ROMANIK 12:1 - BUKUIT NE TILIIL Sireet ne Dutero Kanon

¹ Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

Bukuit Ne Tilil

¹ Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

BUKUIT NE TILIL

¹ Noto anyun che kitupche, asomok mising’, eng’ rirenosiekab Jehovah ale, ogoite borwekwok koek tiseiywot ne sobei, ne tilil, ne taachaksei eng’ Jehovah, noto ko boisieng’wong’ ne nyolu.

ROMANIK 12:1 ပူးပေါင်းရင်းမြစ်များ

TIENWOGIKAL 116:12

Aweekyini nee Kamuktaindet ne Toroor amu konunoikyik tugul che koono?

TIENWOGIKAL 19:14

Ng'aleegap kutinnyu ak kabwaatutigap muguleldanyu, ko ingochamak eng' taing'ung' ee Kamuktaindet ne Toroor, rwandennyu ak ko katyagindennyu.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

JEREMIA 6:20

Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

KAITOSYEK 7:21

kirgit agenge ne neran, mengit agenge, ak mengit agenge ne ma siirei kenyiit agenge, kobunji kagoochinet ne kibeelei;

LUKA 7:47

Nooto anyun ne kamwaun ale, kagenyochi kaat tengekwogikyik, che ka chaang'; amu chamei miising': ago ineendet ne kinyochin kaat kitigin, kochamei agine kitigin.

ROMANIK 12:2

Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 15:30

Asoomok miising' anyun che kitupche, eng' Kiptaiyandennyo Jeso Kristo, ak eng' chamyetap Kabuuset ne Tiliil, ale ogiilgei kobooto eng' saautikwok che osaae Kamuktaindet agobo anee;

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

ROMANIK 6:13

anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.

ROMANIK 6:16

Mongen ole, ineendet ne ogoochinigei oegu otwogik agoi kasetap iit, ko oo otwogigap ineendet ne ogase iit; ngo po tengekto agoi meet, anan ngo po kasetap iit agoi imanda?

ROMANIK 6:19

Ang'alaali ko uu piteetap piik amu nyalulet ne po poorwekwok: amu ko uu ye ki ogoite kebeberwegap poorwekwok koek otwogigap murwoonindo ak tengek agoi tengek, ko uu nooto anyun ogoite kebeberwegap poorwekwok koek otwogigap imanda agoi tiliilindo.

ROMANIK 9:23

ak si kobiit kobarta mogornatosyegap toroornatennyi eng' tereenik che po rireenetapkei che kiga sip kochopchi telunateet,

1 KORINTOEK 1:10

Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 4:1

Nooto anyun, amu ki tinyei poisyoni, ko uu ye ki kenyooru rireenetapkei, ko mameech mugulel:

2 KORINTOEK 4:16

Nooto anyun, mameech mugulel; ago agot ngo ng'emak chiinyo ne po parak, kewalei chiinyo ne po oriit kileeliti peetuut age tugul.

2 KORINTOEK 5:20

Nooto anyun kitononjinik agobo Kristo, ko uu ye igoigook Kamuktaindet eng' acheek; kigoigook agobo Kristo, keele otuiyegei ak Kamuktaindet.

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

EPESOEK 4:1

Nooto anyun, anee ne aa kimonjororyot eng' Kiptaiyat, asoomok miising' ale obendate ko uu ye nyoljin kuurseet ne kigeguurok,

EPESOEK 5:10

si onai nooto taachaksei eng' Kiptaiyat;

NG'ATUTIK 14:2

Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

PILIPIK 1:20

Ko uu eng' kagenisyennyu ne ageni miising' ak kamang'unennyu, ale ma kigoono alilan eng' kiy age tugul ago eng' nyiganateet tugul, ko uu kotugul, ko uu nooto agine nguno kitoroori Kristo eng' poortanyu, ngo eng' saboondo, anan eng' meet.

PILIPIK 2:17

Ee, agot ngerong'ja paragutap kaptisisyet ak otisyetap kayaneng'wong', ko abaibai, ak agasigei kobootok okweek tugul:

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 THESSALONIKEK 4:10

amu oyae ko uu nooto iman eng' tupchosyek tugul che miitei Makedonia komugul. Ago kiteeiywok, tupchosyechu, keele obaraitu kosiir;

1 THESSALONIKEK 5:12

Ago kisoomok, che kitupche, keele onai icheek che tinyei poisyet ne oo eng' kwenung'wong', ak che poiywok eng' Kiptaiyat, ak kotigoonok;

1 TIMOTEO 2:3

Myee niito ak ko taagaksei eng' taitap Kamuktaindet Yetindennyo;

1 TIMOTEO 5:4

Ago ngo tinyei mosoget age tugul lagok anan mochogoronik, koneetkei korook kobarta kayweet ne kiywei Kamuktaindet eng' piigap koonnywa, ak koyaakyi sigiikwak toreteet: amu taagaksei niito eng' taitap Kamuktaindet.

PILEMON 1:10

Asoomin miising' agobo lakweennyu Onesmus, ne ki asich eng' monjorornatosyekyuk,

PILEMON 1:9

ago, amu chamyet asoomin miising', anee Paulo ne koaositu, ak nguno kogeny ko aa kimonjororyot ne po Kristo Jeso.

HEBRANIK 13:22

Ago asoomok miising', tupchosyechu, ale omuite eng' ng'olyootap kagimiitet: amu kaasirwak eng' ng'aleek tutigin.

1 PETERO 2:20

Amu teegis nee, ngot oyai tengek ak kebirok, ak omuitoi? Ago ngot oyai ne myee, ak onyalil, ak omuitoi, ko chamaksei niito eng' Kamuktaindet.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.