ROMANIK 10:15 - BUKUIT NE TILIIL Sireet ne Dutero Kanon

¹⁵ Ak amdoitoi ano, ngo ma kiyookto? Agot ko uu ye siraat kole, “Korooron ne tya keelyegap icheeget che ibu logoiywek che po poiboiyet, che po tuguuk che myach!”

Bukuit Ne Tilil

¹⁵ Ak amdoitoi ano, ngo ma kiyookto? Agot ko uu ye siraat kole, “Korooron ne tya keelyegap icheeget che ibu logoiywek che po poiboiyet, che po tuguuk che myach!”

BUKUIT NE TILIL

¹⁵ Ak amdoitoi ano, ngo ma kiyokto? Agot ko u ye sirat kole, Kororon ne tia kelyekab icheget che ibu logoiywek che bo boiboiyet, che bo tuguk che miach!

ROMANIK 10:15 ပူးပေါင်းရင်းမြစ်များ

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

ISAIAH 57:19

Ayae logoegap kutusweek: Kaalyeet, kaalyeet eng' ineendet ne mi ole loo ak ineendet ne mi ole neegit ak asoop icheek.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

JEREMIA 23:32

Mwaei Kamuktaindet ne Toroor kole, ogeero, agirindoi icheek che maoteni karwotitaosyegap lembech, komwaita, ak kogoochi piikyuk kolel amu lembechekwak, ak eng' kachaunennywa pogei ne po puch: ago ma ayookte, anan ang'at icheek; ama toreti pichu agot kitigin, mwaei Kamuktaindet ne Toroor.

NAHUM 1:15

Ogeero! Mi tuloonook kelyegap ineendet ne ibu logoiywek che myach, inee ne mwaitoi kaalyeet. Riip igoorweguk, ee Judah, yai kaarortaosyeguk kosulda, amu ma kobookyinin kiptengekyot kogeny; ki parei ineendet ne matiny.

MATAYO 9:38

Nooto anyun osaa Kiptaiyat ne po kesisyet, si kobiit koyookyi kiboitiinik kesisyennyi.”

LUKA 10:1

Kingo pata tuguuchu kolewen Kiptaiyat piik alak tamanwogik tisap ak icheek, ak koyookto kobee aeng' kole, kondoe ineendet koba nganaseet age tugul ak komosta age tugul ole tuun punooti.

LUKA 2:10

Ak ki leenji `malaikaiyat icheek, Amoiyweisye; ogeero, aibwok logoiywek che myach che po poiboiyet ne oo ne ityin piik tugul:

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

LUKA 8:1

Ak kingo pata nooto, ne matyanit, kowendote nganasook che eecheen ak che mengeechen koamdaati ak komwaitaati logoiywek che myach che po laitornatetap Kamuktaindet, ak ki mi tamanu ak aeng' kobooto ineendet,

JOHANA 20:21

Koleenji Jeso anyun kogeny, “Ingotep kaalyeet eng' okweek: ko uu ye ki iyookwo Kwanda, ayooktook ak okweek ko uu nooto.”

POISYONIGAP CHE KIYOKTOI 10:36

Ng'olyoot ne ki iyookyi ineendet piigap Israel, ko koamda ng'aleek che myach che po kaalyeet eng' Jeso Kristo, ineendet ko Kiptaiyat ne po tugul.

POISYONIGAP CHE KIYOKTOI 13:26

“Che kitupche, lagogap kesweek che po Abraham, ak alak che mi kwenung'wong' che iywei Kamuktaindet, kagiyokwech acheek ng'olyoondoni po yetunet.

POISYONIGAP CHE KIYOKTOI 22:21

Ak ki leenjo ineendet, ‘Ui, amu ayooktoin iwe ole loo agoi ye mi Pororyosyek.’ ”

POISYONIGAP CHE KIYOKTOI 9:15

Ago ki leenji Kiptaiyat, “Ui inyee, amu kinnyu ineendet ne aboisyee ne ki alewen, si koip kainennyu taitap Pororyosyek ak laitorinik, ak piigap Israel:

ROMANIK 1:15

Nooto anyun, ko uu ye amuuchi, ko aa choboot aamwok logoiywek che myach ak okweek che omite Rome.

ROMANIK 15:20

ee, ayae nooto koek kiit ne atoorchinigei ale aamda logoiywek che myach, ma eng' ole kigemwae kainetap Kristo, si ma teech eng' lumeiywotap chiito age;

EPESOEK 2:17

Ak ki nyo koamwok kaalyeet okweek che ki oo looen, ak kaalyeet eng' icheek che kineegiten:

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

EPESOEK 6:15

ak ko kaoratyi keelyekwok pekyinet ne po logoiywek che myach che po kaalyeet;

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.