurene, Manaen ne ki kigui kobooto kirwoogindet Herod, ak Saulo.

POISYONIGAP CHE KIYOKTOI 20:20

ko uu ye ki ma ariiny amwaiwok kiy age tugul ne imuuchi kotoretook, ak aneetaak eng' taitap piik, ak ang'eete koot age agoi koot age,

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

POISYONIGAP CHE KIYOKTOI 6:1

Eng' peetuusyechooto anyun, ye kitesaksei koitetap kasubik, kong'eet kang'unyng'unyet eng' Yahudik che ki kutinnywa ko Yunanik, kong'unyng'ung'ji Yahudik, amu ki kinyasta mosoogikwak eng' tuguuk che ki cham kigoochin kotugul.

1 KORINTOEK 12:28

Ak kigonde Kamuktaindet alak eng' kaniset, che po tai ko che kiyooktoi, che po aeng' ko maotik, che po somok ko kaneetik, yeityo ko kwang'utik, yeityo ko konunoigap kasaabet, toretosyek, kandoinatosyek, ak kutusweek che teerchiin.

1 KORINTOEK 12:5

Ak miitei riipsosyek che pesyotin, ago agenge Kiptaiyat.

1 KORINTOEK 14:26

Nee anyun, che kitupche? Ye oyumgei, kotinyei age tugul tyendap kalasunet, ak kaneetisyet, ak ng'ang'utyet, ak kutit ne ma kigasei, ak kaweegetap ng'aleek. Ingoyaogis tuguuk tugul koteegogis.

GALATYEK 6:6

Ago ingoyamda tuguuk tugul che myachen ineendet ne kineeti ng'olyoot, ak ineendet ne ineetisyei.

EPESOEK 4:11

Ak ki igoochi alak koek che kiyooktoi: ak alak, maotik; ak alak, che mwaitooti logoiywek che myach; ak alak, mestoweek ak ko kaneetik;

NG'ATUTIK 33:10

Ineeti Jakobo kirwoogutiguk, Ak koneeti Israel ng'atuutyeng'ung': Indoi taing'ung' nyamdutik che kibeelei, Ak konde kagoochinet ne kibeelei komugul kaptisisyeng'ung'.

KOLOSAIK 4:17

Ak omwachi Arkipo oleenji, Riip poisyet ne kiitaach eng' Kiptaiyat, si kobiit iyai kosulda.

1 TIMOTEO 2:7

ki kindea anyun agobo nooto aek amdoindet ak kayooktoindet (amwae imanit, ma mwaei lembech), kaneetindetap Pororyosyek eng' kayaneet ak imanit.

1 TIMOTEO 3:2

Kanyolji anyun riibindet koek ne ma kigeerchin ng'olyoo ne ma litit, manong'otyotap osotyot agenge, ne riibegei, ne litit ng'omnateet, ne tebyei komyee, ne taachei toek, ne chepchep koneetis;

1 TIMOTEO 4:16

Riipkei, ak iriip kaneetisyeng'ung'. Teptee tuguuchuuto; amu ngiyae niito isaruge kobooto icheeget che kasin.

1 TIMOTEO 5:17

Ingiityi poisyek che pou komyee, teegisto konyil aeng', ne siirei ko icheek che yaei poisyet ne nyigiis ne po ng'olyoot ak kaneetisyet.

2 TIMOTEO 2:2

Ak tuguuk che ki igasena eng' kwenutap paorinik che chaang', igoochi chooto piik che kiyani, che imuuchi koneet alak ak icheek.

2 TIMOTEO 2:24

Ama nyoljin otwogindetap Kiptaiyat koyai pooryeet, ago koek ne tala eng' tugul, ne chepchep koneetis, ago muitoi,

2 TIMOTEO 4:2

amde ng'olyoot; choboge eng' peetuut ne nyolu, ak eng' peetuut ne ma nyolu; itigon, kergong', igiil, eng' muitaet tugul ak kaneetisyet.

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.