ROMANIK 1:21 - BUKUIT NE TILIIL Sireet ne Dutero Kanon

²¹ amu kingo kagonai Kamuktaindet, koma kolas ko uu Kamuktaindet, anan koweekyi kongoi; ago ki perberitu eng' kabwaatutikwak, ak ki imenitu mugulelwekwak che ma tinyei naet.

Bukuit Ne Tilil

²¹ amu kingo kagonai Kamuktaindet, koma kolas ko uu Kamuktaindet, anan koweekyi kongoi; ago ki perberitu eng' kabwaatutikwak, ak ki imenitu mugulelwekwak che ma tinyei naet.

BUKUIT NE TILIL

²¹ amu kingo kagonai Jehovah, ko ma kolos ko u Jehovah, anan kogochi kongoi; ago kiberberitu eng’ kabwatutikwak, ak kiimenitu mugulelwekwak che matinyei naet.

ROMANIK 1:21 ပူးပေါင်းရင်းမြစ်များ

TAUNET 6:5

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

1 LAITORINIK 20:23

Ki leenji otwogigap laitoryatap Syria ineendet, “Kamuktaindennywa ko kamuktaindetap tuloonook. Ki kiimeen anyun icheek kosiirech amu nooto. Ago ongebarge ak icheek eng' warenget, ak kegimegitu iman kesiir icheek.

2 LAITORINIK 17:15

Ki eesyo ng'atuutikyik ak kayomisennyi ne ki iyomiskei ak kwanisyekwak, ak paornatosyekyik che kibaoryan agobo icheek. Ki isup icheek tuguuk che po puch ak ki ek puch. Ki isup pororyosyek che kiga yiem icheek, che kiga ng'at `Kamuktaindet ne Toroor icheek agobo pichooto, koleenji, “Amat oyai ko uu ye yaei icheeget.”

TIENWOGIKAL 50:23

Age tugul ne igoitoi korosyotap kongoi ko nooto ne iloswa; ak ineendet ne chobei atebeennyi komyee aboorchini yetunetap Kamuktaindet.”

TIENWOGIKAL 81:12

Ki aunde anyun koba eng' uuindap mugulelwekwak, Si kobendatee kirwoogutikwak.

TIENWOGIKAL 86:9

Tuun pwoonei pororyosyek tugul che ki iyae Ak kogutung'so eng' taing'ung', ee Kiptaiyat; Ak kotoroor icheek kaineng'ung'.

AMDOINDET 7:29

Ogeero, ki anyooru niito kityo, ale, ki yai Kamuktaindet chiito kobunji iman; ago kigocheeng' icheek tuguuk che chaang' che taunen.

ISAIAH 60:2

Amu, keero, tuchei mesundeito ng'wony, ak kotuch mesundeito ne oo pororyosyek: ago chorchinin Kamuktaindet ne Toroor, ak kotook toroornatennyi eng' inyee.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 2:5

Mwaei Kamuktaindet ne Toroor kole: “Nee kiit ne ma po iman ne kinyoorcha kwanisyekwok, kot kolooitena, ak koba kosubot kamuktaik che ma tilei kiy, ak kagoek icheek puch?

JEREMIA 9:14

Ago kibendatee uuindap mugulelwekwak ak koosup Baalik, che ki ineeti kwanisyekwak.

EZEKIEL 14:5

si kobiit anam kootap Israel eng' mugulelwekwak icheeget, amu ki kotoiyenagei icheek tugul amu kanamonikwak.

EZEKIEL 20:25

Ki agoochi anyun kogeny ng'atuutik che ki ma ko myachen, ak kirwoogutik che masabe;

HOSEA 2:8

Amu ma nai kole anee ne ki agoochini peek, ak divaik, ak mwanik, ak atesyi fedha ak thahabu che ki yae Baal.

JOHANA 3:19

Ak ni kirwooget, amu ki nyoonji ng'wony lapkeiyet, ak ki cham piik mesundeito kosiir lapkeiyet; amu ki yaach poisyonikwak.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

ROMANIK 1:19

amu tuguugap Kamuktaindet che naotin ko taagunotiin eng' icheek; ki kong'aang'ji Kamuktaindet icheek.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

ROMANIK 11:10

Ingoimenitu konyekwak, si ma keer kiy, Ak iyai patoikwak kogumbu kotugul.

ROMANIK 15:9

ak si kotoroor Pororyosyek Kamuktaindet amu rireenennyi; ko uu ye ki kisir keele, Nooto anyun alasun eng' kwenutap Pororyosyek, Ak atyenji kaineng'ung'.

NG'ATUTIK 28:29

Iwendi isabsabisyoti peet kween ko uu ye sabsabisyoti kipkoraatyat eng' mesundeito, ama kiberuurin eng' ortinweguk. Kinyaliilin kityo ak kerebenen tuguuguk kotugul ama piitu ne saruun.

2 TIMOTEO 3:2

Amu egu piik che chamegei icheegei, che chamei silingisyek, che ichaugei, che mendos, che poisyee chemerereet, che ingeleljin sigiikwak, che ma tinyei kongoi, che ma tiliileen,

1 PETERO 1:18

ongen ole ki kityaachak omang'une atebeeng'wong' ne po puch ne ki onyooru eng' kwanisyekwok, ma eng' tuguuk che ng'emaksei, ko uu fedha anan thahabu;

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 14:7

ak komwaei eng' kutit ne oo, kole, “Oiywei Kamuktaindet, ak ogoochi toroornatet; amu kagoit saitap kirwoogennyi; ak olasu ineendet ne ki yai kipsengwet ak ng'wony ak nyanjet ak kondametusyegap peek.”

NG'ANG'UTYET 15:4

Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”