ROMANIK 12:2 - BUKUIT NE TILIIL Sireet ne Dutero Kanon

² Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.

Bukuit Ne Tilil

² Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.

BUKUIT NE TILIL

² Amoyaniege ateptab betusiechu: ago ingewalak eng’ kaleelitetab kabwatutikwok, si kobiit onai komie maget ne mie, ne tachaksei ak kogesunotgei, ne bo Jehovah.

ROMANIK 12:2 ပူးပေါင်းရင်းမြစ်များ

EZRAH 10:11

Ong'aang'ji anyun Kamuktaindet ne Toroor, Kamuktaindetap kwanisyekwok ak oyai kiit ne chamei. Otabaanegei piigap emet ak kwonyiik che toek.”

TIENWOGIKAL 119:103

Anyinyen ne tya ng'aleeguk ye achamchami; anyinyen kosiir kumyat eng' kutinnyu!

TIENWOGIKAL 119:128

Eng' nooto anyun aiiti ale lititen kaneetisyosyeguk tugul agobo tuguuk tugul; ak aweche ooreet age tugul ne po lembech.

TIENWOGIKAL 119:174

Ki koama emosto agobo yetuneng'ung', ee Kamuktaindet ne Toroor; ak poiboindanyu ng'atuutyeng'ung'.

TIENWOGIKAL 119:72

Kaigai eng' anee ng'atuutyetap kuting'ung' kosiir eliphusyegap thahabu ak fedha.

TIENWOGIKAL 119:97

Tya chamyet ne achame ng'atuutyeng'ung'! Nooto kabwaatennyu peetuut komugul.

TIENWOGIKAL 34:8

Ochamcham anyun si onai ole myee Kamuktaindet ne Toroor. Paibai miising' chiito ne imang'u ineendet!

TIENWOGIKAL 51:10

Yaiywo muguleldo ne tiliil, ee Kamuktaindet; ak iyai saboondanyu koleelit ak iywokyi eng' oriit.

KOMONG'U 23:2

Amesup tuiyet iwe iyai kiy ne ya. Ye ibaoryan eng' kapkirwook ko matonamgei ak tuiyet ibaoryan lembech, imaas kirwooget.

EZEKIEL 18:31

Omete pistaosyekwok tugul che ki kogoonok obistoe; ak ochopchigei muguleldo ne leel ak sabeet ne leel: amu nee si obegu, ee kootap Israel?

EZEKIEL 36:26

Agoonok kogeny muguleldo ne leel, ak andeok sabeet ne leel: ak aiste muguleldo ne uu koita eng' poorwekwok, ak agoonok muguleldo ne po panyeek.

MATAYO 13:22

Nooto ne ki kilechi ole mi katook, ko ineendet ne kasei ng'olyoot ak kogiich kererwegap met che po ng'wony, ak kaberberisyet ne po mogornateet, si mai.

MARIKO 4:19

ak ye kait kaimutigap ng'wony, ak kaberberisyetap mogornateet, ak magutigap tuguuk alak, kogiich ng'olyoot si ma sich logoek.

JOHANA 14:30

Ma ng'alaalwok miising', amu nyoonei ne oo ne po ng'wony: ama tinyei kiy eng' anee;

JOHANA 15:19

Nda oo po ng'wony, ta chamei ng'wony chechiik: ago amu mo po ng'wony, ago ki alewenok eng' ng'wony, kowechok ng'wony anyun amu nooto.

JOHANA 17:14

Ki agoochi ng'olyoondeng'ung'; ak kawech ng'wony icheek, amu ma po ng'wony, ko uu ye ma po ng'wony anee.

JOHANA 7:7

Ma imuuchi ng'wony kowechok; ago wecho anee amu abaoryani agobo ng'wony ale yaach poisyonikyik.

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

ROMANIK 13:14

Ago olach Kiptaiyat Jeso Kristo, amochopchi poorto poroindo, si oyai maguutikyik.

