ROMANIK 11:20 - BUKUIT NE TILIIL Sireet ne Dutero Kanon

²⁰ Myee; ki kiiri icheek amu pistoennywa, ak itononi eng' kayaneng'ung'. Amelaske, ago iyweisye:

Bukuit Ne Tilil

²⁰ Myee; ki kiiri icheek amu pistoennywa, ak itononi eng' kayaneng'ung'. Amelaske, ago iyweisye:

BUKUIT NE TILIL

²⁰ Mie; kigiiri ichek amu bistoenywa, ak itononi eng’ kayaneng’ung’. Amelasge, ago iyweisie:

ROMANIK 11:20 ပူးပေါင်းရင်းမြစ်များ

2 ATEPTAP PEETUUSYEK 20:20

Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

TIENWOGIKAL 138:6

Agot nga toroor Kamuktaindet ne Toroor, kogeerei ne nyeraat, ago ingen ineendet menotyot agot ngo mi ole loo.

KALEWANAIK 28:14

Paibai chiito ne iyweisyei kotugul; ago ibutyin yaityet ineendet ne iuuiiti muguleldanyi.

KALEWANAIK 28:26

Perber ineendet ne imang'ugei; ago kisaru age tugul ne wendotee utaatyet.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 2:17

Kiming'ini kaeetetapkei ne po chiito, ak kinyeroti menoteetap piik; Kamuktaindet ne Toroor ineegei ne tororitu peetuunooto.

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

ISAIAH 7:9

Metitap Ephraim ko Samaria, ak metitap Samaria ko weeriitap Remaliah. Ngot ko moyan, koma koi ogimegitu.

HABAKUK 2:4

Ogeero, kagomen muguleldanyi, ma litit ineendet, ago sabei ne po imanda eng' kayanennyi.

SEPANIA 3:11

Ma tuun ililani eng' peetuunooto amu poisyoniguk tugul che ki iyaiywo eng' pistoet. Tuun aistoi komong' eng' kwenung'ung' menotik ak che itoroorigei, si ma ichaugei kogeny eng' tulweennyu ne tiliil.

LUKA 18:14

Amwaiwok ale, kichoortagei chiichooto koonnyi ko kagoek ne po imanda kosiir nin age: amu chii age tugul ne itoroorigei kiming'ini; ak age tugul ne iming'inigei ko tuun kitoroori.”

POISYONIGAP CHE KIYOKTOI 18:6

Ye kingo kirinda ak komwa icheek ng'aleek kochup ineendet, koleglekta ineendet ngoryennyi ak koleenji, “Ingotebi korotiikwok eng' metowekwok; aa tiliil anee. Kobooch nguno ko kawe ye mi Pororyosyek.”

ROMANIK 11:18

mechauge ile isiire mooriik: ago, ngot ichauge, koma inyee ne igeseni tigityot, ago tigityot ne kesenin.

ROMANIK 11:21

amu ngo ki ma riiree Kamuktaindet mooriik che ki po keetoto ye kinye, koma rireenen ak inyee.

ROMANIK 12:16

Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.

ROMANIK 12:3

Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet.

ROMANIK 3:3

Amu egu nee ngot koma tinyei alage kayaneet? Kayanennywa ne ma mi, ko tos walei imandap Kamuktaindet koek puch?

1 KORINTOEK 10:12

Nooto anyun ingoriipkei si ma ibut, ineendet ne ibwaati kole tononi.

1 KORINTOEK 15:1

Aboorwok anyun, che kitupche, nguno, logoiywek che myach che ki aamwok, chooto ki otaach, chooto ak icheek che otonone,

1 KORINTOEK 16:13

Oriipse, olumdegei miising' eng' kayaneet, otebi ko uu murenik, ogimegitu.

2 KORINTOEK 1:24

Ma keele ki tinyei pounateet eng' kayaneng'wong', ago kitoretik che po poiboiyeng'wong': amu otonondosi eng' kayaneng'wong'.

2 KORINTOEK 10:5

kiluuli kabwaatutik, ak kiy age tugul ne toroor ne ieetegei kole kogirinda naetap Kamuktaindet, ak koluulei kabwaatet age tugul si kobiit kogas iit Kristo;

PILIPIK 2:12

Nooto anyun, chamanikyuk, ko uu ye koogase iit kotugul, ma ye ami kityo, ago nguno ye ma mi ogase iit kosiir, oboisyee yetuneng'wong' kosulda eng' kaiyweisyet ak potanet;

KOLOSAIK 2:7

ko oo lumdootin ak ko oo teegotin eng' ineendet, ak kigimitok eng' kayaneng'wong', ko uu ye ki kinetak, otese omwae kongoi.

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

1 TIMOTEO 6:17

Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

HEBRANIK 3:19

Kigeere anyun keele ki ma imuuch icheek koit amu ma iyan.

HEBRANIK 4:11

Ongigiilgei anyun si keit kamuung'onooto, si ma ibut chii age tugul eng' kergeinooto po ngelelnateet.

HEBRANIK 4:6

Eng' nooto anyun amu miitei poroindo ne po alak koit olooto, ak icheek che kiga keamji logoiywek che myach, ko ki mata koit amu ngelelnateet,

JAKOBO 2:19

Iyani ile agenge Kamuktaindet; iyae ne myee: iyani ak icheek oik, ak kobotandos.

JAKOBO 4:6

Ago koonu myeeindo ne tesat. Leen anyun, “Kirindoi Kamuktaindet che meniotin, ak kogoochin myeeindo che iming'inegei.”

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek:

1 PETERO 5:12

Kasirwak eng' ng'aleek tutigin, eng' eutap Silvano, tupchennyo ne kiyani, ko uu ye abwaati, amwaiwok inne, ak abaoryani ale myeeindap iman ni ne po Kamuktaindet: otononse olumdegei.

1 PETERO 5:9

ogirinde ineendet ko oo lumdootin eng' kayaneng'wong', ongen ole yaaksei nyalilwogik che uu chooto eng' tupchosyekwok che mi ng'wony.

NG'ANG'UTYET 18:7

Ko uu ye ki iloskei ak koser tuguukyik, ogoochi ineendet ng'wanindo ak arageneet ko uu nooto. Amu mwaei ineendet eng' muguleldanyi kole, ‘Atebye ko aa laitoryat ne kwondo, ma aa mosok ak ma koi ageer riirek.’

NG'ANG'UTYET 3:17

Imwae ileen, ‘Aa mogoryo, ak ki asich mogornateet, ama abanani kiy.’ Mengen ile ii chiito ne ii kimnyalilyat ak itinye riirek ak ko ii kibananiat ak ko ii kipkoraatyat ak imi aach ngor.