ROMANIK 7:12

Nooto anyun tiliil Ng'atuutyet, ak ko tiliil kayomiset, ak ko po imanda, ak ko myee.

ROMANIK 7:14

Amu kingen keele po Ng'atuutyet saboondo; ago aa chiitap poorto, ne kigealdochi tengek.

ROMANIK 7:22

Amu abaibai eng' Ng'atuutyetap Kamuktaindet eng' chiito ne po oriit:

1 KORINTOEK 3:19

Amu ng'omnateet ne po ng'wonyuni ko perberyo eng' Kamuktaindet. Amu ki kisir keele, “Ineendet ne namei che utaatiin eng' ng'aalseennywa;”

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

GALATYEK 1:4

ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

EPESOEK 1:18

ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 2:2

che ki obendote ye kinye ko uu piteetap ng'wonyuni, osubi ne oo ne po kimnateet ne po soet, ne po kimnateet ne poisyei nguno eng' weeriitap ngelelnateet;

EPESOEK 5:17

Nooto anyun amoberberitu, ago oguiye kiit ne uu mageetap Kiptaiyat.

KOLOSAIK 1:9

Amu niito anyun, koma kimete kesaa ak kesoom agobo okweek kobooch peetuut ne ki ngegas, keele konyiiak naetap magennyi eng' utaatyet tugul ak kaguiyet ne punu Kabuuset ne Tiliil,

KOLOSAIK 3:10

ak koolaach chiito ne leel, ne kiwalei koleelit agoi naet kogergeit ak itoondap ineendet ne ki yai ineendet:

KOLOSAIK 4:12

Igatok Epapra, ne age eng' okweek, otwogindetap Kristo Jeso, igiilegei kotugul agobo okweek eng' saautikyik, si kobiit otononse ko ogesunotingei, ak ongen komyee mageet tugul ne po Kamuktaindet.

1 THESSALONIKEK 4:3

Amu niito mageetap Kamuktaindet, nooto katabaaneng'wong', si kobiit oistoegei sokseet.

TITO 3:5

kosarwech, ma eng' poisyonigap imanda che ki kiyai acheeget, ago ko uu ole teptoi rireenennyi pogei, eng' kaunetap sigeet ne leel ak kaleelitetap Kabuuset ne Tiliil,

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

1 PETERO 1:14

ko uu lagok che kase iit, amoyaniegei maguutikwok che po tai eng' peetuusyek che ki po perberindang'wong':

1 PETERO 1:18

ongen ole ki kityaachak omang'une atebeeng'wong' ne po puch ne ki onyooru eng' kwanisyekwok, ma eng' tuguuk che ng'emaksei, ko uu fedha anan thahabu;

1 PETERO 2:3

ngo ki ochamcham ole Kiptaiyat ko po myeeindo:

1 PETERO 4:2

si ko mata osapche eng' poorto eng' peetuusyekwok che ng'etunotiin eng' maguutik che yaach che po piik, ago si osapche eng' mageetap Kamuktaindet.

2 PETERO 1:4

Ki kogoonech eng' chooto arorutik che myachen miising' ak ko eecheen inne; si kobiit oegu eng' chuuto yamdoigap atebeetap Kamuktaindet, ko kaochililye ng'emisyet ne mi ng'wony amu mageet ne ya.

2 PETERO 2:20

Amu ye kagochiliilye murwoonindap ng'wony eng' naet ne naei Kiptaiyat ak ko Yetindet Jeso Kristo, ko ngot kota koratkei kogeny ak tuguuchooto ak kiterteer, koyaitu atebeennywa ne po let kosiir ne po tai.

1 JOHANA 3:13

Amokwong'ye che kitupche, ngot kowechok ng'wony.

1 JOHANA 5:19

Kingen keele ki po Kamuktaindet acheek, ak miitei ng'wony komugul eng' pounatetap ineendet ne ya.

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.